FishMarket - Crime Mirror

యానాం పరిసర ప్రాంతాల్లో ఓ మత్స్యకార కుటుంబానికి అరుదైన అదృష్టం కలిసివచ్చింది. వేట నిషేధం అమల్లో ఉన్న ఈ సమయంలో సాధారణంగా చిన్నపాటి వేటలతోనే సరిపెట్టుకుంటున్న మత్స్యకారులు, ఈసారి మాత్రం భారీగా చేపలు దక్కించుకుని ఆశ్చర్యపోయారు. యానాం గోదావరి పరివాహక ప్రాంతంలో ఉన్న కాలువలు, ప్రవాహంలో గవనాల వలలు వేసి వేట కొనసాగిస్తుండగా, ఒక్కసారిగా పెద్ద సంఖ్యలో కనగంతల చేపలు వలలో చిక్కాయి. సుమారు 400 బార్ల పొడవు ఉన్న వలలో గణుంలుగా కదిలే చేపల సమూహం చిక్కడంతో, మొత్తం సుమారు 4 టన్నులు (అంటే 4000 కిలోలు) చేపలు లభించాయి. ఈ భారీ వేట యానాం మున్సిపాలిటీ పరిధిలోని కొత్తపేటకు చెందిన మత్స్యకారుడు మల్లాడి పోసయ్య కుటుంబానికి చెందిన మూడు నావల్లో దక్కింది. ఒక్కో నావ నిండా చేపలతో నిండిపోవడంతో స్థానికంగా ఇది చర్చనీయాంశమైంది. ప్రస్తుతం మార్కెట్లో కనగంతల చేపలకు మంచి డిమాండ్ ఉండడంతో కిలో ధర సుమారు రూ. 72 వరకు పలుకుతోంది. ఈ లెక్కన చూస్తే మొత్తం చేపల విలువ దాదాపు రూ. 2,88,000 (సుమారు 2.8 లక్షలు) వరకు ఉండొచ్చని అంచనా వేస్తున్నారు. అయితే మార్కెట్ డిమాండ్, తాజాదనం ఆధారంగా ఈ ధర ఇంకాస్త పెరిగే అవకాశమూ ఉందని వ్యాపారులు చెబుతున్నారు. ఇటీవలి రోజుల్లో వాతావరణంలో చోటుచేసుకున్న మార్పులు, గాలుల తీవ్రత పెరగడం వల్ల చేపలు గణుంల రూపంలో ఒకేచోట చేరినట్లు భావిస్తున్నారు. ఈ కారణంగానే ఒక్కసారిగా ఇంత భారీగా వలలో చిక్కాయని స్థానికులు చెబుతున్నారు. వేట నిషేధం సమయంలో కూడా ఇలాంటి భారీ చేపల వేట దక్కడం మత్స్యకారులకు కొంత ఊరటనిచ్చింది. సాధారణంగా రోజువారీ ఆదాయం తగ్గిపోతున్న పరిస్థితుల్లో, ఈ వేట వారి కుటుంబాలకు ఆర్థికంగా మంచి ఊతం ఇచ్చినట్టైంది. also read: టిపిసిసి చీఫ్ ఔట్!

Tag: FishMarket

Most Read

ఫిఫా వరల్డ్ కప్ ప్రైజ్ మనీ ఎంతో తెలుసా…?

వ్యర్థమా? కాదు! కోట్ల విలువ చేసే మలం – మీరు నమ్మలేని నిజాలు

రక్తదానంపై అపోహలు వద్దు.. నేడు ప్రపంచ రక్త దాతల దినోత్సవం

యానాం మత్స్యకారుడికి పట్టిన అదృష్టం– నాలుగు టన్నుల కనగంతలు, లక్షల్లో ఆదాయం!

EDITOR PICKS

యానాం మత్స్యకారుడికి పట్టిన అదృష్టం– నాలుగు టన్నుల కనగంతలు, లక్షల్లో ఆదాయం!

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags

WhatsApp Channel