Mumbai Sessions Court - Crime Mirror

బాలీవుడ్ నటి సన్నీ లియోన్, ఆమె భర్త డేనియల్ వెబర్కు ముంబై సెషన్స్ కోర్టులో భారీ ఊరట లభించింది. తమపై వచ్చిన మోసం, నమ్మకద్రోహం తదితర ఆరోపణలకు సంబంధించిన కేసులో కోర్టు కీలక నిర్ణయం తీసుకుంది. ఈ వ్యవహారం క్రిమినల్ నేరం కాదని, రెండు పక్షాల మధ్య చోటుచేసుకున్న వ్యాపారపరమైన వివాదంగా మాత్రమే చూడాలని న్యాయస్థానం స్పష్టం చేసింది. ఒక తెలుగు సినిమా ప్రాజెక్ట్కు సంబంధించిన సుమారు రూ.1.75 కోట్ల ఆర్థిక లావాదేవీలో తనకు రావాల్సిన రూ.70 లక్షలకు పైగా కమీషన్ చెల్లించకుండా సన్నీ లియోన్, డేనియల్ వెబర్ మోసం చేశారని టాలెంట్ కోఆర్డినేటర్ ఓం ప్రకాశ్ జైన్ ఆరోపించారు. ఈ ఆరోపణలతో ఆయన న్యాయస్థానాన్ని ఆశ్రయించారు. ఈ కేసులో తొలుత మేజిస్ట్రేట్ కోర్టులో దాఖలైన ఫిర్యాదు 2024 అక్టోబర్లో తిరస్కరణకు గురైంది. దీంతో ఆ నిర్ణయాన్ని సవాలు చేస్తూ జైన్ దిండోషి అదనపు సెషన్స్ కోర్టులో రివిజన్ పిటిషన్ దాఖలు చేశారు. విచారణ సందర్భంగా కేసుకు సంబంధించిన పన్ను ఇన్వాయిస్లు, ఇతర ఆర్థిక పత్రాలను న్యాయస్థానం పరిశీలించింది. అదనపు సెషన్స్ జడ్జి పి.ఏ. సానే ఈ వ్యవహారం ప్రధానంగా ఒప్పందం, చెల్లింపులకు సంబంధించిన వాణిజ్య వివాదమని పేర్కొన్నారు. ఒప్పందం ప్రకారం డబ్బు చెల్లించకపోవడం లేదా చెల్లింపుల విషయంలో వివాదం ఏర్పడటం మాత్రమే క్రిమినల్ నేరంగా పరిగణించలేమని కోర్టు అభిప్రాయపడింది. ఒక వ్యక్తిని మోసం చేయాలనే ఉద్దేశం వ్యవహారం ప్రారంభమైనప్పటి నుంచే ఉందని చూపించే ప్రాథమిక ఆధారాలు ఉన్నప్పుడే ఇలాంటి వివాదానికి క్రిమినల్ కేసు రూపం ఇవ్వవచ్చని న్యాయస్థానం స్పష్టం చేసింది. ఈ కేసులో అలాంటి ప్రారంభ దురుద్దేశానికి తగిన ఆధారాలు కనిపించలేదని పేర్కొంటూ ఓం ప్రకాశ్ జైన్ దాఖలు చేసిన రివిజన్ పిటిషన్ను కోర్టు కొట్టివేసింది. దీంతో సన్నీ లియోన్, డేనియల్ వెబర్లకు ఈ కేసులో ఊరట లభించింది. అసలు వివాదం ఏంటి? తెలుగు సినిమా ఆఫర్కు సంబంధించి జరిగిన ఆర్థిక లావాదేవీల్లో తనకు చెల్లించాల్సిన కమీషన్ మొత్తం ఇవ్వలేదని ఓం ప్రకాశ్ జైన్ ఆరోపించారు. అయితే ఈ ఆరోపణలను పరిశీలించిన కోర్టు.. అందుబాటులో ఉన్న పత్రాల ఆధారంగా ఇది ప్రధానంగా వ్యాపార ఒప్పందానికి సంబంధించిన అంశమేనని తేల్చింది. కేవలం ఆర్థిక చెల్లింపుల వివాదం ఉందన్న కారణంతో దాన్ని మోసం లేదా నమ్మకద్రోహం వంటి క్రిమినల్ నేరంగా మార్చలేమని స్పష్టం చేసింది. also read: అవకాశాలు చేజారినా వెనక్కి తగ్గలేదు.. తల్లిదండ్రుల కోసం సినిమాల్లోకి వచ్చా: అనంతిక

Tag: Mumbai Sessions Court

Most Read

నార్వే రాజు హెరాల్డ్ V కన్నుమూత.. కుమారుడు హాకన్‌కు రాజ్య బాధ్యతలు

సీక్రెట్‌గా సాగిన ప్రేమకు పెళ్లితో శుభం కార్డు.. ఒక్కటైన బుల్లితెర నటి శిరీష, మహి

శర్వానంద్ ‘భోగి’ నుంచి ఇంట్రెస్టింగ్ పోస్టర్.. ‘గంగ ఒక్కడే.. ప్రాణాలు ఐదు’ అంటూ క్యాప్షన్‌!

‘టాక్సిక్’పై నెగెటివ్ రివ్యూలకు చెక్.. యూట్యూబర్లు, ఇన్‌ఫ్లుయెన్సర్లకు లీగల్ నోటీసులు!

EDITOR PICKS

సన్నీ లియోన్ దంపతులకు భారీ ఊరట.. రూ.1.75 కోట్ల వివాదంలో కీలక తీర్పు

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags