సంక్రాంతికే మళ్లీ మాస్ మహారాజా.. శ్రీవిష్ణుతో నవ్వుల జాతరకు రెడీ...!

హైదరాబాద్,క్రైమ్మిర్రర్: మాస్ మహారాజా రవితేజ మరోసారి సంక్రాంతి సీజన్ను టార్గెట్ చేస్తూ కొత్త ప్రాజెక్ట్తో ప్రేక్షకుల ముందుకు రానున్నారు. ప్రస్తుతం శివ నిర్వాణ దర్శకత్వంలో రూపొందుతున్న భక్తి-యాక్షన్ డ్రామా ఇరుముడి విడుదలకు సిద్ధమవుతుండగా, అదే సమయంలో మరో క్రేజీ మల్టీస్టారర్ చిత్రాన్ని లైన్లో పెట్టారు. ఈసారి టాలెంటెడ్ హీరో శ్రీవిష్ణుతో కలిసి నవ్వులు పంచేందుకు సిద్ధమవుతున్నారు. 'రాజా రాజ చోర' ఫేమ్ దర్శకుడు హసిత్ గోలి దర్శకత్వంలో ఈ వినోదాత్మక చిత్రం తెరకెక్కనుంది. ఈ నెలలో పూజా కార్యక్రమాలతో ప్రారంభమయ్యే ఈ సినిమా వచ్చే నెల నుంచి రెగ్యులర్ షూటింగ్ ప్రారంభించనుంది. కామెడీ, ఎంటర్టైన్మెంట్కు ప్రాధాన్యం ఇస్తూ రూపొందనున్న ఈ చిత్రాన్ని వచ్చే సంక్రాంతి కానుకగా విడుదల చేయాలని మేకర్స్ ప్లాన్ చేస్తున్నట్లు సినీ వర్గాలు చెబుతున్నాయి. Also Read:నిజామాబాద్లో దారుణం….! ప్రియుడితో కలిసి భర్తను హత్య చేసిన భార్య…! ఇక మరోవైపు రవితేజ నటిస్తున్న ఇరుముడి చిత్రం ఆగస్టు 21న ప్రేక్షకుల ముందుకు రానుంది. శివ నిర్వాణ దర్శకత్వంలో తెరకెక్కుతున్న ఈ సినిమాలో భక్తి, కుటుంబ భావోద్వేగాలు, యాక్షన్ అంశాలను సమపాళ్లలో మిళితం చేశారు. హీరోయిన్గా ప్రియా భవానీ శంకర్ నటిస్తుండగా, మైత్రీ మూవీ మేకర్స్ భారీ బడ్జెట్తో ఈ చిత్రాన్ని నిర్మిస్తోంది.ఇటీవల విడుదలైన ఇరుముడి కట్టు.. శబరిమల ఎక్కు అనే భక్తి గీతం ప్రేక్షకులను విశేషంగా ఆకట్టుకుంది. అయ్యప్ప స్వామి భక్తుల నుంచి ఈ పాటకు అద్భుతమైన స్పందన లభిస్తోంది. జి.వి. ప్రకాష్ కుమార్ సంగీతం, కళ్యాణ్ చక్రవర్తి సాహిత్యం, అనంతు గాత్రం కలిసి ఈ పాటను ప్రత్యేకంగా నిలిపాయి. మాస్ హీరో రవితేజను భక్తి ప్రధాన పాత్రలో చూడటం అభిమానులకు కొత్త అనుభూతిని కలిగిస్తోంది. Also Read:లెనిన్’ చిత్రానికి ఎన్టీఆర్ పవర్ఫుల్ వాయిస్…! ఒకవైపు ఆధ్యాత్మిక భావోద్వేగాలతో కూడిన ఇరుముడి విడుదలకు సిద్ధమవుతుండగా, మరోవైపు హసిత్ గోలి-శ్రీవిష్ణుతో కొత్త కామెడీ ఎంటర్టైనర్ను ప్రకటించడం సినీ వర్గాల్లో ఆసక్తిని పెంచుతోంది. వరుస ప్రాజెక్ట్లతో రవితేజ తన స్పీడ్ను కొనసాగిస్తుండగా, వచ్చే సంక్రాంతి బాక్సాఫీస్ రేసులో మరోసారి మాస్ మహారాజా సందడి చేయనున్నారని అభిమానులు ఆసక్తిగా ఎదురుచూస్తున్నారు.

Tag: సంక్రాంతికే మళ్లీ మాస్ మహారాజా.. శ్రీవిష్ణుతో నవ్వుల జాతరకు రెడీ...!

Most Read

మొబైల్ వినియోగదారులకు షాక్.. మళ్లీ పెరగనున్న రీఛార్జ్ ధరలు…!

డ్యాన్స్ ఆపాడు… పెళ్లే ఆగిపోయింది… మార్కాపురంలో జరిగిన వింత కథ…!

వివాదాలకు మరోసారి కేంద్రంగా త్రివిక్రమ్…!

పవర్ స్టార్ స్టైలిష్ క్లాసిక్ మళ్లీ థియేటర్లలో.. పంజా రీ రిలీజ్ డేట్ ఫిక్స్…!

EDITOR PICKS

సంక్రాంతికే మళ్లీ మాస్ మహారాజా.. శ్రీవిష్ణుతో నవ్వుల జాతరకు రెడీ…!

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags

WhatsApp Channel