హర్యానాలోని ఫరీదాబాద్‌లో దారుణ హత్య వెలుగులోకి వచ్చింది. వివాహేతర సంబంధానికి భర్త అడ్డుగా ఉన్నాడని భావించిన ఓ మహిళ, తన ప్రియుడితో కలిసి అతడిని హత్య చేసినట్లు పోలీసులు వెల్లడించారు. శ్యామ్ కాలనీలో జరిగిన ఈ ఘటన స్థానికంగా కలకలం రేపింది.
వివాహేతర సంబంధమే హత్యకు కారణమా?
ఉత్తరప్రదేశ్‌లోని హత్రాస్ ప్రాంతానికి చెందిన కున్వర్‌పూర్ వాసులు గోపాల్, కాజల్ భార్యాభర్తలు. పని నిమిత్తం గోపాల్ హర్యానాలోని ఫరీదాబాద్‌కు వచ్చి శ్యామ్ కాలనీలో ఓ ఇంటిని అద్దెకు తీసుకుని నివసిస్తున్నాడు. ఈ క్రమంలో కాజల్‌కు యోగేంద్ర అనే వ్యక్తితో వివాహేతర సంబంధం ఏర్పడినట్లు సమాచారం.
ఈ సంబంధానికి భర్త అడ్డుగా ఉన్నాడని భావించిన కాజల్.. ప్రియుడు యోగేంద్రతో కలిసి గోపాల్‌ను హత్య చేసేందుకు ప్రణాళిక రచించినట్లు పోలీసుల దర్యాప్తులో వెల్లడైంది.
నిద్రలో ఉన్న భర్తపై కత్తితో దాడి
పథకం ప్రకారం గోపాల్ ఉంటున్న గది వద్దకు వెళ్లిన కాజల్.. నిద్రపోతున్న భర్తపై కత్తితో దాడి చేసింది. ఈ దాడిలో గోపాల్ ప్రాణాలు కోల్పోయాడు. ఈ ఘటనతో స్థానికంగా కలకలం రేగింది.
మృతుడి సోదరుడు ఇచ్చిన ఫిర్యాదు ఆధారంగా పోలీసులు కేసు నమోదు చేసి దర్యాప్తు చేపట్టారు. ఈ కేసులో కాజల్‌తో పాటు యోగేంద్రను కూడా అరెస్ట్ చేశారు. వివాహేతర సంబంధం నేపథ్యంలోనే ఈ హత్య జరిగినట్లు పోలీసులు అనుమానిస్తున్నారు. ఘటనకు సంబంధించిన పూర్తి వివరాలపై దర్యాప్తు కొనసాగుతోంది.
also read: భర్త స్నేహితులే దారుణానికి ఒడిగట్టారు.. బయటపెడితే కుమారుడిని చంపేస్తామంటూ బెదిరింపులు!