Survival Thriller - Crime Mirror

ఓటీటీలో బ్రూటల్ సర్వైవల్ థ్రిల్లర్ సినిమాలు చూడాలని అనుకుంటున్నవారికి ‘అపూర్వ’ మంచి ఎంపికగా నిలుస్తుంది. ఈ సినిమా జియోహాట్స్టార్ ఓటీటీ ప్లాట్ఫామ్లో స్ట్రీమింగ్ అవుతోంది. రా అండ్ రస్టిక్ సర్వైవల్ క్రైమ్ థ్రిల్లర్గా రూపొందిన ఈ చిత్రానికి నిఖిల్ నాగేష్ భట్ దర్శకత్వం వహించారు. ఇందులో తారా సుతారియా, అభిషేక్ బెనర్జీ, రాజ్పాల్ యాదవ్, ధైర్య కర్వా ప్రధాన పాత్రల్లో నటించారు. కథ విషయానికి వస్తే.. ఇది చంబల్ లోయ నేపథ్యంలో సాగే ఉత్కంఠభరితమైన కథ. అపూర్వ అనే యువతి (తారా సుతారియా) నగరానికి చెందిన సాధారణ అమ్మాయి. తన ప్రియుడు సిద్ధార్థ్తో పెళ్లి ఏర్పాట్లలో ఉండగా, అతని పుట్టినరోజున సర్ప్రైజ్ ఇవ్వాలనే ఉద్దేశంతో ఒంటరిగా బస్సులో ఆగ్రాకు బయలుదేరుతుంది. కానీ ఆమె ప్రయాణిస్తున్న బస్సు చంబల్ ప్రాంతానికి చేరుకున్న తర్వాత పరిస్థితి పూర్తిగా మారిపోతుంది. అక్కడ దోపిడీలు చేసే నలుగురు క్రూరమైన గ్యాంగ్స్టర్లు బస్సును అడ్డుకుని ప్రయాణికులను భయభ్రాంతులకు గురిచేస్తారు. ఆ గ్యాంగ్లో సుఖ్ఖా (అభిషేక్ బెనర్జీ) అనే సైకో అపూర్వపై కన్నేస్తాడు. దీంతో ఆమెను కిడ్నాప్ చేసి చంబల్ లోయలోని ఓ పాడుబడిన రహస్య స్థావరానికి తీసుకెళ్తారు. ఆ ముఠాలో సుఖ్ఖాతో పాటు జుగ్నూ (రాజ్పాల్ యాదవ్), బల్లీ, ఛోటా వంటి కరడుగట్టిన నేరస్థులు ఉంటారు. అక్కడ అపూర్వ భయంతో కుంగిపోతున్నా, సమయస్ఫూర్తితో పరిస్థితిని అర్థం చేసుకుని తప్పించుకునే ప్రయత్నం చేస్తుంది. ఆ నిర్మానుష్య ప్రాంతంలో ఆమె తన ప్రాణాన్ని, ఆత్మగౌరవాన్ని కాపాడుకోవడానికి తెలివితేటలతో పోరాటం ప్రారంభిస్తుంది. ఈ క్రమంలో జరిగే సన్నివేశాలు తీవ్ర ఉత్కంఠను కలిగిస్తాయి. ఫస్టాఫ్లో కథ ప్రధానంగా కిడ్నాప్ తర్వాత పరిస్థితుల చుట్టూ తిరుగుతుంది. సెకండాఫ్లో మాత్రం కథ పూర్తిగా మలుపు తిరిగి ఊహించని ట్విస్టులతో ముందుకు సాగుతుంది. భయపడిన యువతి కాస్తా ధైర్యవంతురాలిగా మారి, తనను కిడ్నాప్ చేసిన వారిపై ప్రతీకారం తీర్చుకునే దిశగా అడుగులు వేస్తుంది. ఒక్కొక్కరిని ఎలా ఎదుర్కొంటుంది అన్నదే కథలో ప్రధాన ఆకర్షణ. ఈ సినిమాలో తీవ్రమైన హింస, క్రూరమైన సన్నివేశాలు, బలమైన కంటెంట్ ఉండటంతో ఇది పెద్దల కోసం మాత్రమే అనిపించే విధంగా ఉంటుంది. థ్రిల్లర్, సర్వైవల్ జానర్ సినిమాలు ఇష్టపడేవారికి ఈ చిత్రం మంచి అనుభూతిని ఇస్తుంది. ALSO READ: భారీ వర్షాలు.. జాగ్రత్తగా ఉండాల్సిందే!

Tag: Survival Thriller

Most Read

యానాం మత్స్యకారుడికి పట్టిన అదృష్టం– నాలుగు టన్నుల కనగంతలు, లక్షల్లో ఆదాయం!

టిపిసిసి చీఫ్ ఔట్!

ఘనంగా మాజీ ఎంపీ బడుగుల జన్మదిన వేడుకలు…. వృద్దులకు పండ్లు పంపిణి

ఈ అమ్మాయేంది భయ్యా.. ఇంత బ్రూటల్‌గా ఉంది

EDITOR PICKS

ఈ అమ్మాయేంది భయ్యా.. ఇంత బ్రూటల్‌గా ఉంది

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags

WhatsApp Channel