హైదరాబాద్లో జరుగుతున్న అంతర్జాతీయ అందాల పోటీలో ఓ వివాదం ఉత్కంఠ కలిగిస్తోంది. మిస్ వరల్డ్ 2025 పోటీలో పాల్గొనడానికి వచ్చిన మిస్ ఇంగ్లాండ్ మిల్లా మాగీ, నిర్వహణ తీరుపై తీవ్ర అభ్యంతరాలు వ్యక్తం చేస్తూ పోటీ నుంచి మధ్యలోనే నిష్క్రమించారు. ఆమె మాటల్లో చెప్పాలంటే — “నన్ను గౌరవించలేదు. అక్కడి పరిస్థితులు చూస్తే, మమ్మల్ని ప్రదర్శన వస్తువుల్లా, ముడిపట్టి చూపిస్తున్నారన్న అనుభూతి కలిగింది. ఈ పోటీ అంతా నైతిక స్ధాయిని కోల్పోయింది.”
ఆమె ఆరోపణల ప్రకారం, పోటీ సందర్భంగా ధనవంతుల ముందు పాల్గొనేవారి చౌకగా ప్రదర్శన జరిగింది. “ఇది సామాజిక మార్పు కోసం కాదని, కేవలం అందం పేరుతో జరిగిన ఆరబోతే” అని మిల్లా వ్యాఖ్యానించారు.
ఈ వ్యాఖ్యలతో పోటీ నిర్వాహకులపై విమర్శలు వెల్లువెత్తుతున్నాయి. మహిళా సంఘాలు, సామాజిక కార్యకర్తలు పోటీ నిర్వహణ తీరుపై ఆగ్రహం వ్యక్తం చేస్తున్నారు. రాష్ట్ర ప్రతిష్ఠను దెబ్బతీసే ఈ తరహా ఈవెంట్లు ఇక జరగకూడదంటూ డిమాండ్ చేస్తున్నారు. మిల్లా మాగీ స్పందన ఇప్పుడు అంతర్జాతీయంగా చర్చకు దారితీసింది. ఒకవేళ ఆమె చేసిన ఆరోపణలు నిజమైతే, ఇది అందాల పోటీల మౌలిక లక్ష్యాల పట్ల గంభీరమైన ప్రశ్నలు లేవనెత్తుతుంది.
