minority persecution - Crime Mirror

బంగ్లాదేశ్లో మైనారిటీలపై జరుగుతున్న దాడులు మరోసారి మానవత్వాన్ని ప్రశ్నించే స్థాయికి చేరుకున్నాయి. తాజాగా హిందూ వితంతు మహిళపై జరిగిన దారుణ ఘటన దేశవ్యాప్తంగా తీవ్ర ఆందోళన కలిగిస్తోంది. సెంట్రల్ బంగ్లాదేశ్లోని జెనైద్ జిల్లా, కాళిగంజ్ ప్రాంతంలో చోటుచేసుకున్న ఈ ఘటనలో 40 ఏళ్ల హిందూ వితంతు మహిళపై ఇద్దరు వ్యక్తులు అత్యాచారానికి పాల్పడినట్లు పోలీసులు నిర్ధారించారు. ఈ అమానుష చర్య అక్కడి సమాజాన్ని ఒక్కసారిగా ఉలిక్కిపడేలా చేసింది. https://twitter.com/Homidevang31/status/2008155222510866854?ref_srctwsrc%5Etfw%7Ctwcamp%5Etweetembed%7Ctwterm%5E2008155222510866854%7Ctwgr%5Efa9c90ff81f58c8bdcd31bd70e72980efe04ca77%7Ctwcon%5Es1_&ref_urlhttps%3A%2F%2Fpublish.twitter.com%2F%3Furl%3Dhttps%3A%2F%2Ftwitter.com%2FHomidevang31%2Fstatus%2F2008155222510866854 పోలీసులు తెలిపిన వివరాల ప్రకారం.. బాధిత మహిళ కొంతకాలం క్రితం షహీన్ అనే వ్యక్తి నుంచి కొంత భూమితో పాటు రెండంతస్తుల ఇంటిని కొనుగోలు చేసింది. ఆస్తి కొనుగోలు అనంతరం నుంచే షహీన్ ఆమెపై ఒత్తిడి పెంచుతూ, బెదిరింపులకు దిగినట్లు సమాచారం. దీనిని ఆమె తీవ్రంగా వ్యతిరేకించడంతో, షహీన్ ఆగ్రహానికి గురయ్యాడని స్థానికులు చెబుతున్నారు. ఈ నేపథ్యంలో షహీన్, హసన్ అనే మరో వ్యక్తితో కలిసి మహిళ ఇంటికి వెళ్లి దారుణానికి పాల్పడ్డాడు. మహిళపై అత్యాచారం చేసిన అనంతరం ఆమెను చెట్టుకు కట్టేసి జుట్టు కత్తిరించడం అత్యంత అమానుష చర్యగా మారింది. అంతేకాదు, ఈ మొత్తం ఘటనను వీడియోగా చిత్రీకరించి సోషల్ మీడియాలో షేర్ చేయడం ద్వారా ఆమెను మానసికంగా మరింతగా హింసించినట్లు తెలుస్తోంది. ఇంతటితో ఆగకుండా నిందితులు బాధితురాలిని డబ్బులు ఇవ్వాలంటూ డిమాండ్ చేశారు. డబ్బులు ఇవ్వడానికి ఆమె నిరాకరించడంతో, ఆమె బంధువులపై కూడా దాడులకు పాల్పడ్డారు. బాధిత మహిళను తీవ్రంగా కొట్టడంతో ఆమె స్పృహ కోల్పోయింది. స్థానికులు స్పందించి ఆమెను సమీపంలోని ఆసుపత్రికి తరలించారు. ఆసుపత్రిలో చికిత్స పొందుతున్న సమయంలో మొదట ఆమె అత్యాచారం గురించి వైద్యులకు చెప్పలేకపోయినట్లు సమాచారం. అయితే వైద్య పరీక్షల సమయంలో ఆమెపై లైంగిక దాడి జరిగినట్లు స్పష్టమైంది. ఈ విషయాన్ని తెలుసుకున్న కుటుంబ సభ్యులు పోలీసులను ఆశ్రయించగా, అధికారికంగా కేసు నమోదు చేశారు. ఫిర్యాదు అందుకున్న పోలీసులు నిందితులపై కఠిన చర్యలు తీసుకుంటామని హామీ ఇచ్చారు. ప్రస్తుతం నిందితుల కోసం గాలింపు చేపట్టినట్లు వెల్లడించారు. ఇటీవలి కాలంలో బంగ్లాదేశ్లో హిందువులు, ఇతర మైనారిటీలపై వరుస దాడులు జరుగుతున్న సంగతి తెలిసిందే. గత నెలలో దీపు చంద్రదాస్ను దారుణంగా హత్య చేయగా, ఖోకోన్ చంద్రదాస్పై జరిగిన దాడిలో అతడు ప్రాణాలు కోల్పోయాడు. అలాగే మరికొందరు హిందువులు కూడా దాడులకు గురైన ఘటనలు వెలుగుచూశాయి. ఈ పరిణామాలు బంగ్లాదేశ్లో మైనారిటీలకు రక్షణ లేకుండా పోతోందా అనే సందేహాలను పెంచుతున్నాయి. ప్రభుత్వం తక్షణమే స్పందించి నిందితులకు కఠిన శిక్షలు విధించాల్సిన అవసరం ఉందని పలువురు డిమాండ్ చేస్తున్నారు. ALSO READ: BIG ALERT: బంగాళఖాతంలో అల్పపీడనం.. భారీ వర్షాలు

Tag: minority persecution

Most Read

హజ్ యాత్రికులకు అండగా రాష్ట్ర ప్రభుత్వం.. భారాన్ని భరించాలని సీఎం రేవంత్ నిర్ణయం

దేశ వ్యాప్తంగా కమల వికాసం.. ఇది కదా అసలైన బీజేపీ జోరు, బండి సంజయ్ కీలక వ్యాఖ్యలు

ధాన్యం కొనుగోళ్లు వేగవంతం చేయండి.. అధికారులకు మంత్రి ఉత్తమ్ ఆదేశం

మమత ఘోర ఓటమి.. సువేందు ఘన విజయం

EDITOR PICKS

హిందూ మహిళను అత్యాచారం చేసి.. చెట్టుకు కట్టేసి!.. (VIDEO)

దారుణం.. చెట్టుకు వేలాడదీసి తగలబెట్టారు (VIDEO)

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags

WhatsApp Channel