arunachal pradesh - Crime Mirror

క్రైమ్ మిర్రర్ : ఇండియా-మయన్మార్ సరిహద్దులో ఉగ్రవాదుల కాల్పులతో ఉద్రిక్త పరిస్థితి నెలకొంది. సాధారణ గస్తీలో ఉన్న అసోం రైఫిల్స్ సిబ్బందిని లక్ష్యంగా చేసుకుని జరిగిన కాల్పుల్లో ఓ జవాన్ ప్రాణాలు కోల్పోగా, మరో నలుగురు గాయపడినట్లు సమాచారం. ఘటన అనంతరం భద్రతా బలగాలు అప్రమత్తమై సరిహద్దు ప్రాంతంలో విస్తృతంగా గాలింపు చర్యలు చేపట్టాయి. అరుణాచల్ప్రదేశ్లోని చంగ్లాంగ్ జిల్లాలో ఈ ఘటన చోటుచేసుకుంది. మంగళవారం ఉదయం నాంపోంగ్ నల్లా ప్రాంతంలో 21 అసోం రైఫిల్స్కు చెందిన సిబ్బంది సాధారణ పెట్రోలింగ్ నిర్వహిస్తున్నారు. సరిహద్దు ప్రాంతంలో భద్రతా ఏర్పాట్లను పరిశీలిస్తున్న సమయంలో ఒక్కసారిగా గుర్తుతెలియని వ్యక్తులు భద్రతా సిబ్బందిపై కాల్పులకు తెగబడినట్లు అధికారులు తెలిపారు. ఈ దాడిలో హవిల్దార్ జంఖోకాయ్ కుకి (42) తీవ్రంగా గాయపడి మృతి చెందినట్లు సమాచారం. మరో నలుగురు జవాన్లు గాయపడగా, వారిని వెంటనే సమీపంలోని ఆసుపత్రికి తరలించి చికిత్స అందిస్తున్నారు. ఘటన సమాచారం అందిన వెంటనే అదనపు భద్రతా బలగాలను ఆ ప్రాంతానికి తరలించారు. సరిహద్దు ప్రాంతంలో భద్రతను మరింత కట్టుదిట్టం చేసి, దాడికి పాల్పడిన వారి కోసం విస్తృతంగా గాలింపు చేపట్టారు. నిందితులు తప్పించుకునే మార్గాలను గుర్తించి అప్రమత్తంగా వ్యవహరిస్తున్నట్లు అధికారులు తెలిపారు. ప్రాథమిక సమాచారం ప్రకారం ఈ దాడి వెనుక ఎన్ఎస్సీఎన్ (కే-వైఏ) వర్గానికి చెందిన ఉగ్రవాదుల ప్రమేయం ఉండొచ్చని భద్రతా వర్గాలు అనుమానిస్తున్నాయి. అయితే ఈ విషయాన్ని అధికారులు ఇంకా అధికారికంగా ధృవీకరించాల్సి ఉంది. కాల్పుల ఘటనకు దారితీసిన పరిస్థితులు, దాడి చేసిన వారి సంఖ్య, వారి కదలికలపై దర్యాప్తు కొనసాగుతోంది. సరిహద్దు ప్రాంతంలో భద్రతా బలగాల మోహరింపును పెంచడంతో పాటు అనుమానాస్పద కదలికలపై నిఘాను మరింత కట్టుదిట్టం చేశారు. also read : పార్టీ విలీన ప్రచారంపై శరద్ పవార్ క్లారిటీ..!

Tag: arunachal pradesh

Most Read

తల్లిపై కత్తితో దాడి.. ఆపై భవనంపై నుంచి దూకి బాలుడి ఆత్మహత్య

ప్రముఖ నటుడు గిరిబాబు కన్నుమూత.. తెలుగు సినీ పరిశ్రమలో విషాదం

ఘోర రోడ్డు ప్ర‌మాదం….! ఒక‌రు మృతి…20 మందికి గాయాలు…

హైదరాబాద్ రియల్ రంగంలో సంచలనం…! మోడీ బిల్డర్స్ భారీ జ‌రిమాన‌…!

EDITOR PICKS

అరుణాచల్‌ప్రదేశ్‌లో భద్రతా బలగాలపై కాల్పులు.. జవాన్ మృతి

7 నిమిషాల్లో రెండుసార్లు.. గుజరాత్ లో భూకంపం!

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags