Box Office - Crime Mirror

బాలీవుడ్లో చిన్న సినిమాగా విడుదలై ఇప్పుడు బాక్సాఫీస్ను షేక్ చేస్తున్న చిత్రం ‘హనుమాన్ అంశ్’. భారీ అంచనాలతో వచ్చిన స్టార్ హీరోల సినిమాలకు ధీటుగా వసూళ్లు సాధిస్తూ ఈ మూవీ సరికొత్త రికార్డులు సృష్టిస్తోంది. ముఖ్యంగా విడుదలైన ఐదో వారాంతంలో నమోదైన కలెక్షన్లు సినీ వర్గాలను ఆశ్చర్యానికి గురిచేస్తున్నాయి. ఆధ్యాత్మిక గురువు నీమ్ కరోలీ బాబా జీవితంలోని అంశాలను ఆధారంగా చేసుకుని దర్శకుడు విశాల్ చతుర్వేది ఈ చిత్రాన్ని రూపొందించారు. ఆగస్టు 7న ప్రేక్షకుల ముందుకు వచ్చిన ఈ సినిమాకు మొదట్లో పెద్దగా స్పందన కనిపించలేదు. తొలి రెండు వారాల్లో వసూళ్లు సాధారణ స్థాయిలోనే కొనసాగాయి. అయితే మూడో వారం నుంచి పరిస్థితి పూర్తిగా మారిపోయింది. ప్రేక్షకుల నుంచి వచ్చిన పాజిటివ్ టాక్తో సినిమాకు ఆదరణ పెరిగింది. దీంతో రోజురోజుకూ థియేటర్లలో ఆక్యుపెన్సీ మెరుగుపడుతూ కలెక్షన్లు భారీగా పెరిగాయి. ఈ ప్రభావంతో కేవలం 31 రోజుల్లోనే రూ.100 కోట్ల మార్క్ను మూవీ దాటింది. ఇక ఐదో వారాంతంలో ‘హనుమాన్ అంశ్’ మరోసారి తన సత్తా చాటింది. సెప్టెంబర్ 4 నుంచి 6 వరకు మూడు రోజుల్లోనే రూ.45.60 కోట్ల వసూళ్లు సాధించినట్లు ట్రేడ్ వర్గాల సమాచారం. దీంతో ఐదో వీకెండ్లో అత్యధిక కలెక్షన్లు సాధించిన భారతీయ చిత్రంగా కొత్త రికార్డు నమోదు చేసింది. ఇప్పటివరకు ఈ జాబితాలో ‘ధురంధర్ పార్ట్ 1’ రూ.35.80 కోట్లతో, ‘పుష్ప 2’ హిందీ వెర్షన్ రూ.14 కోట్లతో నిలిచాయి. తాజాగా ‘హనుమాన్ అంశ్’ ఏకంగా రూ.45.60 కోట్లతో వాటిని అధిగమించింది. దీంతో భారీ బడ్జెట్ సినిమాలను వెనక్కి నెట్టి ఓ చిన్న చిత్రం ఈ స్థాయి రికార్డు సాధించడం చర్చనీయాంశంగా మారింది. సినిమాకు వస్తున్న ప్రేక్షకాదరణ, పాజిటివ్ మౌత్ టాక్ కారణంగానే ఈ స్థాయిలో వసూళ్లు సాధ్యమయ్యాయని ట్రేడ్ విశ్లేషకులు అభిప్రాయపడుతున్నారు. ఐదో వారాంతపు కలెక్షన్ల పరంగా ఈ సినిమా ప్రస్తుతం టాప్ పొజిషన్లో నిలిచిందని చెబుతున్నారు. కాగా.. ‘హనుమాన్ అంశ్’ను సెప్టెంబర్ 11న ఓవర్సీస్ మార్కెట్లలోనూ విడుదల చేసేందుకు మేకర్స్ సన్నాహాలు చేస్తున్నట్లు సమాచారం. అక్కడ కూడా సినిమాకు మంచి స్పందన లభిస్తే కలెక్షన్లు మరింత పెరిగే అవకాశం ఉంది. also read: రూ.3 లక్షల నగదు ఉన్న బ్యాగ్ ప్రయాణికుడికి తిరిగి అప్పగించిన కండక్టర్.. నిజాయితీకి ప్రశంసలు

Tag: Box Office

Most Read

రాజకీయాలకు మీనాక్షి నటరాజన్ గుడ్ బై…!

విద్యుత్ కోతతో ఆక్సిజన్ అందక మహిళ మృతి.. ఆళ్లగడ్డలో విషాదం

వేడి నీళ్ల బకెట్‌లో పడి నాలుగేళ్ల బాలిక మృతి.. మైలార్‌దేవ్‌పల్లిలో విషాదం

బెంగళూరు ఫైవ్‌స్టార్ హోటల్‌లో దారుణం.. ఇద్దరు కుమార్తెలను చంపి తండ్రి ఆత్మహత్యాయత్నం

EDITOR PICKS

హనుమాన్ అంశ్ బాక్సాఫీస్ రికార్డ్.. పుష్ప 2, ధురంధర్‌ను వెనక్కి నెట్టిన చిన్న సినిమా

‘ఇరుముడి’ జోరు.. రూ.200 కోట్ల క్లబ్‌లో రవితేజ సినిమా!

విజయ్ ‘జన నాయకగన్’ ఎఫెక్ట్.. తమిళ సినిమా రిలీజ్ షెడ్యూల్ మొత్తం షేక్!

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags