ఖైరతాబాద్‌ గణేషుడి సన్నిధిలో మహిళ ప్రసవం

క్యూలో పండంటి బిడ్డకు జన్మనిచ్చిన తల్లి
రాజస్థాన్‌కు చెందిన రేష్మగా గుర్తింపు
ఆనందం వ్యక్తం చేస్తున్న మహిళ బంధువులు

క్రైమ్‌మిర్రర్‌, హైదరాబాద్‌: ఖైరతాబాద్ వినాయకుడిని దర్శించుకునేందుకు భక్తులు పోటెత్తారు. ప్రజలు తండోపతండాలుగా తరలివస్తుండటంతో క్యూ మొత్తం నిండిపోయింది. గణనాథుడి దర్శనం కోసం కుటుంబంతో కలిసి వచ్చిన ఓ గర్భిణి… క్యూలోనే పండంటి బిడ్డకు జన్మనిచ్చింది. లైన్‌లో నిల్చుండగానే గర్భిణికి పురిటినొప్పులు వచ్చాయి. పక్కనే ఉన్న తోటి మహిళలు ఆ గర్భిణికి పురుడు పోశారు. అనంతరం దగ్గరలోని ఆస్పత్రికి తరలించారు. తల్లీబిడ్డ క్షేమంగా ఉన్నట్లు వైద్యులు తెలిపారు. క్యూలో ప్రసవించిన మహిళను రాజస్థాన్‌కు చెందిన రేష్మగా గుర్తించారు. ఖైరతాబాద్‌ గణపయ్య సన్నిధిలో పురుడు పోసుకోవడంతో రేష్మ కుటుంబ సభ్యులు ఆనందం వ్యక్తం చేస్తున్నారు.