Tag: Fight between Tarun and Aarti Agarwal

హైదరాబాద్, క్రైమ్ మిర్రర్ :టాలీవుడ్లో ఒకప్పుడు యూత్కు బాగా దగ్గరైన సినిమా నువ్వు లేక నేను లేను. ఇందులో తరుణ్.. ఆర్తి అగర్వాల్ జంటగా నటించి మంచి గుర్తింపు పొందారు. ఈ చిత్రాన్ని వైకాశీ విశ్వనాథ్ తెరకెక్కించారు. అప్పట్లో ఈ సినిమా కథ, పాటలు, భావోద్వేగాలు ప్రేక్షకులను బాగా ఆకట్టుకున్నాయి. ఈ సినిమాలోని నిండు గోదారి కదా పాట చాలా పెద్ద హిట్ అయింది. ఈ పాటలో హీరో, హీరోయిన్ మధ్య కనిపించిన అనుభూతులు చాలా సహజంగా అనిపించాయి. అయితే ఆ పాట షూటింగ్ సమయంలో జరిగిన ఒక ఆసక్తికర విషయం ఈమధ్య బయటకు వచ్చింది. ఒక ఇంటర్వ్యూలో ఈ సినిమా దర్శకుడు కాశీ విశ్వనాధ్ మాట్లాడుతూ..ఈ పాట చిత్రీకరణ సమయంలో తరుణ్, ఆర్తి అగర్వాల్ మధ్య చిన్న గొడవ జరిగిందని చెప్పారు. ఆ గొడవ కారణంగా ఇద్దరూ కొంతసేపు మాట్లాడుకోకుండా ఉన్నారట. ఈ పరిస్థితి యూనిట్కు కొంచెం టెన్షన్ కలిగించిందని తెలిపారు. “ఎందుకంటే ఆ పాటలో ప్రేమ భావాలు బాగా రావాలంటే ఇద్దరూ సౌకర్యంగా ఉండాలి. కానీ వీళ్ళిద్దరూ గొడవ పడడంతో మాకు భయం వేసింది.” అంటూ చెప్పకొచ్చారు అప్పుడు దర్శకుడు ఒక ప్లాన్ చేశారని చెప్పారు. షూటింగ్ కోసం ట్రైన్లో ప్రయాణం ఉండటంతో, ఆ సమయంలో ఇద్దరూ దగ్గరయ్యేలా చూసారట. ఆ ప్రయాణంలో ఇద్దరూ మళ్లీ మాట్లాడుకోవడం ప్రారంభించి, వారి మధ్య ఉన్న అపార్థాలు తగ్గించుకున్నారని తెలిపారు. దాంతో పాట షూటింగ్ చాలా సహజంగా పూర్తి అయ్యింది. సినిమా విడుదలైన తర్వాత ఈ పాటకు ప్రేక్షకుల నుండి మంచి స్పందన వచ్చింది. ఇప్పటికీ ఈ పాట చాలామందికి ఇష్టమైన పాటగా నిలిచింది. అదే సమయంలో తరుణ్, ఆర్తి మధ్య ప్రేమ ఉందనే వార్తలు కూడా అప్పట్లో వినిపించాయి. అవి నిజమా కాదా అన్నది స్పష్టంగా తెలియకపోయినా, దర్శకుడు చెప్పిన ఈ సంఘటన ఇప్పుడు మళ్లీ చర్చకు వచ్చింది. ప్రస్తుతం ఈ విషయం సోషల్ మీడియాలో వైరల్ అవుతోంది.

Tag: Fight between Tarun and Aarti Agarwal

Most Read

ఏపీ మున్సిపల్ ఎన్నికల్లో కొత్త రూల్స్: లెక్కలు చూపకపోతే మూడేళ్ల జైలు, పదవి రద్దు!

సెన్సార్ బోర్డుపై ఆర్. నారాయణమూర్తి తీవ్ర ఆగ్రహం.. మంచి సినిమాలను ఇబ్బంది పెట్టొద్దని విజ్ఞప్తి!

ఏపీ కాంగ్రెస్‌కు కొత్త ఇన్‌ఛార్జ్.. పలు రాష్ట్రాలకు ఏఐసీసీ నూతన బాధ్యులు!

CSK కెప్టెన్‌గా సంజూ శాంసన్?.. రుతురాజ్‌పై వేటుకు చెన్నై సిద్ధం!

EDITOR PICKS

తరుణ్, ఆర్తి అగర్వాల్ మధ్య గొడవ…సర్దిచెప్పిన దర్శకుడు…!

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags