Andhra Pradesh Capital Amaravati

మరో రూ.15 వేల కోట్ల అదనపు సాయం ప్రపంచ బ్యాంకుతోపాటు ఏషియన్ డెవలప్మెంట్ బ్యాంక్ గ్రీన్ సిగ్నల్ క్రైమ్ మిర్రర్, ఏపీ బ్యూరో: అమరావతి రాజధాని కి మరో గుడ్ న్యూస్. ప్రపంచ బ్యాంకుతోపాటు ఏషియన్ డెవలప్మెంట్ బ్యాంక్ అదనంగా 15 వేల కోట్ల రూపాయలు అందించేందుకు సానుకూలత వ్యక్తం చేశాయి. ఇటీవల ఆ రెండు బ్యాంకుల ప్రపంచ ప్రతినిధులు అమరావతిలో జరుగుతున్న పనులను పరిశీలించారు. అంతర్జాతీయ స్థాయి ప్రమాణాలకు అనుగుణంగా అమరావతి రాజధాని నిర్మాణం జరుగుతుండడం పై సంతృప్తి వ్యక్తం చేశారు. దీంతో సిఆర్డిఏ అధికారులు మరో 15 వేల కోట్ల అదనపు రుణం గురించి ప్రస్తావించారు. దీనిపై సానుకూలంగా వారు స్పందించడంతో.. అదనపు నిధులు విడుదలవుతాయన్న ఆశాభావం వ్యక్తం అవుతుంది. శరవేగంగా పనులు.. ప్రస్తుతం అమరావతిలో 52 వేల కోట్ల రూపాయలతో 102 ప్రాధాన్యత పనులు శరవేగంగా జరుగుతున్నాయి. కీలక నిర్మాణ పనులు ఊపొందుకుంటున్నాయి. 2028 నాటికి తొలిదశ అమరావతి రాజధాని నిర్మాణ పనులు పూర్తి చేయాలన్నది ప్రభుత్వ లక్ష్యం. ఈ లక్ష్యాన్ని చేరువ అవుతోంది ఏపీ ప్రభుత్వం. వేలాదిమంది కార్మికులు, ఇంజనీరింగ్ నిపుణులతో పనులు జరుగుతున్నాయి. భారీ యంత్రాలతో పాటు పరికరాలతో పనులు చేపడుతున్నారు. రేయింబవళ్లు పనులు జరుగుతుండగా.. ప్రభుత్వం సైతం ప్రత్యేకంగా పర్యవేక్షిస్తుంది. మంత్రి నారాయణ అమరావతి రాజధాని నిర్మాణ పనుల బాధ్యతలను చూస్తున్నారు. కేంద్రం సర్దుబాటు.. అమరావతి రాజధాని నిర్మాణానికి కేంద్ర ప్రభుత్వం 15000 కోట్ల రూపాయల సాయం అందించిన సంగతి తెలిసింది. అధికారంలోకి వచ్చిన తొలినాళ్లలోనే వార్షిక బడ్జెట్లో ఈ నిధులను సర్దుబాటు చేసింది. ప్రపంచ బ్యాంకుతోపాటు ఏషియన్ డెవలప్మెంట్ బ్యాంకు ద్వారా ఈ నిధులను సమకూర్చింది. అయితే అప్పట్లో అమరావతిపై విష ప్రచారం చేసి ఈ సాయాన్ని అడ్డుకోవాలని చూశారు. కానీ స్వయంగా పరిశీలించిన ఆ రెండు బ్యాంకుల ప్రతినిధులు నిధుల విడుదలకు గ్రీన్ సిగ్నల్ ఇచ్చారు. ఇప్పుడు ప్రపంచ స్థాయిలో పనులు జరుగుతుండడంతో.. మరో 15 వేల కోట్ల అదనపు నిధుల మంజూరుకు సైతం సుముఖత వ్యక్తం చేశారు. అదే జరిగితే అమరావతిలో మిగిలిన ప్రధాన నిర్మాణాలు సైతం ఒక కొలిక్కి వచ్చే అవకాశం ఉంది. నిజంగా అమరావతికి ఇది శుభవార్త.

Tag: Andhra Pradesh Capital Amaravati

Most Read

81 మందితో మోడీ టీం…!

అమరావతికి గుడ్ న్యూస్…!

దక్షిణాదిన నీరుగారిన ‘కాక్రోచ్’…!

ఆ ఇద్దరికీ అగ్నిపరీక్ష…!

EDITOR PICKS

అమరావతికి గుడ్ న్యూస్…!

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags