మిగతా బ్రాండ్లతో పోలిస్తే యాపిల్ పరికరాలు సెక్యూరిటీ పరంగా చాలా విశ్వసనీయంగా ఉంటాయి. ఫోన్ మాత్రమే కాకుండా యాపిల్కు చెందిన ఇతర పరికరాలూ లేయర్డ్ సెక్యూరిటీ సిస్టమ్ ద్వారా రక్షణ పొందతాయి. ఈ సిస్టమ్ పాస్వర్డ్లు, చెల్లింపులు, ఐడెంటిటీ, కమ్యూనికేషన్లను సురక్షితంగా ఉంచుతుంది. ముఖ్యంగా ఈ వ్యవస్థ ఎన్క్రిప్షన్, హార్డ్వేర్ సేఫ్గార్డ్స్, ఆన్-డివైస్ ప్రాసెసింగ్ ద్వారా హ్యాకర్లు, ఫిషింగ్, ఐడెంటిటీ థెఫ్ట్ వంటి మోసాలకు అడ్డంకి వేస్తుంది. యూజర్ బ్రౌజింగ్, ఐపీ అడ్రస్లు కూడా సురక్షితంగా ఉంటాయి.
Secure Enclave చిప్ యాపిల్ పరికరాల్లో బయోమెట్రిక్ డేటా (Face ID, Touch ID), ఎన్క్రిప్షన్ కీలు, సెన్సిటివ్ సమాచారం కోసం ప్రత్యేకంగా ఉంటుంది. హ్యాకర్లు లేదా సాఫ్ట్వేర్ అటాక్ల వల్ల ఈ డేటా యాక్సెస్ చేయలేరు. Hide My Email ఫీచర్ రాండమ్ ఈమెయిల్ ఎలియాసెస్ సృష్టించి అసలు ఈమెయిల్ అడ్రస్ను దాచుతుంది, స్పామ్, ట్రాకింగ్, ఐడెంటిటీ థెఫ్ట్ నుంచి రక్షిస్తుంది. Apple Pay టోకనైజ్డ్ డివైస్ అకౌంట్ నంబర్లతో చెల్లింపులు సురక్షితంగా చేస్తుంది. డేటా మర్చంట్ లేదా యాపిల్కి కూడా షేర్ కాకుండా Secure Element లో స్టోర్ అవుతుంది, ప్రతి ట్రాన్జాక్షన్కు యూనిక్ టోకెన్ వస్తుంది.
Pass Keys ఫీచర్ పాస్వర్డ్ల బదులు క్రిప్టోగ్రాఫిక్ కీలతో సైన్ ఇన్ చేసేందుకు ఉపయోగపడుతుంది. ప్రైవేట్ కీ డివైస్ నుండి బయటకు వెళ్లదు, సర్వర్లో కూడా నిల్వ కాకుండా ఉంటుంది. ఫిషింగ్ అటాక్స్ దాదాపు అసాధ్యం అవుతాయి. iCloud Private Relay బ్రౌజింగ్ సమయంలో ఐపీ అడ్రస్ను దాచడం, వెబ్సైట్స్ ద్వారా ట్రాకింగ్ అవకుండా చేస్తుంది. మల్టీ-హాప్ ఆర్కిటెక్చర్ ద్వారా రిక్వెస్ట్లు రెండు వేర్వేరు రిలే ద్వారా వెళ్తాయి, కాబట్టి ప్రైవసీ పెరుగుతుంది.
Call Screening / Message Screening ఫీచర్ అజ్ఞాత నంబర్ల నుండి వచ్చే కాల్స్ మరియు మెసేజ్లను లోకల్గా స్క్రీన్ చేసి స్పామ్, ఫిషింగ్ను నిరోధిస్తుంది. Real-time ట్రాన్స్క్రిప్షన్, క్వారంటైన్ ద్వారా అలర్ట్ ఇచ్చి స్కామ్లను అడ్డుకుంటుంది. Stolen Device Protection ఫీచర్ ఫోన్ దొంగతనం జరిగిన సందర్భాల్లో లొకేషన్, నెట్వర్క్ పరిస్థితులపై ఆధారపడి పాస్వర్డ్ మార్పు, డేటా యాక్సెస్ అరికట్టడం వంటి కీలక చర్యలు చేపడుతుంది. Face ID/Touch ID తో పాటు ఒక గంట డిలే విధించడం ద్వారా అకౌంట్ టేకోవర్లు, సెన్సిటివ్ చేంజ్లను నిరోధిస్తుంది.
ALSO READ: రేపు ఢిల్లీలో మీటింగ్.. మంత్రులకు కొత్త టెన్షన్