France Award - Crime Mirror

భారతదేశానికి చెందిన ప్రముఖ హృద్రోగ నిపుణుడు, నారాయణ హెల్త్ వ్యవస్థాపకుడు డాక్టర్ దేవీ ప్రసాద్ శెట్టికి అంతర్జాతీయ స్థాయిలో అరుదైన గుర్తింపు లభించింది. కొవిడ్ మహమ్మారి సమయంలో ఆయన అందించిన సేవలను గుర్తించిన ఫ్రాన్స్ ప్రభుత్వం ప్రతిష్ఠాత్మక జాతీయ పురస్కారంతో సత్కరించింది. ఫ్రాన్స్ రెండో అత్యున్నత జాతీయ పురస్కారంగా పేరొందిన 'నైట్ ఆఫ్ ది నేషనల్ ఆర్డర్ ఆఫ్ మెరిట్' (షెవలియర్ డి లార్డర్ నేషనల్ డూ మెరిట్)ను ఆయనకు అందజేసింది. నవంబర్ 5న బెంగళూరులోని నారాయణ హెల్త్ సిటీలో ప్రత్యేకంగా నిర్వహించిన కార్యక్రమంలో ఫ్రాన్స్ కాన్సుల్ జనరల్ మార్క్ లామీ ఈ పురస్కారాన్ని డాక్టర్ దేవీ శెట్టికి ప్రదానం చేశారు. ఫ్రాన్స్ అత్యున్నత పురస్కారమైన 'లీజియన్ ఆఫ్ ఆనర్' తర్వాత ఈ అవార్డుకు ప్రత్యేక స్థానం ఉంది. 1963లో అప్పటి ఫ్రాన్స్ అధ్యక్షుడు చార్లెస్ డి గాల్ ఈ జాతీయ పురస్కారాన్ని ప్రారంభించారు. కొవిడ్ సమయంలో అందించిన సేవలకు గుర్తింపు కరోనా మహమ్మారి విజృంభించిన సమయంలో ప్రపంచవ్యాప్తంగా వైద్య రంగం అనేక సవాళ్లను ఎదుర్కొంది. ఆసుపత్రులపై ఒత్తిడి పెరిగి, వైద్య సేవలు అందించడం కష్టంగా మారిన పరిస్థితుల్లో డాక్టర్ దేవీ శెట్టి తన బృందంతో కలిసి కీలక సహకారం అందించారు. బెంగళూరులోని ఫ్రాన్స్ కాన్సులేట్తో పాటు అక్కడ నివసిస్తున్న ఫ్రెంచ్ పౌరులకు వ్యాక్సినేషన్, అవసరమైన ఇతర లాజిస్టికల్ సహాయాన్ని అందించడంలో నారాయణ హెల్త్ కీలక పాత్ర పోషించింది. ఆ క్లిష్ట సమయంలో చూపిన మానవతా దృక్పథం, సేవాభావం, నిబద్ధతకు గుర్తింపుగానే ఫ్రాన్స్ ప్రభుత్వం ఈ గౌరవాన్ని ప్రకటించింది. డాక్టర్ దేవీ శెట్టి సేవలు రెండు దేశాల మధ్య స్నేహ సంబంధాలను మరింత బలోపేతం చేశాయని నారాయణ హెల్త్ పేర్కొంది. బృందానికే ఈ గౌరవం: దేవీ శెట్టి పురస్కార ప్రదానోత్సవంలో ఫ్రాన్స్ కాన్సుల్ జనరల్ మార్క్ లామీ మాట్లాడుతూ.. డాక్టర్ దేవీ శెట్టి చేసిన సహాయం భారత్, ఫ్రాన్స్ దేశాల మధ్య ఉన్న స్నేహానికి, పరస్పర సహకారానికి నిదర్శనమని ప్రశంసించారు. ఈ గౌరవాన్ని స్వీకరించిన దేవీ శెట్టి ఫ్రాన్స్ ప్రభుత్వానికి ధన్యవాదాలు తెలిపారు. కరోనా వంటి క్లిష్ట పరిస్థితుల్లో ఒకరికొకరు అండగా నిలవడం ఎంతో ముఖ్యమని పేర్కొన్నారు. తనకు లభించిన ఈ పురస్కారం వ్యక్తిగతంగా కాకుండా, తనతో కలిసి పనిచేసిన నారాయణ హెల్త్ బృందం మొత్తానికి దక్కిన గౌరవమని వినమ్రంగా చెప్పారు. గతంలో పద్మశ్రీ, పద్మభూషణ్ పురస్కారాలు కర్ణాటకకు చెందిన డాక్టర్ దేవీ ప్రసాద్ శెట్టి వైద్య రంగంలో విశేష సేవలు అందిస్తూ దేశవ్యాప్తంగా గుర్తింపు పొందారు. సామాన్యులకు సైతం తక్కువ ఖర్చుతో నాణ్యమైన ప్రత్యేక వైద్య సేవలు అందించాలనే లక్ష్యంతో నారాయణ హెల్త్ వైద్య విధానాన్ని అభివృద్ధి చేశారు. ఆయన సేవలను గుర్తించిన భారత ప్రభుత్వం 2004లో పద్మశ్రీ, 2012లో పద్మభూషణ్ పురస్కారాలతో సత్కరించింది. తాజాగా ఫ్రాన్స్ నుంచి లభించిన ఈ గౌరవం ఆయన అంతర్జాతీయ వైద్య సేవలకు మరో గుర్తింపుగా నిలిచింది. also read: KPHB ఫ్లాట్ల కొనుగోలుదారులకు సుప్రీంకోర్టు గుడ్న్యూస్.. 17 ఏళ్ల నిరీక్షణకు తెర!

Tag: France Award

Most Read

దారుణం…కూతురితో క‌లిసి ఉన్న ఉద్యోగి…య‌జ‌మాని చివ‌రికి ఏం చేశాడంటే….

స్నేహం ముసుగులో భారీ చోరీ.. విద్యార్థినిని నమ్మించి 556 గ్రాముల బంగారం అపహరణ!

డాక్టర్ దేవీ శెట్టి సేవలకు ఫ్రాన్స్ అరుదైన గౌరవం.. రెండో అత్యున్నత పురస్కారం ప్రదానం!

KPHB ఫ్లాట్ల కొనుగోలుదారులకు సుప్రీంకోర్టు గుడ్‌న్యూస్.. 17 ఏళ్ల నిరీక్షణకు తెర!

EDITOR PICKS

డాక్టర్ దేవీ శెట్టి సేవలకు ఫ్రాన్స్ అరుదైన గౌరవం.. రెండో అత్యున్నత పురస్కారం ప్రదానం!

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags