It is a mistake to think that wet wipes remove dirt

వేసవి కాలంలో చెమట, దుమ్ము, మురికి కారణంగా ముఖం అంటుకునేలా మారిపోవడంతో చాలా మంది తరచుగా వెట్ వైప్స్ను ఉపయోగిస్తున్నారు. బయటకు వెళ్లినప్పుడు, ప్రయాణాల్లో లేదా కార్యాలయాల్లో కూడా వెంటనే ముఖాన్ని శుభ్రం చేసుకోవడానికి ఇవి సులభమైన మార్గంగా భావిస్తున్నారు. వెట్ వైప్స్తో ముఖాన్ని తుడిచిన వెంటనే చల్లదనంతో పాటు శుభ్రంగా ఉన్న భావన కలుగుతుంది. అయితే ఈ అలవాటు దీర్ఘకాలంలో చర్మ ఆరోగ్యంపై తీవ్ర ప్రభావం చూపే ప్రమాదం ఉందని చర్మ నిపుణులు హెచ్చరిస్తున్నారు. మొదట్లో ఎలాంటి సమస్యలు కనిపించకపోయినా, రోజూ పదేపదే వెట్ వైప్స్ వాడటం వల్ల చర్మం బిగుతుగా మారడం, పొడిబారడం, ఎర్రబడటం, దద్దుర్లు, మొటిమలు వంటి సమస్యలు క్రమంగా పెరుగుతాయని చెబుతున్నారు. వెట్ వైప్స్లో ఉపయోగించే సువాసన రసాయనాలు, ప్రిజర్వేటివ్లు చర్మంలోని సహజ తేమను తగ్గిస్తాయని నిపుణులు వివరిస్తున్నారు. చర్మాన్ని కాపాడే సహజ నూనెలు తగ్గిపోవడంతో ముఖం పొడిబారిపోయి మంట, చర్మం లాగుతున్నట్లుగా అనిపించే పరిస్థితి ఏర్పడుతుంది. ముఖ్యంగా సున్నితమైన చర్మం ఉన్నవారిలో ఈ ప్రభావం మరింత ఎక్కువగా కనిపించే అవకాశముందని చెబుతున్నారు. అలాగే వెట్ వైప్స్ ముఖంపై ఉన్న మురికిని పూర్తిగా తొలగించవని, దానిని చర్మంపైనే రుద్దడం వల్ల రంధ్రాలు మూసుకుపోయే ప్రమాదం ఉందని నిపుణులు సూచిస్తున్నారు. ఫలితంగా మొటిమలు, బ్లాక్హెడ్స్, చర్మ సమస్యలు పెరిగే అవకాశం ఉంటుందని హెచ్చరిస్తున్నారు. ముఖ్యంగా వెట్ వైప్స్ వాడినప్పుడు కలిగే చల్లదనానికి కారణం అందులో ఉండే కొన్ని రసాయనాలేనని నిపుణులు చెబుతున్నారు. వాటిలో ‘థైలిసోథియాజోలినోన్’ అనే రసాయనం ప్రధానంగా ఉపయోగిస్తారని, ఇది ఒక కృత్రిమ ప్రిజర్వేటివ్ మాత్రమే కాకుండా క్రిమిసంహారక లక్షణాలు కూడా కలిగి ఉంటుందని వివరించారు. ఈ రసాయనం తరచుగా చర్మంతో సంపర్కంలోకి వస్తే అలర్జీలు, దురద, మంట వంటి సమస్యలు వచ్చే ప్రమాదం ఉందని పేర్కొన్నారు. కొంతమందిలో చర్మంపై చిన్న చిన్న దద్దుర్లు, ఎర్రటి మచ్చలు కూడా కనిపించవచ్చని తెలిపారు. రోజువారీగా వెట్ వైప్స్ వినియోగించడం వల్ల ముఖంలోని సహజ రక్షణ పొర బలహీనపడుతుందని చర్మ నిపుణులు హెచ్చరిస్తున్నారు. ముఖ్యంగా వేసవిలో చర్మం మరింత సున్నితంగా మారే అవకాశం ఉండటంతో ఇలాంటి ఉత్పత్తులను అధికంగా ఉపయోగించడం మంచిది కాదని సూచిస్తున్నారు. ముఖాన్ని శుభ్రం చేసుకోవడానికి స్వచ్ఛమైన నీరు, మంచి నాణ్యత కలిగిన ముఖ శుభ్రపరిచే ద్రావణాలు ఉపయోగించడం ఉత్తమమని చెబుతున్నారు. అత్యవసర పరిస్థితుల్లో మాత్రమే వెట్ వైప్స్ను వినియోగించడం మంచిదని, వాటిని రోజువారీ అలవాటుగా మార్చుకోకపోవడమే చర్మ ఆరోగ్యానికి మేలు చేస్తుందని నిపుణులు స్పష్టం చేస్తున్నారు. ALSO READ: వైవాహిక బంధాన్ని చిదిమేసే మానసిక మాయాజాలం

Tag: It is a mistake to think that wet wipes remove dirt

Most Read

ఇద్ద‌రి వ్య‌క్తి గ‌త క‌క్ష‌ల‌తో ఊరిని బ‌జారుకు ఈడుస్తున్న‌రు…!

Breaking News: నామినేటెడ్ పదవుల భర్తీ…!

Vijay Thalapathy: విజయ్ కూతురిని చూశారా?.. ఇప్పుడు హీరోయిన్లకు మించిన అందంతో..

Tilak For Children: తిలకం, విభూతి వల్ల పిల్లల జ్ఞాపకశక్తి పెరుగుతుందా..?

EDITOR PICKS

వెట్ వైప్స్ మురికిని వదిలిస్తాయనుకుంటే పొరపాటే..

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags

WhatsApp Channel