Research - Crime Mirror

మన రోజువారీ జీవితంలో సాధారణంగా కనిపించే అరటిపండు తొక్క వెనుక ఇంత పెద్ద శాస్త్రీయ రహస్యం దాగి ఉందని చాలా మందికి తెలియదు. చిన్నపిల్లల కార్టూన్లలోనూ, సినిమాల్లోనూ అరటి తొక్కపై జారి పడే దృశ్యాలు తరచూ కనిపిస్తుంటాయి. అయితే అది కేవలం వినోదం మాత్రమే కాదని, దాని వెనుక బలమైన శాస్త్రీయ కారణం ఉందని జపాన్ శాస్త్రవేత్తలు వెల్లడించారు. జపాన్లోని కితాసాటో విశ్వవిద్యాలయానికి చెందిన పరిశోధకులు అరటిపండు తొక్క జారుడు స్వభావంపై ప్రత్యేక అధ్యయనం నిర్వహించి సంచలన విషయాలను వెలుగులోకి తెచ్చారు. ఈ వినూత్న పరిశోధనకు గాను వారికి ప్రతిష్టాత్మక ‘ఇగ్ నోబెల్’ బహుమతి కూడా లభించడం విశేషం. పరిశోధకుల వివరాల ప్రకారం.. అరటిపండు తొక్క లోపల ప్రత్యేకమైన పాలిసాకరైడ్ జెల్తో నిండిన సూక్ష్మ కణాలు ఉంటాయి. మనిషి తొక్కపై అడుగు పెట్టిన సమయంలో శరీర బరువు కారణంగా ఆ కణాలు ఒక్కసారిగా పగిలిపోతాయి. దీంతో అందులోని జెల్ బయటకు వచ్చి పాదం మరియు నేల మధ్య ఒక జారుడు పొరగా మారుతుంది. ఈ జెల్లో నీరు, చక్కెర, ప్రోటీన్ వంటి పదార్థాలు అధికంగా ఉండటం వల్ల అది అత్యంత జారుడు స్వభావాన్ని సంతరించుకుంటుంది. సాధారణంగా నేలపై నడిచేటప్పుడు పాదానికి కొంత ఘర్షణ ఉండటం వల్ల మనం సమతుల్యతను నిలబెట్టుకోగలుగుతాం. కానీ అరటిపండు తొక్కపై మాత్రం ఆ ఘర్షణ ఒక్కసారిగా తగ్గిపోవడంతో పాదం నియంత్రణ కోల్పోయి ముందుకు జారిపోతుంది. శాస్త్రవేత్తల అధ్యయనం ప్రకారం.. అరటిపండు తొక్కలో ఉండే ఘర్షణ గుణకం కేవలం 0.07 మాత్రమే. ఇది మంచుపై నడిచేటప్పుడు ఉండే ఘర్షణ కంటే కూడా చాలా తక్కువగా ఉంటుందని వారు వెల్లడించారు. మనం అరటి తొక్కపై అడుగు పెట్టిన క్షణంలో పాదం అనూహ్యంగా వేగంగా ముందుకు కదలడం ప్రారంభిస్తుంది. అయితే ఈ వేగవంతమైన మార్పును మన మెదడు గుర్తించి శరీరానికి సంకేతాలు పంపేలోపే సమతుల్యత పూర్తిగా దెబ్బతింటుంది. దీంతో శరీరం గురుత్వాకర్షణ కేంద్రాన్ని కోల్పోయి మనిషి కిందపడిపోతాడు. ఈ మొత్తం ప్రక్రియ క్షణాల్లోనే పూర్తవడం వల్ల చాలాసార్లు మనిషి తనను తాను కాపాడుకునే అవకాశం కూడా ఉండదని పరిశోధకులు చెబుతున్నారు. చాలామందికి ఒక సందేహం వస్తుంటుంది. యాపిల్, నారింజ వంటి ఇతర పండ్ల తొక్కల్లో కూడా తేమ ఉండగా అవి ఎందుకు అంతగా జారవు అని. దీనికి కూడా శాస్త్రవేత్తలు సమాధానం చెప్పారు. అరటిపండు తొక్కలో ఉండే ప్రత్యేక పాలిసాకరైడ్ జెల్ ఇతర పండ్ల తొక్కల్లో ఉండదని వారు వివరించారు. యాపిల్, నారింజ తొక్కల నిర్మాణం పాదం మరియు నేల మధ్య ఘర్షణను పూర్తిగా తగ్గించే స్థాయిలో ఉండదని తెలిపారు. అందుకే అరటిపండు తొక్క ప్రపంచంలోనే అత్యంత ప్రమాదకరమైన సహజ జారుడు పదార్థాల్లో ఒకటిగా గుర్తింపు పొందిందని వెల్లడించారు. నిపుణుల అభిప్రాయం ప్రకారం.. అరటిపండు తొక్కల వల్ల జరిగే ప్రమాదాలను తేలికగా తీసుకోకూడదు. ముఖ్యంగా వృద్ధులు, చిన్నపిల్లలు లేదా జారుడు ప్రదేశాల్లో నడిచే వారు మరింత జాగ్రత్తగా ఉండాలని సూచిస్తున్నారు. చిన్నపాటి నిర్లక్ష్యం కూడా తీవ్రమైన గాయాలకు దారితీసే అవకాశం ఉందని హెచ్చరిస్తున్నారు. అందుకే అరటిపండు తిన్న వెంటనే తొక్కను రోడ్లపై లేదా నడిచే ప్రదేశాల్లో పడేయకుండా తప్పనిసరిగా చెత్తబుట్టలో వేయాలని సూచిస్తున్నారు. NOTE: పైన పేర్కొన్న వార్తా సమాచారం కేవలం అవగాహన కోసం మాత్రమే తెలియజేశాం. క్రైమ్ మిర్రర్ దీనిని అధికారికంగా ధృవీకరించట్లేదు. ALSO READ: చికెన్ కర్రీ ఎంత పనిచేసింది.. ఒకరు మృతి, ఆరుగురికి తీవ్ర గాయాలు

Tag: Research

Most Read

Nivetha Pethuraj: పెళ్లి ఆగితే లక్ కలిసి వస్తుందా? నివేతా పేతురాజ్ కెరీర్‌పై ఆసక్తికర చర్చ!

Alia vs Sharvari: ఆలియా భట్ vs శార్వరీ.. బాలీవుడ్‌లో మళ్లీ నెపోటిజం చర్చ!

Nalgonda Family Murder: నల్గొండలో నలుగురి దారుణ హత్య.. అన్ని కోణాల్లో కొనసాగుతున్న దర్యాప్తు!

AI-Powered Cyberattacks: ఏఐతో భారీ సైబర్ దాడుల ముప్పు.. ప్రపంచానికి నిఘా సంస్థల హెచ్చరిక!

EDITOR PICKS

అరటి తొక్కపై కాలేస్తే జారి పడిపోతామెందుకో తెలుసా?

మనుషులు కొండచిలువ రక్తం తాగితే ఏం జరుగుద్దొ తెలుసా?

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags

WhatsApp Channel