#Nagaland - Crime Mirror

క్రైమ్ మిర్రర్ : ఈశాన్య రాష్ట్రాలైన నాగాలాండ్, మణిపూర్, అరుణాచల్ప్రదేశ్లో సాయుధ దళాల ప్రత్యేక అధికారాల చట్టం (AFSPA) అమలును కేంద్ర ప్రభుత్వం మరో ఆరు నెలల పాటు పొడిగించింది. ఈ మేరకు కేంద్ర హోం వ్యవహారాల శాఖ శుక్రవారం ప్రత్యేక గెజిట్ నోటిఫికేషన్ విడుదల చేసింది. అక్టోబర్ 1 నుంచి మరో ఆరు నెలల పాటు ఈ నిబంధనలు అమల్లో ఉండనున్నాయి. ప్రస్తుత పరిస్థితులను దృష్టిలో పెట్టుకుని ఈ నిర్ణయం తీసుకున్నట్లు కేంద్రం తెలిపింది. ఆయా రాష్ట్రాల్లో పూర్తిస్థాయిలో శాంతియుత పరిస్థితులు నెలకొనకపోవడంతో కల్లోలిత ప్రాంతాల హోదాను కొనసాగించినట్లు పేర్కొంది. నాగాలాండ్లో తొమ్మిది జిల్లాలను పూర్తిగా AFSPA పరిధిలోకి తీసుకొచ్చారు. మరో ఐదు జిల్లాల్లోని 21 పోలీస్ స్టేషన్ల పరిధిలో కూడా ఈ చట్టం అమలులో ఉంటుంది. మణిపూర్ రాష్ట్రం మొత్తాన్ని కల్లోలిత ప్రాంతంగా ప్రకటిస్తూ కేంద్రం ఉత్తర్వులు జారీ చేసింది. అయితే 13 ప్రత్యేక పోలీస్ స్టేషన్ల పరిధిలోని ప్రాంతాలకు మాత్రం AFSPA నుంచి మినహాయింపు ఇచ్చింది. అరుణాచల్ప్రదేశ్లో తిరాప్, చాంగ్లాంగ్, లాంగ్డింగ్ జిల్లాలను కల్లోలిత ప్రాంతాలుగా ప్రకటించారు. నంసాయ్ జిల్లాలోని కొన్ని ప్రాంతాలను కూడా AFSPA పరిధిలోకి తీసుకొచ్చారు. తదుపరి ఉత్తర్వులు వెలువడే వరకు ఈ ప్రాంతాల్లో చట్టం అమల్లో ఉంటుందని కేంద్రం పేర్కొంది. AFSPAతో భద్రతా బలగాలకు ప్రత్యేక అధికారాలు కల్లోలిత ప్రాంతాల్లో శాంతిభద్రతలను కాపాడేందుకు భద్రతా బలగాలకు అదనపు అధికారాలు కల్పించడమే AFSPA ప్రధాన ఉద్దేశం. ఈ చట్టం అమల్లో ఉన్న ప్రాంతాల్లో అనుమానాస్పద పరిస్థితుల్లో ఉన్న వ్యక్తులను అదుపులోకి తీసుకోవడం, వారెంట్ లేకుండా అరెస్టు చేయడం వంటి అధికారాలు భద్రతా బలగాలకు ఉంటాయి. అలాగే ఆయుధాలు లేదా పేలుడు పదార్థాలతో ఉన్న వ్యక్తులపై అవసరమైన సందర్భాల్లో బలప్రయోగం చేసే అధికారం కూడా ఈ చట్టం కల్పిస్తుంది. కొన్ని పరిస్థితుల్లో కాల్పులు జరిపే అధికారం కూడా ఉంటుంది. భద్రతా చర్యలకు సంబంధించి సిబ్బందిపై చట్టపరమైన చర్యలు తీసుకోవాలంటే ప్రత్యేక అనుమతులు అవసరమయ్యే నిబంధనలు AFSPAలో ఉన్నాయి. ఇదిలా ఉండగా, ఈశాన్య రాష్ట్రాల్లో పరిస్థితులు మెరుగుపడితే AFSPAను దశలవారీగా తొలగించే దిశగా కేంద్రం చర్యలు తీసుకుంటుందని గతంలో కేంద్ర హోం శాఖ ప్రకటించింది. తాజాగా మరో ఆరు నెలల పొడిగింపుతో ఆయా ప్రాంతాల్లో ఈ చట్టం కొనసాగనుంది. also read : ఆసియా క్రీడల అథ్లెట్లకు సీఎం విజయ్ భారీ నజరానా.. ఒక్కొక్కరికి రూ.50 లక్షలు

Tag: #Nagaland

Most Read

ఈశాన్య రాష్ట్రాల్లో AFSPA పొడిగింపు.. మరో ఆరు నెలలు అమలు

జ్ఞానేశ్ కుమార్‌పై పప్పు యాదవ్ సంచలన వ్యాఖ్యలు.. ఉరిశిక్ష విధించాలంటూ డిమాండ్

ఆసియా క్రీడల అథ్లెట్లకు సీఎం విజయ్ భారీ నజరానా.. ఒక్కొక్కరికి రూ.50 లక్షలు

మహేశ్ బాబు కొత్త లుక్.. ‘వారణాసి’ కోసమేనా?

EDITOR PICKS

ఈశాన్య రాష్ట్రాల్లో AFSPA పొడిగింపు.. మరో ఆరు నెలలు అమలు

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags