food security - Crime Mirror

రేషన్ కార్డుల వ్యవస్థలో పారదర్శకతను పెంచేందుకు కేంద్ర ప్రభుత్వం కీలక చర్యలను వేగవంతం చేసింది. అర్హత లేకపోయినా అక్రమ మార్గాల్లో రేషన్ కార్డులు పొందుతున్న వారిని గుర్తించి తొలగించే ప్రక్రియను దేశవ్యాప్తంగా అమలు చేస్తోంది. ఈ నేపథ్యంలో రేషన్ కార్డుల పునఃపరిశీలన చేపట్టి అనర్హులను తొలగించడం జరుగుతోంది. ఇప్పటికే తెలంగాణలో 1.40 లక్షల రేషన్ కార్డులను రద్దు చేసినట్లు అధికారిక సమాచారం వెల్లడించింది. అనర్హులను గుర్తించి ఈ నిర్ణయం తీసుకున్నట్లు కేంద్రం స్పష్టం చేసింది. అదే సమయంలో ఆంధ్రప్రదేశ్లో కూడా 102 రేషన్ కార్డులను రద్దు చేశారు. పార్లమెంట్లో ఈ అంశంపై కేంద్ర ఆహార, ప్రజా పంపిణీ సహాయమంత్రి నిముబెన్ జయంతిభాయ్ బాంభానియా కీలక ప్రకటన చేశారు. దేశవ్యాప్తంగా ఇప్పటివరకు 41 లక్షలకుపైగా అక్రమ రేషన్ కార్డులను తొలగించినట్లు ఆమె వెల్లడించారు. ఈ చర్యలతో ప్రజా పంపిణీ వ్యవస్థ మరింత పారదర్శకంగా మారిందని తెలిపారు. దేశంలో 5.51 లక్షల రేషన్ దుకాణాల్లో ఆధార్ ఆధారిత బయోమెట్రిక్ విధానం అమలు చేయడంతో సరుకుల పంపిణీలో అవినీతికి అడ్డుకట్ట పడిందని పేర్కొన్నారు. వివిధ శాఖల సమాచారాన్ని సమన్వయం చేస్తూ ఈ చర్యలు చేపట్టినట్లు వివరించారు. జీఎస్టీ, కార్పొరేట్ వ్యవహారాలు, జాతీయ రహదారులు, ఆదాయ పన్ను శాఖల నుంచి అందిన డేటా ఆధారంగా అనర్హులను గుర్తించి రేషన్ కార్డులను రద్దు చేస్తున్నట్లు మంత్రి తెలిపారు. రాష్ట్రాల వారీగా చూస్తే రాజస్థాన్లో అత్యధికంగా 6 లక్షలకుపైగా కార్డులను తొలగించినట్లు వెల్లడించారు. అయితే ప్రజా పంపిణీ డేటాను ఇతర సంక్షేమ పథకాలతో అనుసంధానం చేసే ప్రతిపాదన ప్రస్తుతం లేదని స్పష్టం చేశారు. ఇదిలా ఉంటే తెలంగాణలో కొత్త రేషన్ కార్డుల సంఖ్య కూడా గణనీయంగా పెరిగినట్లు కేంద్రం పేర్కొంది. రేవంత్ రెడ్డి ప్రభుత్వం బాధ్యతలు చేపట్టిన తర్వాత 15 లక్షలకుపైగా కొత్త కార్డులు జారీ చేసినట్లు వెల్లడించారు. ప్రస్తుతం రాష్ట్రంలో 17,348 రేషన్ దుకాణాల ద్వారా సుమారు 1.05 కోట్ల మందికి సరుకుల పంపిణీ జరుగుతోంది. రాష్ట్రంలో మొత్తం 99,36,073 ఫుడ్ సెక్యూరిటీ కార్డులు ఉండగా, 5,66,660 అంత్యోదయ అన్న యోజన కార్డులు, 5146 అన్నపూర్ణ కార్డులు ఉన్నట్లు కేంద్రం తెలిపింది. జిల్లాల వారీగా చూస్తే హైదరాబాద్ పరిసర ప్రాంతాల్లో రేషన్ కార్డుల సంఖ్య అధికంగా ఉంది. హైదరాబాద్ నగరంలో 8.39 లక్షల కార్డులు ఉండగా, రంగారెడ్డి జిల్లాలో 6.53 లక్షలు, మేడ్చల్ మల్కాజ్ గిరి జిల్లాలో 6.41 లక్షలు ఉన్నాయి. మరోవైపు ములుగు జిల్లాలో అత్యల్పంగా 1.02 లక్షల కార్డులు మాత్రమే ఉన్నట్లు గణాంకాలు చెబుతున్నాయి. ఇక దేశవ్యాప్తంగా రేషన్ సరఫరాలో మరో కీలక నిర్ణయం తీసుకుంది కేంద్ర ప్రభుత్వం. ఏప్రిల్ నెలలోనే మూడు నెలల కోటాను ఒకేసారి అందించేందుకు నిర్ణయించింది. అంటే ఏప్రిల్, మే, జూన్ నెలలకు సంబంధించిన రేషన్ సరుకులను ఒకేసారి పంపిణీ చేయనుంది. ఎండల తీవ్రతను దృష్టిలో ఉంచుకుని లబ్ధిదారులకు ఇబ్బందులు తలెత్తకుండా ఈ నిర్ణయం తీసుకున్నట్లు కేంద్రం తెలిపింది. ఈ చర్యలతో నిజమైన అర్హులకు సరైన సమయంలో, సరైన లబ్ధి చేరేలా ప్రభుత్వం చర్యలు తీసుకుంటోందని అధికారులు పేర్కొంటున్నారు. ALSO READ: ఇండస్ట్రీలో తోపు హీరోయిన్.. స్టార్ హీరోలు మనసుపడ్డ ఈ ముద్దుగుమ్మ ఎవరో తెలుసా?

Tag: food security

Most Read

కదిరిలో హైడ్రామా.. పోలీసుల అరెస్ట్‌కు ముందే కుటుంబం ఆత్మహత్యాయత్నం

తాండూరులో రైలులో గంజాయి అక్రమ రవాణా.. ముగ్గురు అరెస్ట్, 52.88 కిలోలు స్వాధీనం

టాటా సన్స్ చైర్మన్ పదవికి చంద్రశేఖరన్ రాజీనామా.. తదుపరి అధిపతి ఎవరనే ఉత్కంఠ

దాదర్ స్టార్ మాల్‌లో స్పా ముసుగులో వ్యభిచార దందా.. ఆరుగురు యువతులు అదుపులోకి

EDITOR PICKS

1.40 లక్షల మందికి రేషన్ కార్డులు కట్!

రైతులకు తెలంగాణ ప్రభుత్వం అదిరిపోయే శుభవార్త

రేషన్ లబ్దిదారులకు అలర్ట్.. వేసవి దృష్ట్యా 3 నెలల బియ్యం ఒకేసారి పంపిణీ

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags