Zain Mary Khan - Crime Mirror

ముంబైలో ఎన్నికల జాబితాలో అవకతవకలు జరిగాయంటూ నిర్వహించిన నిరసన కార్యక్రమం రాజకీయంగా చర్చనీయాంశంగా మారింది. ఈ ఆందోళనలో పాల్గొన్న బాలీవుడ్ నటుడు అమీర్ ఖాన్ బంధువులు, నటి జైన్ మేరీ ఖాన్, నటుడు ఇమ్రాన్ ఖాన్ వార్తల్లో నిలిచారు. పోలీసుల అదుపులోకి వెళ్లిన అనంతరం జైన్ మేరీ తనకు అయిన గాయాలను చూపిస్తూ సోషల్ మీడియాలో వీడియోను పంచుకోగా, ఇమ్రాన్ ఖాన్పై ఫిర్యాదు చేసేందుకు బీజేపీ నేత కిరీట్ సోమయ్య సిద్ధమవడం ఆసక్తికరంగా మారింది. నిరసనలో పాల్గొన్న 400 మందికి పైగా ఆందోళనకారులు ముంబైలోని ఆగస్ట్ క్రాంతి మైదాన్లో శనివారం కాక్రోచ్ జనతా పార్టీ (CJP) ఆధ్వర్యంలో నిరసన కార్యక్రమం నిర్వహించారు. ఎన్నికల జాబితాలో అవకతవకలు చోటుచేసుకున్నాయంటూ ఆరోపించిన ఆందోళనకారులు.. ప్రధాన ఎన్నికల కమిషనర్ జ్ఞానేశ్ కుమార్ రాజీనామా చేయాలని డిమాండ్ చేశారు. ఈ కార్యక్రమంలో నటి జైన్ మేరీ ఖాన్, నటుడు ఇమ్రాన్ ఖాన్, నటి లేఖా వాషింగ్టన్ సహా 400 మందికి పైగా పాల్గొన్నారు. ఈ క్రమంలో పోలీసులు వారిని అదుపులోకి తీసుకున్నారు. కొన్ని గంటల తర్వాత విడుదల చేశారు. గాయాలను చూపిస్తూ జైన్ మేరీ వీడియో పోలీసుల అదుపులోకి వెళ్లిన అనంతరం జైన్ మేరీ ఖాన్ ఇన్స్టాగ్రామ్లో ఓ వీడియోను పంచుకున్నారు. అందులో తన చేతులు, కాళ్లు, వేళ్లకు అయిన గాయాలను చూపించారు. ఈ సందర్భంగా భయపెట్టే ప్రయత్నాలకు తలొగ్గబోమనే అర్థం వచ్చేలా వ్యాఖ్యలు చేశారు. దీంతో ఆమె షేర్ చేసిన వీడియో సోషల్ మీడియాలో చర్చకు దారితీసింది. ఇమ్రాన్ ఖాన్పై కిరీట్ సోమయ్య ఫిర్యాదు మరోవైపు, ఈ నిరసన వ్యవహారం రాజకీయ వివాదంగా మారింది. నటుడు ఇమ్రాన్ ఖాన్ ఓవర్సీస్ సిటిజన్ ఆఫ్ ఇండియా (OCI) కార్డు కలిగి ఉన్నారని బీజేపీ నేత కిరీట్ సోమయ్య పేర్కొన్నారు. OCI హోదాలో ఉన్న వ్యక్తి రాజకీయ నిరసనలో పాల్గొనడంపై ఆయన అభ్యంతరం వ్యక్తం చేశారు. ఈ అంశంపై పోలీసులకు ఫిర్యాదు చేయనున్నట్లు వెల్లడించారు. ఇమ్రాన్ ఖాన్ వ్యవహారంపై ఇమ్మిగ్రేషన్ అధికారులకు కూడా లేఖ రాయనున్నట్లు పోలీసులు తెలిపినట్లు సమాచారం. అనుమతి లేని ప్రదేశంలో నిరసన నిర్వహించినందుకు ఇప్పటికే ఆందోళనకారులపై ఎఫ్ఐఆర్ నమోదైనట్లు పేర్కొన్నారు. అయితే, ఇమ్రాన్ ఖాన్పై వచ్చిన ఆరోపణలు నిర్ధారణ కావాల్సి ఉంది. ఈ పరిణామాల నేపథ్యంలో ముంబై నిరసన రాజకీయంగా మరింత ప్రాధాన్యం సంతరించుకుంది. also read: రజనీకాంత్పై అభిమానం.. 230కి పైగా పాత్రలతో బొమ్మల కొలువు! మధురైలో ప్రత్యేక ఆకర్షణగా సూపర్స్టార్ ఆలయం

Tag: Zain Mary Khan

Most Read

సీఎం విజయ్‌తో విజయ్ దేవరకొండ, రష్మిక భేటీ.. వైరల్ అవుతున్న ఫొటోలు!

రజనీకాంత్ అభిమానులకు గుడ్ న్యూస్.. త్వరలోనే సూపర్ స్టార్ ఆత్మకథ..

ముంబై నిరసనలో అమీర్ ఖాన్ మేనకోడలికి గాయాలు.. ఇమ్రాన్ ఖాన్‌పై ఫిర్యాదుకు బీజేపీ నేత సిద్ధం!

రజనీకాంత్‌పై అభిమానం.. 230కి పైగా పాత్రలతో బొమ్మల కొలువు! మధురైలో ప్రత్యేక ఆకర్షణగా సూపర్‌స్టార్ ఆలయం

EDITOR PICKS

ముంబై నిరసనలో అమీర్ ఖాన్ మేనకోడలికి గాయాలు.. ఇమ్రాన్ ఖాన్‌పై ఫిర్యాదుకు బీజేపీ నేత సిద్ధం!

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags