Ramayana Piracy - Crime Mirror

ప్రతిష్ఠాత్మక చిత్రం ‘రామాయణ’ విషయంలో నిర్మాణ సంస్థ కీలక హెచ్చరికలు జారీ చేసింది. సినిమా విడుదలైన నేపథ్యంలో కొందరు థియేటర్లలోని సన్నివేశాలను మొబైల్ ఫోన్లలో రహస్యంగా చిత్రీకరించి సోషల్ మీడియాలో షేర్ చేస్తున్నట్లు గుర్తించింది. ఇలాంటి చర్యలకు పాల్పడే వారిపై కఠినమైన చట్టపరమైన చర్యలు తీసుకుంటామని స్పష్టం చేసింది. హైకోర్టు ఆదేశాలను ప్రస్తావించిన నిర్మాణ సంస్థ సినిమాకు సంబంధించిన అనధికార వీడియోలు సోషల్ మీడియా ప్లాట్ఫామ్లతో పాటు వాట్సాప్ వంటి మెసేజింగ్ యాప్లలోనూ ప్రచారం అవుతున్నాయని నిర్మాణ సంస్థ వెల్లడించింది. ఈ వ్యవహారంపై బాంబే హైకోర్టు నవంబర్ 2, 6 తేదీల్లో జారీ చేసిన ఆదేశాలను ప్రస్తావించింది. సినిమా ప్రదర్శన సమయంలో అనుమతి లేకుండా దృశ్యాలను చిత్రీకరించడం, వాటిని ఆన్లైన్లో అప్లోడ్ చేయడం, ఇతరులకు పంపిణీ చేయడం నిషేధమని స్పష్టం చేసింది. పైరసీ చేస్తే క్రిమినల్ కేసులు పైరసీకి పాల్పడిన వ్యక్తులపై కాపీరైట్ చట్టం, సినిమాటోగ్రాఫ్ చట్టం, భారతీయ న్యాయ సంహిత, ఐటీ చట్టాల ప్రకారం చర్యలు తీసుకునే అవకాశం ఉందని నిర్మాతలు హెచ్చరించారు. నిబంధనలను ఉల్లంఘించిన వారికి జైలు శిక్ష, జరిమానా విధించడంతో పాటు కోర్టు ధిక్కరణకు సంబంధించిన పరిణామాలు కూడా ఎదురయ్యే అవకాశం ఉందని పేర్కొన్నారు. ఇప్పటికే ఇలాంటి వీడియోలను సోషల్ మీడియాలో షేర్ చేసినవారు వెంటనే తొలగించాలని సూచించారు. అవసరమైతే ముందస్తు నోటీసు ఇవ్వకుండానే చట్టపరమైన చర్యలు ప్రారంభిస్తామని స్పష్టం చేశారు. భారీ తారాగణంతో ‘రామాయణ’ ‘రామాయణ: పార్ట్ 1’ నవంబర్ 5న ప్రేక్షకుల ముందుకు వచ్చింది. ఈ సినిమాలో రాముడి పాత్రలో రణ్బీర్ కపూర్, సీతగా సాయిపల్లవి, రావణుడిగా యశ్ కనిపిస్తున్నారు. వీరితో పాటు రవి దూబే, ఇంద్రకృష్ణ, అరుణ్ గోవిల్, వివేక్ ఒబెరాయ్, లారా దత్తా, కునాల్ కపూర్, రకుల్ ప్రీత్ సింగ్, కాజల్ అగర్వాల్ తదితరులు కీలక పాత్రల్లో నటించారు. భారీ బడ్జెట్తో రూపొందిన ఈ చిత్రానికి సంబంధించి పైరసీని అరికట్టేందుకు నిర్మాణ సంస్థ తీసుకున్న ఈ చర్యలు ఇప్పుడు సినీ వర్గాల్లో చర్చనీయాంశంగా మారాయి. also read: పండగ వేళ తీవ్ర విషాదం.. ఒకే కుటుంబంలో ముగ్గురి ఆత్మహత్య

Tag: Ramayana Piracy

Most Read

సీత పాత్రలో సాయి పల్లవికి ధనుష్ మద్దతు.. ఆమె నటనపై ప్రశంసల వర్షం!

పెళ్లైన తొమ్మిది నెలలకే వివాహిత ఆత్మహత్య.. భర్త వేధింపులే కారణమంటూ ఆరోపణలు!

వివాహేతర సంబంధం విషాదాంతం… రైలు కింద పడి మహిళ, ర్యాపిడో డ్రైవర్ ఆత్మహత్య!

విషాదం!… అమెరికాలో తెలంగాణ యువకుడి అనుమానాస్పద మృతి..

EDITOR PICKS

‘రామాయణ’ పైరసీ చేస్తే జైలుకే.. ప్రేక్షకులకు నిర్మాణ సంస్థ స్ట్రాంగ్ వార్నింగ్!

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags