Mehaboobabad | Crime Mirror

హైదరాబాద్(క్రైమ్ మిర్రర్):-మహబూబాబాద్ రూరల్ పోలీస్ స్టేషన్ పరిధిలో బోరింగ్ తండా సమీపంలో ఈనెల ఒకటవ తేదీన జరిగిన హత్య మిస్టరీని మహబూబాబాద్ పోలీస్ లు రెండురోజుల్లోనే చేదించారు.. ప్రియుని సహాయంతో కట్టుకున్న బార్యే అత్యంత కిరాతకంగా భర్తను హత్య చేయించినట్లు ధృవీకరించారు. దంతాలపల్లి మండల కేంద్రంలోని మహాత్మా జ్యోతిబాపూలే పాఠశాలలో హెల్త్ సూపర్ వైజర్ గా పనిచేస్తున్న పార్థసారథిని గుర్తు తెలియని వ్యక్తులు హత్య చేసారనే సమాచారంతో రంగంలోకి దిగిన పోలీసులు, తీగలాగితే మృతుని భార్య వివాహేతరసంబందం డొంకంతా కదిలింది.. ప్రియుడితో ఉండేందుకు భర్త అడ్డుగా ఉన్నాడనే ఆలోచనతో సుపారీ ఇచ్చి మరీ హత్య చేయించిన వాస్తవాలు వెలుగు చూసాయి. ఈ హత్యోదంతం కేసు తాలూకు వివరాలను మహబూబాబాద్ జిల్లా ఎస్పీ సుధీర్ రాంనాద్ కేకన్ విలేకరుల సమావేశంలో వెల్లడించారు. హత్యకు గురైన పార్థసారథి భార్య తాటి స్వప్నకు, ప్రభుత్వ ఉపాధ్యాయుడైన వెంకట విద్యాసాగర్ అనే వ్యక్తితో ఏర్పడిన పరిచయం, వివాహేతరసంబంధంగా మారింది. ఈ అంశంపై పెద్దమనుషుల సమక్షంలో పంచాయతీలు జరగడం, సర్దుబాటు చేసుకోవడం, చెడు మార్గాలు పట్టకుండా కలిసి ఉండాలని నచ్చచెప్పడాలు, తిరిగి భార్యాభర్తలు కలిసి ఉండడం ఇలా చాలా జరిగాయి.. అయినప్పటికీ స్వప్న, విద్యాసాగర్ ల మద్య వివాహేతర సంబందం చాటుమాటుగా కొనసాగుతూనే ఉంది. ఈ విషయంలో భార్యాభర్తలకు చాలాసార్లు గొడవలయ్యాయి. భర్త, బందువులు హెచ్చరించినా వారి వివాహేతర సంబంధం మాత్రం మానుకోలేదు. పార్ధసారధి హత్య జరగగానే ఆయన కుటుంబసభ్యులు ఈ అంశాలను తెలపడంతో పోలీసులు ఆ కోణంలో దర్యాప్తు జరపగా స్వప్న విద్యాసాగర్ తామే హత్య చేయించామని ఒప్పుకున్నారు.. మృతుడు మహబూబాబాద్ జిల్లాలోని దంతాలపల్లిలో ఉద్యోగం చేస్తుండగా అస్తమానం భార్యకు వీడియోకాల్స్ చేస్తూ, అనుమానంతో ఇబ్బంది పెడుతున్నాడని, అతనిని ఎలాగైనా అడ్డుతప్పించాలనే ఉద్దేశ్యంతోనే స్వప్న, సాగర్ లు, వినయ్ కుమార్, శివశంకర్, వంశీల సహాయం కోరారని చెప్పింది.. పార్ధసారథిని హత్య చేసేందుకు ఐదు లక్షల రూపాయలు సుపారిగా ఇచ్చేందుకు ఒప్పుకున్నారు. పార్ధసారధి ఉగాది సెలవులకు మార్చి 28వ తేదీన కొత్తగూడెం వచ్చి అక్కడ నుండి మార్చి 31వ తేదీన తిరిగి డ్యూటీలో జాయిన్ అవ్వడం కోసం దంతాలపల్లి బయలుదేరాడు. ఈ విషయం పార్థసారథి భార్య అయిన స్వప్న, సాగర్ కు ఫోన్ ద్వారా తెలియపరచింది. అదే విషయాన్ని సాగర్ సుపారీ హంతకులకు చెప్పి ఇనోవా క్రిస్టా వాహనాన్ని, కొంత నగదును ఇచ్చి హత్య చేయడానికి పంపించాడు. వారు పార్ధసారధిని అనుసరిస్తూ వచ్చి, మహబూబాబాద్ దాటిన తర్వాత బోరింగ్ తండా సమీపంలో హత్య చేసారని మహబూబాబాద్ జిల్లా ఎస్పీ సుధీర్ రాంనాద్ కేకన్ తెలిపారు. ప్రస్తుతం తాటి స్వప్న, వెంకట విద్యాసాగర్ ను అరెస్ట్ చేయడం జరిగిందని, మిగిలిన వారి కోసం పోలీస్ బృందాలు వెతుకుతున్నాయని తెలిపారు.విచారణలో వేగంగా స్పందించి, కేసును చేదించి, అరెస్ట్ చేేసిన మహబూబాబాద్ డిఎస్పీ తిరుపతిరావు, మహబూబాబాద్ రూరల్ సిఐ సర్వయ్య, బయ్యారం సిఐ రవికుమార్, గూడూర్ సిఐ సూర్యప్రకాష్, ఎస్బీ సిఐ చంద్రమౌళి, సిసిఎస్ సిఐ హాతీరాం లతోపాటు, మహబూబాబాద్ రూరల్ ఎస్ఐ దీపిక, గూడూరు ఎస్ఐ గిరిధర్ రెడ్డి, కేసముద్రం, బయ్యారం, కురవి ఎస్ఐ సతీష్ లను, ఐటికోర్ సిబ్బందిని, ఇతర పోలీస్ సిబ్బందిని ఎస్పీ సుధీర్ రాంనాద్ కేకన్ అభినందించినారు. పరారీలో వినయ్ కుమార్, శివ శంకర్, వంశీ, కుసం లవరాజ్ ఉన్నారని సమాచారం..

Tag: Mehaboobabad

Most Read

LPG Shortage: అయోధ్య రామయ్యకు LPG ఎఫెక్ట్, ఆలయ అధికారుల కీలక నిర్ణయం!

Supreme Court: అతడిని చనిపోనివ్వండి, సంచలన తీర్పు చెప్పిన అత్యున్నత న్యాయస్థానం!

మోటకొండూర్ ప్రాథమిక ఆరోగ్య కేంద్రంను ఆకస్మిక తనిఖీ చేసిన కలెక్టర్

డెలవరీ బాయ్స్‌కి స్నేహితుడి లాంటి బైక్.. ఫుల్ ట్యాంక్ చేస్తే 700 కి.మీ ప్రయాణం.. రూ.57,657కే

EDITOR PICKS

ప్రియునితో కలిసి.. కట్టుకున్న మొగున్నే కాటికి పంపిన భార్య..

జీవితం జీవించడానికే…. ఆత్మహత్యలు వద్దు.. జీవితం ముద్దు

గ్రూప్-2 ర్యాంకర్ కు పోలీసుల సన్మానం..

POPULAR POSTS

RGV: బలవంతుడిదే రాజ్యం.. గెలిచిన వారి మతంలో చేరుతా!

ఏడెకరాల వరకే రైతుబంధు లిమిట్!

2029లో టీడీపీ అధికారంలో ఉండటం కష్టమేనా – చరిత్ర ఏం చెప్తోంది..?

POPULAR CATEGORY

ABOUT US

FOLLOW US