Jobs - Crime Mirror

బెంగళూరులోని ఓ స్టార్టప్ కంపెనీ తీసుకున్న ఓ నిర్ణయం ఇప్పుడు సోషల్ మీడియాలో తీవ్ర చర్చకు దారితీసింది. ఉత్తరప్రదేశ్, రాజస్థాన్, బీహార్, మధ్యప్రదేశ్ రాష్ట్రాలకు చెందిన పురుష అభ్యర్థులను తమ సంస్థలో నియమించుకోబోమని బెంగళూరుకు చెందిన A1 Sports World వ్యవస్థాపకుడు కార్తీక్ ఎస్జీ ప్రకటించారు. ఈ మేరకు సెప్టెంబర్ 22న ఎక్స్లో చేసిన పోస్టు వైరల్గా మారడంతో నెటిజన్లు భిన్నాభిప్రాయాలు వ్యక్తం చేస్తున్నారు. కంపెనీలో సుదీర్ఘ చర్చలు, వాదోపవాదాల తర్వాతే ఈ నిర్ణయం తీసుకున్నట్లు కార్తీక్ తెలిపారు. అయితే, ఒక ఉద్యోగి వ్యవహరించిన తీరే ఈ విధానానికి కారణమని ఆయన వివరించారు. అసలు వివాదం ఏంటి? కార్తీక్ వెల్లడించిన వివరాల ప్రకారం.. కొన్ని వారాల క్రితం తమ సంస్థలో పనిచేస్తున్న ఓ పురుష ఉద్యోగిపై మహిళా సిబ్బందితో దురుసుగా ప్రవర్తిస్తున్నాడంటూ ఫిర్యాదులు వచ్చాయి. పలుమార్లు హెచ్చరించినప్పటికీ అతడి ప్రవర్తనలో మార్పు రాలేదని ఆయన పేర్కొన్నారు. అంతేకాకుండా ఓ మహిళా సహోద్యోగిపై లైంగిక దాడికి ప్రయత్నించాడని కార్తీక్ ఆరోపించారు. దీంతో సదరు ఉద్యోగిని సంస్థ నుంచి తొలగించినట్లు తెలిపారు. ఈ ఆరోపణలకు స్వతంత్రంగా ధ్రువీకరణ లభించలేదని పలు నివేదికలు పేర్కొన్నాయి. also read: గణేశ్ నిమజ్జన బందోబస్తులో విషాదం.. రోడ్డు ప్రమాదంలో ఎస్సై వెంకన్న మృతి ఈ ఉద్యోగి తాను నిషేధం ప్రకటించిన నాలుగు రాష్ట్రాల్లో ఒకదానికి చెందినవాడని కార్తీక్ చెప్పారు. తమ సంస్థ యువతతోనూ పనిచేస్తుందని, ఉద్యోగులు మరియు పిల్లల భద్రత తమకు అత్యంత ముఖ్యమని ఆయన పేర్కొన్నారు. నిర్ణయంపై తీవ్ర విమర్శలు కార్తీక్ ప్రకటన వెలువడిన వెంటనే సోషల్ మీడియాలో పెద్ద ఎత్తున వ్యతిరేకత వ్యక్తమైంది. ఒక వ్యక్తి చేసిన ఆరోపణల ఆధారంగా మొత్తం నాలుగు రాష్ట్రాలకు చెందిన పురుష అభ్యర్థులను ఒకే కోణంలో చూడటం సరైనదేనా అంటూ పలువురు ప్రశ్నించారు. అభ్యర్థులను వారి అర్హతలు, అనుభవం, వ్యక్తిగత ప్రవర్తన ఆధారంగా పరిశీలించాలి కానీ ప్రాంతం ఆధారంగా నిర్ణయం తీసుకోవడం సమంజసం కాదంటూ కొందరు అభిప్రాయపడ్డారు. కంపెనీలో 32 మంది ఉద్యోగులు విమర్శలకు స్పందించిన కార్తీక్.. తమ సంస్థలో మొత్తం 32 మంది ఉద్యోగులు ఉన్నారని తెలిపారు. వారిలో 14 మంది మహిళలు ఉన్నారని, వివిధ రాష్ట్రాలు, మతాలకు చెందిన వారు తమ సంస్థలో పనిచేస్తున్నారని పేర్కొన్నారు. అలాగే రాజస్థాన్కు చెందిన ఓ మహిళా ఉద్యోగి ఇప్పటికే తమ సంస్థలో పనిచేస్తున్నారని, ఆమె ఈ నిర్ణయానికి పూర్తిగా మద్దతు తెలిపినట్లు చెప్పారు. అయితే, ఉద్యోగుల భద్రతను కారణంగా చూపుతూ తీసుకున్న ఈ నిర్ణయం ప్రాంతీయ ప్రాతిపదికన మొత్తం పురుష అభ్యర్థులకు వర్తింపజేయడంపై ప్రస్తుతం సోషల్ మీడియాలో విస్తృత చర్చ కొనసాగుతోంది. ఒక ఉద్యోగి ఆరోపించిన ప్రవర్తనకు మొత్తం నాలుగు రాష్ట్రాల అభ్యర్థులను బాధ్యులుగా చూడటంపై పలువురు అభ్యంతరం వ్యక్తం చేస్తున్నారు. దీంతో A1 Sports World వ్యవహారం ప్రస్తుతం వైరల్ టాపిక్గా మారింది. also read: హ్యాపీ హోమ్స్ కాలనీలో ఘోరం.. స్నేహితుడిని కత్తులతో పొడిచి దారుణ హత్య!

Tag: Jobs

Most Read

ఏపీ అభివృద్ది ధ్యేయంగా ప‌ని చేస్తున్నాం…! డిప్యూటి సీఎం ప‌వ‌న్ క‌ళ్యాణ్‌

రేవంత్ మహారాష్ట్ర బాట…! తుమ్మిడిహెట్టి బ్యారేజీ ప‌ట్టాలెక్కేనా…?

రిలయన్స్ జియో ప్రభంజనం…!

ఏపీలో స్థానిక ఎన్నికలు రద్దు..!

EDITOR PICKS

బెంగళూరు స్టార్టప్ సంచలన నిర్ణయం.. ఆ 4 రాష్ట్రాల పురుషులకు ఉద్యోగాలు లేవట!

కొలువు ఒకటే.. జీతాలు రెండు!

నిరుద్యోగులకు రేవంత్ సర్కార్ శుభవార్త.. ఆరు వేల పోస్టులు భర్తీకి రంగం సిద్ధం

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags