retail market trends - Crime Mirror

Telangana excise: తెలంగాణలో 2025 నుంచి 2027 వరకు అమల్లో ఉండే కొత్త మద్యం దుకాణాలు డిసెంబర్ 1 నుంచి అధికారికంగా ప్రారంభంకానున్నాయి. కేవలం మూడు రోజులు మాత్రమే మిగిలి ఉండటంతో ఎక్సైజ్ శాఖ రాష్ట్రవ్యాప్తంగా ఏర్పాట్లను వేగవంతం చేస్తోంది. లైసెన్సుల జారీ ప్రక్రియను పూర్తి చేయడంతో పాటు కొత్తగా కేటాయించిన దుకాణాలకు మద్యం సరఫరా ఎటువంటి అంతరాయం లేకుండా సజావుగా సాగేందుకు ప్రత్యేక పర్యవేక్షణ నిర్వహిస్తున్నారు. మొత్తం తెలంగాణలో 2,620 దుకాణాలు పనిచేయనున్నాయి. ఇవన్నీ ఒకేసారి ప్రారంభమవడం వల్ల సరఫరా వ్యవస్థ మరింతగా బిజీ కానుంది. డిసెంబర్ నుండి మార్చి వరకు వరుసగా ఎన్నికలు, డిసెంబర్ ముగింపు వేడుకలు, సంక్రాంతి పండుగ, మేడారం జాతర వంటి ప్రధాన కార్యక్రమాలు, ఉత్సవాలు ఉండటంతో ఈ మూడు నెలల వ్యవధిలో మద్యం అమ్మకాలు భారీ స్థాయిలో ఉంటాయని అధికారులు అంచనా వేస్తున్నారు. డిమాండ్ ఎక్కువగా ఉండే ఈ సమయంలో దుకాణాల్లో కొరత తలెత్తకుండా సరఫరాను ముందుగానే సిద్ధం చేస్తున్నారు. గోదాముల్లో నిల్వలు పెంచడంతో పాటు వివిధ ప్రాంతాలకు సరఫరా చేయడానికి అదనపు వాహనాలు, సిబ్బందిని కూడా నియమించే పనులు జరుగుతున్నాయి. ఎక్సైజ్ శాఖ మద్యం కొరత రాకుండా ఉండేందుకు దుకాణాల వారీగా డిమాండ్ అంచనాలు వేసి సరఫరా వ్యవస్థను బలపరుస్తోంది. ముఖ్యంగా పండుగల సమయంలో అధిక అమ్మకాలు నమోదు కావడంతో స్టాకులు సమయానికి చేరే విధంగా ప్రత్యేక చర్యలు చేపడుతోంది. రాష్ట్ర పౌరులు అవసరానికి అనుగుణంగా ఎలాంటి ఇబ్బందులు ఎదుర్కోకుండా మద్యం అందుబాటులో ఉండేలా సమగ్ర ప్రణాళికతో అధికారులు ముందుకు సాగుతున్నారు. ALSO READ: Weather updates: మరో అల్పపీడన భయం.. తెలంగాణలో వర్షాలకు ఛాన్స్

Tag: retail market trends

Most Read

తుంగపాడు: అంబేద్కర్ విగ్రహం కోసం స్థలం కేటాయించాలి

మునుగోడు ఆశ..రాజన్న శ్వాస..

పెళ్లి పేరుతో భారీ మోసం…గ్రేడ్-3 ఆఫీస‌ర్‌నంటూ నిశ్చితార్థం…! ఫ్రీ వెడ్డింగ్ షూట్ పేరుతో గ‌దిలో…

మర్రిగూడలో ఘనంగా డాక్టర్ బిఆర్ అంబేద్కర్ జయంతి వేడుకలు.

EDITOR PICKS

Telangana excise: డిసెంబర్ 1 నుంచి నూతన మద్యం షాపులు ప్రారంభం

POPULAR POSTS

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

2029లో టీడీపీ అధికారంలో ఉండటం కష్టమేనా – చరిత్ర ఏం చెప్తోంది..?

POPULAR CATEGORY

ABOUT US

Trending