Historic T20I Series Win

కచ్చితంగా గెలవాల్సిన మ్యాచ్లో కూడా టీమిండియా ఆశించిన స్థాయిలో ఆడలేక మరో పరాజయాన్ని చవిచూసింది. ఇప్పటికే సిరీస్లో వెనుకబడిన భారత్కు నాలుగో టీ20లోనూ నిరాశే ఎదురైంది. ఇంగ్లండ్ బ్యాటర్లు ఫిల్ సాల్ట్, హ్యారీ బ్రూక్ అద్భుత ఇన్నింగ్స్ తో చెలరేగడంతో ఆతిథ్య జట్టు 9 వికెట్ల తేడాతో ఘన విజయం సాధించింది. ఈ విజయంతో ఐదు మ్యాచ్ల టీ20 సిరీస్ను ఇంకా ఒక మ్యాచ్ మిగిలి ఉండగానే ఇంగ్లండ్ 3-0తో సొంతం చేసుకుంది. టీ20ల్లో భారత్పై ఇంగ్లండ్కు ఇది తొలి సిరీస్ విజయం కావడం విశేషం. తొలి మ్యాచ్ వర్షం కారణంగా రద్దు కాగా, చివరి మ్యాచ్ శనివారం జరగనుంది. టాస్ గెలిచి బ్యాటింగ్ చేసిన భారత్కు ఆరంభం ఆశించినంత బాగా లేకపోయింది. వికెట్లు వరుసగా పడిపోవడంతో జట్టు ఒత్తిడిలో పడింది. అలాంటి సమయంలో కెప్టెన్ శ్రేయాస్ అయ్యర్ బాధ్యతాయుతంగా ఆడాడు. కేవలం 49 బంతుల్లో 80 పరుగులతో అజేయంగా నిలిచి జట్టును గౌరవప్రదమైన స్కోరుకు చేర్చాడు. అతని ఇన్నింగ్స్ లో 4 ఫోర్లు, 5 భారీ సిక్సర్లు ఉన్నాయి. శివమ్ దూబే 22 పరుగులు చేసి కొంత సహకారం అందించాడు. అయితే, మిగతా బ్యాటర్లు పెద్దగా ప్రభావం చూపలేకపోవడంతో భారత్ నిర్ణీత 20 ఓవర్లలో 7 వికెట్లకు 158 పరుగులకే పరిమితమైంది. ఇంగ్లండ్ బౌలర్లలో జోఫ్రా ఆర్చర్, జోష్ టంగ్ తలో రెండు వికెట్లు తీశారు. 159 పరుగుల లక్ష్యంతో బరిలోకి దిగిన ఇంగ్లండ్కు ఆరంభంలోనే జోస్ బట్లర్ వికెట్ కోల్పోవడం చిన్న ఎదురుదెబ్బగా కనిపించింది. కానీ, అక్కడి నుంచి కెప్టెన్ హ్యారీ బ్రూక్, ఓపెనర్ ఫిల్ సాల్ట్ మ్యాచ్ ను పూర్తిగా తమ ఆధీనంలోకి తీసుకున్నారు. భారత బౌలర్లకు ఏమాత్రం అవకాశం ఇవ్వకుండా ఇద్దరూ వేగంగా పరుగులు రాబట్టారు. సాల్ట్ 42 బంతుల్లో 59 పరుగులు చేయగా, బ్రూక్ కేవలం 35 బంతుల్లోనే 79 పరుగులతో అజేయంగా నిలిచాడు. ఇద్దరూ రెండో వికెట్కు అజేయ శతక భాగస్వామ్యం నమోదు చేసి, ఇంకా 37 బంతులు మిగిలి ఉండగానే జట్టును విజయతీరాలకు చేర్చారు. భారత బౌలర్లు ఈ మ్యాచ్లో పూర్తిగా ప్రభావం చూపలేకపోయారు. వికెట్లు తీయడంలోనూ, పరుగులను నియంత్రించడంలోనూ విఫలమయ్యారు. అద్భుత బ్యాటింగ్తో మ్యాచ్ ను ఏకపక్షంగా మలిచిన హ్యారీ బ్రూక్కు 'ప్లేయర్ ఆఫ్ ది మ్యాచ్' అవార్డు లభించింది. ఇప్పుడు చివరి టీ20లో అయినా గెలిచి పరువు నిలబెట్టుకోవాలనే లక్ష్యంతో టీమిండియా బరిలోకి దిగనుంది.

Tag: Historic T20I Series Win

Most Read

పుణెలో రాహుల్ గాంధీకి ఊహించని అనుభవం.. వేదికపైనే యువతి ముద్దు, వీడియో వైరల్‌

అమెరికాలో విషాదం.. హైదరాబాద్ యువకుడి ఆత్మహత్య

తెలంగాణలో ఆటో, క్యాబ్, స్కూల్ వ్యాన్ డ్రైవర్ల సమ్మె విరమణ.. ప్రయాణికులకు భారీ ఊరట!

ఎనిమిదేళ్లుగా దాచిన రూ.12 లక్షలు.. ఎలుకలు కొరికేశాయి! బంగారం కొనాలనుకున్న మహిళకు ఊహించని షాక్

EDITOR PICKS

Historic Defeat: సాల్ట్-బ్రూక్ దెబ్బకు టీమిండియా చిత్తు.. భారత్‌పై తొలి టీ20 సిరీస్ దక్కించుకున్నఇంగ్లండ్!

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags