Sunitha Comments - Crime Mirror

గాయని సునీత తాజాగా ఇచ్చిన ఓ ఇంటర్వ్యూలో మహిళల దుస్తులు, వ్యక్తిగత స్వేచ్ఛ, సమాజంలో ఉన్న వాస్తవ పరిస్థితులపై చేసిన వ్యాఖ్యలు సోషల్ మీడియాలో చర్చనీయాంశంగా మారాయి. 'నా బాడీ.. నా హక్కు' అనే స్లోగన్ గురించి సునీత తప్పుబట్టారు. గత కొన్నేళ్లుగా ఈ నినాదం మహిళల స్వేచ్ఛకు ప్రతీకగా మారింది. తమకు నచ్చిన దుస్తులు ధరించే హక్కు ప్రతి మహిళకు ఉందని, తమ శరీరంపై నిర్ణయం తీసుకునే హక్కు తమదేనని పలువురు మహిళలు ఈ స్లోగన్ ద్వారా చెబుతున్నారు. ఈ విషయంపై స్పందించిన సునీత ఆసక్తికర వ్యాఖ్యలు చేశారు. మహిళలు తమకు నచ్చిన దుస్తులు ధరించడం తప్పుకాదని ఆమె అన్నారు. అయితే, సమాజంలో ఉన్న పరిస్థితులు, చుట్టూ ఉన్న వాతావరణం, వ్యక్తిగత భద్రత వంటి అంశాలను కూడా పరిగణనలోకి తీసుకోవాల్సిన అవసరం ఉందని సూచించారు. "నీకు నచ్చిన దుస్తులు వేసుకో, నీకు సౌకర్యంగా అనిపించేలా ఉండు. కానీ, అదే అందరికీ సరైనదని చెప్పడం మాత్రం సరికాదు. మనం ఉన్న పరిస్థితులు ఎంతవరకు సురక్షితంగా ఉన్నాయో కూడా ఆలోచించాలి. పూర్తిగా సురక్షితంగా అనిపించే ప్రదేశాల్లో మనకు నచ్చినట్లు ఉండటం ప్రాక్టికల్గా సరైన నిర్ణయం" అని ఆమె అభిప్రాయపడ్డారు. అలాగే, ఒకవైపు మహిళలు తమకు స్వేచ్ఛ కావాలని కోరుకుంటే, మరోవైపు సమాజంలో ఉన్న వాస్తవ పరిస్థితులను కూడా అర్థం చేసుకోవాలని ఆమె అభిప్రాయం వ్యక్తం చేశారు. ప్రస్తుతం సునీత చేసిన ఈ వ్యాఖ్యలు సోషల్ మీడియాలో వైరల్గా మారాయి. కొందరు ఆమె అభిప్రాయాన్ని సమర్థిస్తుండగా, మరికొందరు దీనిపై భిన్న అభిప్రాయాలు వ్యక్తం చేస్తున్నారు.

Tag: Sunitha Comments

Most Read

ఎమ్మిగనూరులో నకిలీ స్వామి గుట్టురట్టు

బీహార్‌లో దారుణం.. యువతిని నిర్మానుష్య ప్రాంతానికి తీసుకెళ్లి అఘాయిత్యం!

ప్రేమ పేరుతో వేధింపులు.. ప్రపోజల్ తిరస్కరించిందని డిగ్రీ విద్యార్థినిపై లైంగిక దాడి!

సమాధి తవ్వి యువతి తల, చేతుల అపహరణ! క్షుద్ర పూజల కోసమేనా?

EDITOR PICKS

Singer Sunitha: ‘నా బాడీ.. నా హక్కు’పై సింగర్ సునీత షాకింగ్ కామెంట్స్, ఇంతకీ ఆమె ఏమన్నారంటే?

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags