medical ethics - Crime Mirror

ముంబైలో ఓ స్టాండప్ కామెడీ షోలో పాల్గొన్న మహిళా డాక్టర్ చేసిన వ్యాఖ్యలు సోషల్ మీడియాలో తీవ్ర చర్చకు దారితీశాయి. వైద్య విద్యలో శిక్షణ కోసం ఉపయోగించే మృతదేహాల (కడావర్స్) గురించి ఆమె చేసిన వ్యాఖ్యలు అనుచితంగా ఉన్నాయంటూ నెటిజన్లు, వైద్య వర్గాలు తీవ్రంగా స్పందించాయి. సమాచారం ప్రకారం, ముంబైలోని ప్రముఖ ఆసుపత్రిలో వైద్య విద్య పూర్తి చేసిన డాక్టర్ సెజల్ పవార్ ఇటీవల ఓ కామెడీ షోకు హాజరయ్యారు. ఈ సందర్భంగా షోలో అడిగిన ప్రశ్నకు స్పందిస్తూ, అనాటమీ క్లాసుల్లో మృతదేహాలను చూసినప్పుడు తాము సరదాగా కొన్ని విషయాలు మాట్లాడుకునేవాళ్లమని తెలిపారు. ముఖ్యంగా పురుష మృతదేహాల ప్రైవేట్ భాగాల గురించి సరదాగా చర్చించేవాళ్లమని నవ్వుతూ చెప్పడం వివాదానికి కారణమైంది. ఈ వ్యాఖ్యల వీడియో క్లిప్ సోషల్ మీడియాలో వైరల్ కావడంతో, ఆమెపై విమర్శలు వెల్లువెత్తాయి. తమ శరీరాలను వైద్య విద్య కోసం దానం చేసిన వ్యక్తుల పట్ల గౌరవం లేకుండా మాట్లాడటం వైద్య నైతిక విలువలకు విరుద్ధమని పలువురు అభిప్రాయపడ్డారు. అలాగే వైద్య విద్యార్థులు అనుసరించే కడావరిక్ ప్రమాణాన్ని కూడా ఈ వ్యాఖ్యలు అవమానించాయని ఆరోపణలు వచ్చాయి. వివాదం తీవ్రరూపం దాల్చడంతో, డాక్టర్ సెజల్ పవార్ సోషల్ మీడియా వేదికగా స్పందించారు. తాను ఆలోచించకుండా మాట్లాడానని, తన వ్యాఖ్యలు ఎవరికైనా బాధ కలిగించి ఉంటే క్షమించాలని తెలిపారు. చేసిన తప్పుకు పూర్తి బాధ్యత వహిస్తున్నానని, భవిష్యత్తులో ఇలాంటి ఘటనలు పునరావృతం కాకుండా జాగ్రత్త పడతానని పేర్కొన్నారు.

Tag: medical ethics

Most Read

నాది సౌత్ ఇండియా.. ఆ యాస రాక ఏం చేస్తుంది?: విమర్శలకు రష్మిక ఘాటు సమాధానం

రజనీ – కమల్ క్రేజీ ప్రాజెక్ట్ షురూ.. వచ్చే నెలలోనే షూటింగ్ ప్రారంభం?

ఏపీలో వాయుగుండం కలకలం.. నేటి నుంచి విస్తారంగా భారీ వర్షాలు!

వైభవ్‌ను టీమ్‌ఇండియా నుంచి రిలీజ్ చేయాలా?.. ఆకాశ్ చోప్రా కీలక సూచన!t

EDITOR PICKS

ముంబై డాక్టర్ వ్యాఖ్యలపై వివాదం.. వైరల్ వీడియోతో క్షమాపణలు

మారిన మందుల చీటీ.. రోగి ప్రాణాలను తీసింది!

Warning.. గూగుల్, AI సలహాలతో ముప్పు!

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags