Meher Ramesh Sister dies

మెహర్ రమేష్ ఇంట తీవ్ర విషాదం.. వైరల్ న్యూమోనియాతో సోదరి కన్నుమూత Crime Mirror,Latest Updates: టాలీవుడ్ దర్శకుడు మెహర్ రమేష్ కుటుంబంలో తీవ్ర విషాదం చోటుచేసుకుంది. ఆయన సోదరి మెహర్ జ్యోతి సుంకర సోమవారం రాత్రి కన్నుమూశారు. గత రెండు వారాలుగా వైరల్ న్యూమోనియాతో బాధపడుతున్న ఆమె విజయవాడలోని ఓ ప్రైవేట్ ఆస్పత్రిలో చికిత్స పొందుతూ తుదిశ్వాస విడిచినట్లు కుటుంబ సభ్యులు తెలిపారు. ఈ విషాద వార్తను మెహర్ రమేష్ స్వయంగా సోషల్ మీడియా ద్వారా వెల్లడించారు. సోదరి మృతితో తీవ్ర భావోద్వేగానికి గురైన మెహర్ రమేష్, ఆమెతో తనకు ఉన్న అనుబంధాన్ని గుర్తు చేసుకుంటూ హృదయవిదారక పోస్టు చేశారు. చిన్ననాటి నుంచి తనకు అండగా నిలిచిన వ్యక్తి ఆమె అని, ప్రతి సందర్భంలో ప్రేమగా ఆదరించి, కుటుంబానికి బలంగా నిలిచిందని పేర్కొన్నారు. ఇటీవల తన కుమార్తె వివాహాన్ని కూడా దగ్గరుండి చూసుకుందని, తిరుమల శ్రీ వెంకటేశ్వరస్వామి దర్శనం కలిసి చేసుకున్న జ్ఞాపకాలు ఇప్పటికీ కళ్లముందే తిరుగుతున్నాయని తెలిపారు. ఇంత త్వరగా ఆమె తమను విడిచిపెట్టడం కుటుంబానికి తీరని లోటని, ఈ నిజాన్ని ఇప్పటికీ జీర్ణించుకోలేకపోతున్నామని మెహర్ రమేష్ తన పోస్టులో ఆవేదన వ్యక్తం చేశారు. ఆమె ఆత్మకు శాంతి చేకూరాలని భగవంతుడిని ప్రార్థిస్తూ భావోద్వేగ సందేశాన్ని పంచుకున్నారు. ఈ వార్త తెలిసిన వెంటనే సినీ పరిశ్రమకు చెందిన పలువురు ప్రముఖులు, దర్శకులు, నటీనటులు, అభిమానులు సోషల్ మీడియా వేదికగా మెహర్ రమేష్ కుటుంబానికి ప్రగాఢ సానుభూతి తెలియజేస్తున్నారు. మెహర్ జ్యోతి సుంకర ఆత్మకు శాంతి చేకూరాలని, కుటుంబ సభ్యులకు ఈ విషాదాన్ని తట్టుకునే ధైర్యం కలగాలని ఆకాంక్షిస్తూ సంతాప సందేశాలు వెల్లువెత్తుతున్నాయి.

Tag: Meher Ramesh Sister dies

Most Read

దేవనహళ్లిలో బాలికపై దారుణం.. మోసం చేసి తీసుకెళ్లి సామూహిక అత్యాచారం – ముగ్గురు అరెస్ట్

అమెరికాలో ఘోర రోడ్డు ప్రమాదం…! హైద‌రాబాద్ వాసుల మృతి…

ట్రైనీ ఐపీఎస్ ఉదయ్ కృష్ణారెడ్డి డిశ్చార్జ్.. కేసు దర్యాప్తు వేగవంతం

పెంపుడు జంతువులకు రిజిస్ట్రేషన్ తప్పనిసరి.. గడువు దాటితే రూ.5,000 జరిమానా!

EDITOR PICKS

మెహర్ రమేష్ ఇంట తీవ్ర విషాదం….!

POPULAR POSTS

మునుగోడు ఆశ..రాజన్న శ్వాస..

Folk Star Nagadurga: జానపద గాయని నుంచి హీరోయిన్‌గా.. నాగదుర్గ కొత్త ప్రయాణం!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags