Shocking: ఇటీవలి కాలంలో పెళ్లిళ్ల విషయంలో అబ్బాయిల పరిస్థితి పూర్తిగా మారిపోయింది. ఒకప్పుడు అమ్మాయిలకు సంబంధాలు చూపించాలంటే వారి తల్లిదండ్రులు ఎంతో కష్టపడాల్సి వచ్చేది. ఏ చిన్న లోపం కనిపించినా అమ్మాయి ఇల్లువారు సంబంధం రద్దు చేసుకునే పరిస్థితి ఉండేది. కానీ ఇప్పుడు కాలం మారిపోయింది. ఎవరు ఎవరిని చేసుకోవాలో అనే నిర్ణయం తీసుకునే శక్తి ఇప్పుడు ప్రధానంగా అమ్మాయిల చేతుల్లో ఉంది. ఈ నేపథ్యంలో ఉత్తరప్రదేశ్లో చోటుచేసుకున్న సంఘటన చాలా మందిని షాక్కు గురిచేసింది.
दुल्हन गुम… विदाई से ठीक पहले हुआ हाई-वोल्टेज ड्रामा! शादी की सारी रस्में पूरी, फेरे हो गए, दुल्हन संग बारात नाची, बैंड बजे… लेकिन जैसे ही विदाई का पल आया—दुल्हन पल्लवी हवा हो गई!
💥 पूरा मामला फ़िल्मी, लेकिन केस असली!
UP के बाराबंकी में दूल्हा सुनील गौतम 90 बारातियों और 11… pic.twitter.com/grdWeteBaY
— TRUE STORY (@TrueStoryUP) November 20, 2025
బారాబంకీలో నివసించే ఓ యువకుడు తన పెళ్లి కోసం ఎంతో కష్టపడ్డాడు. ప్రేమతో, నమ్మకంతో, దృఢసంకల్పంతో వధువుకు తాను మంచి భర్తగా నిలబడాలనే ఆశతో ముందడుగు వేశాడు. ఎదురు కట్నం ఇచ్చి, తన కుటుంబ ఆస్తిలోని మూడెకరాల పొలం కూడా అమ్మేశాడు. పెళ్లికూతురికి బంగారు నగలు, కొత్త చీరలు, పెళ్లి కోసం కావలసిన అన్ని సామాగ్రిని ఎంతో కొనిచ్చాడు. పెళ్లి వేడుక అద్భుతంగా జరిగి, బంధువులందరూ ఆనందంతో నిండిపోయారు.
పెళ్లి తంతు ముగిసిన తర్వాత బరాత్ కార్యక్రమం ప్రారంభమైంది. వధువు కూడా ఫుల్ జోష్లో, అందరితో కలిసి నవ్వుతూ, నర్తిస్తూ కార్యక్రమాన్ని ఆస్వాదించింది. ఆ క్షణాల్లో ఆమె ఎంతో సంతోషంగా ఉందని అందరూ భావించారు. కానీ ఆ ఆనందం కొద్ది గంటలకే విషాదంగా మారిపోయింది. ఒక్కసారిగా పెళ్లి మండపంలో వధువు కనిపించకుండా పోయింది. బంధువులు ఆందోళనతో అన్ని చోట్ల వెతికినా ఆమె ఎక్కడా కనిపించలేదు.
వరుడు ఒక్కసారిగా షాక్కు గురయ్యాడు. క్షణాల్లోనే అతడి జీవితాంతం మరిచిపోలేని దెబ్బ పడిపోయింది. వధువు అదృశ్యమవడంతో బంధువులంతా కలిసి వెంటనే పోలీసులకు ఫిర్యాదు చేశారు. పోలీసులు కేసు నమోదు చేసి దర్యాప్తు ప్రారంభించారు. లవ్ ఎఫైర్ లేదా ఇతర వ్యక్తిగత కారణాల వల్లే ఇలా జరిగి ఉండొచ్చని వారు అనుమానం వ్యక్తం చేస్తున్నారు.
ఈ సంఘటనకు సంబంధించిన వీడియో సోషల్ మీడియాలో విపరీతంగా వైరల్ అవుతుంది. ఎదురు కట్నం ఇచ్చి, ఇంత ప్రేమతో చేసిన పెళ్లి తర్వాత ఇలా జరుగడం అన్యాయం అని నెటిజన్లు తీవ్ర అసంతృప్తి వ్యక్తం చేస్తున్నారు. పెళ్లి ఇష్టం లేకపోతే ముందే చెప్పాల్సిన అవసరం ఉందని, ఒక యువకుడి గౌరవం, భావాలను ఇలా దెబ్బతీయడం సరైంది కాదని వ్యాఖ్యానిస్తున్నారు. ఈ ఘటన ప్రస్తుతం దేశవ్యాప్తంగా పెద్ద చర్చనీయాంశమైంది.
ALSO READ: Teenage Changes: టీనేజ్ అమ్మాయిలకు మీసాలు ఎందుకు వస్తాయో తెలుసా?