Crime investigation India

నల్గొండ జిల్లా మాడ్గులపల్లి మండలం సీత్యాతండాలో చోటుచేసుకున్న హత్య ఘటన స్థానికంగా తీవ్ర కలకలం రేపింది. కుటుంబ కలహాలు చివరకు ఒక వ్యక్తి ప్రాణాలను తీసిన దారుణ ఘటనగా ఇది మారింది. పోలీసులు తెలిపిన వివరాల ప్రకారం.. గ్రామానికి చెందిన రమావత్ రవి (34) వేములపల్లి మండలంలోని సల్కునూరు పీఎస్ఏస్లో అటెండర్గా పనిచేస్తూ కుటుంబాన్ని పోషించుకుంటున్నాడు. రమావత్ రవి సుమారు 15 సంవత్సరాల క్రితం మిర్యాలగూడ మండలం ఏడు కోట్లతండాకు చెందిన లక్ష్మితో వివాహం చేసుకున్నాడు. దంపతులకు ఇద్దరు పిల్లలు ఉండగా, మొదట్లో వారి కుటుంబ జీవితం సజావుగానే కొనసాగింది. అయితే కొంతకాలంగా రవి కుటుంబంలో విభేదాలు మొదలయ్యాయని గ్రామస్తులు చెబుతున్నారు. రవి భార్య లక్ష్మి మరియు అతడి అక్క కుమారుడు గణేష్ మధ్య వివాహేతర సంబంధం కొనసాగుతోందన్న విషయం గ్రామంలో అప్పుడే చర్చనీయాంశంగా మారింది. ఈ విషయం తెలుసుకున్న రవి, అతడి కుటుంబ సభ్యులు పలుమార్లు వారిద్దరికీ సూచనలు చేసి హెచ్చరించారు. అయినప్పటికీ వారి ప్రవర్తనలో ఎలాంటి మార్పు రాకపోవడంతో కుటుంబంలో ఉద్రిక్తతలు మరింత పెరిగినట్లు సమాచారం. ఈ నెల 26న మరోసారి రవి, లక్ష్మి మధ్య తీవ్ర వాగ్వాదం జరిగింది. ఆ తర్వాత రవి విధులకు వెళ్లగా, లక్ష్మి పెద్ద కుమారుడిని ఇంట్లో వదిలేసి తల్లి ఇంటికి వెళ్లిపోయింది. ఈ సంఘటనతో కుటుంబంలో పరిస్థితులు మరింత ఉద్రిక్తంగా మారినట్లు తెలుస్తోంది. మరుసటి రోజు రాత్రి లక్ష్మి తిరిగి ఇంటికి వచ్చి రవితో మరోసారి ఘర్షణకు దిగింది. ఆ సమయంలో రవి తండ్రి లక్ష్మానాయక్ ఇంట్లోని మరో గదిలో నిద్రపోతున్నాడు. అర్థరాత్రి వేళ ఏం జరిగిందో ఎవరికీ తెలియకపోయినా.. ఉదయం లేచి చూసేసరికి రవి తీవ్ర గాయాలతో మృతి చెందినట్లు కుటుంబ సభ్యులు గుర్తించారు. ఈ విషయాన్ని గమనించిన స్థానికులు వెంటనే పోలీసులకు సమాచారం అందించారు. పోలీసులు సంఘటనా స్థలానికి చేరుకుని ఆధారాలు సేకరించారు. ఈ ఘటనపై విచారణ ప్రారంభించిన పోలీసులు, లక్ష్మి మిర్యాలగూడ పోలీస్ స్టేషన్లో లొంగిపోయినట్లు గుర్తించారు. మృతుడి తండ్రి లక్ష్మానాయక్ ఇచ్చిన ఫిర్యాదు ఆధారంగా పోలీసులు కేసు నమోదు చేశారు. రవి భార్య లక్ష్మి మరియు మేనల్లుడు గణేష్ కలిసి హత్యకు పాల్పడ్డారన్న అనుమానంతో ఇద్దరిపై కేసు నమోదు చేసి దర్యాప్తు చేపట్టారు. వివాహేతర సంబంధం నేపథ్యంగా ఈ హత్య జరిగి ఉండొచ్చని పోలీసులు ప్రాథమికంగా భావిస్తున్నారు. పోలీసులు అన్ని కోణాల్లో దర్యాప్తు కొనసాగిస్తున్నట్లు తెలిపారు. ALSO READ: పెరుగుతున్న పక్షుల తాకిడి.. ఇండిగో విమానాన్ని ఢీ

Tag: Crime investigation India

Most Read

నీట్ పేపర్ లీక్ కేసులో కీలక పరిణామం.. సీబీఐ దర్యాప్తుకు కోర్టు అనుమతి

జంట హత్యల వెనుక పోలీస్ కానిస్టేబుల్.. రూ.3 లక్షల అప్పు వివాదమే కారణం

ఏపీ-ఒడిశా సరిహద్దులో దారుణం.. అదృశ్యమైన యువతి మృతదేహం వెలికితీత

వర్క్ ఫ్రమ్ హోమ్ పేరుతో సైబర్ మోసం.. చైనా ఆధారిత ముఠా గుట్టురట్టు

EDITOR PICKS

వివాహేతర సంబంధం.. అత్తతో కలిసి మేనమామను చంపాడు!

Shocking Murder: భార్యను కొట్టి చంపి.. స్టేటస్‌గా పెట్టుకున్న భర్త

6 ఏళ్ల బాలికపై టెర్రస్‌పై గ్యాంగ్‌రేప్.. ఆపై మరో ఘోరం

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags