-
తడిసిన ధాన్యాన్ని తక్షణమే కొనుగోలు చేయాలి
-
ప్రతి కొనుగోలు కేంద్రంలో ధాన్యం కాపాడేందుకు ఆధునిక సౌకర్యాలు ఏర్పాటు చేయాలి
-
అధికారుల నిర్లక్ష్యంపై చర్యలు తీసుకోవాలి
ఉమ్మడి నిజామాబాద్ జిల్లాలో కురుస్తున్న భారీ వర్షాలు రైతులకు భారమైన అడ్డంకిగా మారుతున్నాయి. పంటను కోసి కొనుగోలు కేంద్రాలకు తరలించిన రైతులు, మౌసంను కట్టడి చేయలేక తీవ్ర ఇబ్బందులు ఎదుర్కొంటున్నారు. ప్రాంతంలోని ధాన్యం కొనుగోలు కేంద్రాల్లో తరలించిన వడ్లు తడిసి, మొలకెత్తే స్థితికి చేరుకున్నాయి. తడిచిన ధాన్యాన్ని తిరిగి ఆరబెట్టేందుకు సరైన ఏర్పాట్లు లేకపోవడంతో, పంట నష్టమవుతోంది. కొన్ని కేంద్రాల్లో ధాన్యాన్ని కాపాడేందుకు రైతులు ప్లాస్టిక్ షీట్లు వేసినా, అవి గాలులకు ఎగిరిపోయి ఉపయోగపడకపోయాయి. వర్షపు నీరు నిలిచి, ధాన్యం నానిపోయిన దృశ్యాలు ప్రతి కేంద్రంలో కనిపిస్తున్నాయి.
రైతులు చెబుతున్నది ఏమిటంటే – “వడ్లు కోసిన తర్వాత తడిపోతాయేమోనని భయపడి వెంటనే తరలించాం. కాని, ఇక్కడ కేంద్రాల్లో కవర్లు లేక, తడిపోవడం మామూలైపోయింది. మా కష్టం వృథా అయిపోతుంది.” అని ఆవేదన వ్యక్తం చేస్తున్నారు. ప్రభుత్వం తడిసిన ధాన్యాన్ని మద్దతు ధరకు కొనుగోలు చేస్తామని ప్రకటించినా, అమలులో జాప్యం స్పష్టంగా కనిపిస్తోంది. అధికారులు, మిల్లర్లు తేమ శాతం పెరిగిందని వాటిని తిరస్కరిస్తుండటం వల్ల రైతులు ఆందోళన చెందుతున్నారు.
వర్షాల కారణంగా ప్రభుత్వ వ్యవస్థ ఇబ్బంది పడుతోందని అధికారులు చెబుతున్నా, రైతుల బతుకు దానికి బలికావడమే ఇప్పుడు అనివార్యమైంది. పంట కోసిన రైతు… కనీసం ధరకైనా అమ్ముకునే స్థితిలో లేకపోవడం, శ్రమనంతా నీళ్లలో కలుపుతోంది.
క్రైమ్ మిర్రర్‌ ప్రత్యేకం : వాస్తవ పరిస్థితులను ప్రభుత్వాధికారులు గుర్తించి తక్షణమే స్పందించకపోతే… వర్షం కన్నా అధికంగా రైతుల కన్నీటి ప్రవాహమే భారీ నష్టాన్ని కలిగించనుంది.
