#MaherAlAssad - Crime Mirror

క్రైమ్ మిర్రర్ : సిరియాలో దాదాపు 14 ఏళ్లుగా కొనసాగిన అంతర్యుద్ధానికి సంబంధించిన కేసులో కీలక పరిణామం చోటుచేసుకుంది. మానవత్వానికి వ్యతిరేకంగా నేరాలు, యుద్ధ నేరాలకు పాల్పడ్డారనే ఆరోపణలపై మాజీ అధ్యక్షుడు బషర్ అల్ అసద్, ఆయన సోదరుడు మహేర్ అసద్కు సిరియా న్యాయస్థానం గైర్హాజరీలో మరణశిక్ష విధించింది. ఇదే కేసులో అసద్ బంధువు అతేఫ్ నజీబ్కు కూడా కోర్టు మరణశిక్ష ఖరారు చేసింది. తీర్పు సందర్భంగా కోర్టు పరిసరాల్లో భారీ భద్రతా ఏర్పాట్లు చేశారు. విచారణకు హాజరైన నజీబ్ ఖైదీ దుస్తుల్లో కోర్టు బోనులో ఉండగా న్యాయమూర్తి తీర్పును ప్రకటించారు. రష్యాలో ఆశ్రయం పొందిన అసద్ సోదరులు తిరుగుబాటుదారులు డమాస్కస్లోకి ప్రవేశించిన సమయంలో బషర్ అల్ అసద్, మహేర్ అసద్ సిరియా నుంచి రష్యాకు వెళ్లిపోయారు. అనంతరం అతేఫ్ నజీబ్ను అధికారులు అదుపులోకి తీసుకుని కేసు నమోదు చేశారు. అసద్ ప్రభుత్వంలో కీలక స్థాయిలో పనిచేసిన అధికారుల్లో నజీబ్ ఒకరని సమాచారం. సిరియా సైన్యంలో ఆయన బ్రిగేడియర్ జనరల్గా సేవలందించారు. 2011లో బషర్ అల్ అసద్ పాలన కొనసాగుతున్న సమయంలో దక్షిణ సిరియాలోని దారా ప్రావిన్స్లో రాజకీయ భద్రతా విభాగానికి నజీబ్ బాధ్యతలు నిర్వహించారు. ఆ ప్రాంతంలో ప్రభుత్వ వ్యతిరేక నిరసనలు, తిరుగుబాటును అణచివేసే చర్యల్లో ఆయన కీలకంగా వ్యవహరించినట్లు ఆరోపణలు ఉన్నాయి. ఈ కేసులో కోర్టు తీర్పు సిరియాలో గత పాలనకు సంబంధించిన నేరాలపై జరుగుతున్న న్యాయ ప్రక్రియలో ప్రాధాన్యం సంతరించుకుంది. also read : తెలంగాణ లో నీళ్ల రాజకీయం…!

Tag: #MaherAlAssad

Most Read

కేరళ పేరు మార్పు బిల్లుకు లోక్‌సభ ఆమోదం.. ‘కేరళం’గా మారనున్న రాష్ట్రం

ఏపీలో జూనియర్ డాక్టర్ల సమ్మె సైరన్.. స్టైఫండ్ పెంచాలని డిమాండ్

IPL క్రికెటర్ అభిషేక్ పోరెల్ అరెస్ట్.. “లైంగికదాడికి పాల్పడ్డాడంటూ” యువతి ఫిర్యాదు

సీనియర్ నటుడు, రచయిత యల్లాప్రగడ సౌభాగ్య కృష్ణేశ్వరరావు కన్నుమూత

EDITOR PICKS

మాజీ అధ్యక్షుడు అసద్‌కు డెత్‌ సెంటెన్స్‌.. కోర్టు సంచలన తీర్పు

POPULAR POSTS

మునుగోడు ఆశ..రాజన్న శ్వాస..

జగన్ పాదయాత్రపై ఏపీలో జోరుగా చ‌ర్చా….!

Folk Star Nagadurga: జానపద గాయని నుంచి హీరోయిన్‌గా.. నాగదుర్గ కొత్త ప్రయాణం!

POPULAR CATEGORY

ABOUT US

Trending Tags