court counseling - Crime Mirror

కష్టార్జితంతో భార్యను చదివించి ఉన్నత స్థాయికి చేర్చిన భర్తకు ఆమె ఇచ్చిన షాక్ ఇప్పుడు దేశవ్యాప్తంగా చర్చనీయాంశంగా మారింది. సంప్రదాయ వృత్తి అయిన పురోహిత్యంతో కుటుంబాన్ని పోషిస్తూ, భార్య చదువుకు అండగా నిలిచిన ఓ భర్త జీవితమే ఒక్కసారిగా తలకిందులైంది. చివరకు ఆమె సబ్ ఇన్స్పెక్టర్ ఉద్యోగం సాధించిన తర్వాత భర్తనే కాదనుకుని విడాకులు కోరడం సంచలనం సృష్టిస్తోంది. ఈ షాకింగ్ ఘటన మధ్యప్రదేశ్ రాజధాని భోపాల్లో చోటుచేసుకుంది. వివరాల్లోకి వెళితే.. వృత్తిరీత్యా పౌరోహిత్యం చేసే భర్త తన భార్యను చదివించాలనే లక్ష్యంతో ఎన్నో త్యాగాలు చేశాడు. సంపాదన తక్కువైనా, ఆర్థిక ఇబ్బందులను ఎదుర్కొంటూ ఆమె చదువును కొనసాగించాడు. పోలీస్ శాఖలో సబ్ ఇన్స్పెక్టర్ ఉద్యోగం సాధించాలనే ఆమె కలను నిజం చేయడంలో కీలక పాత్ర పోషించాడు. శిక్షణ సమయంలో, పరీక్షల సమయంలో ఆమెకు మానసికంగా, ఆర్థికంగా అండగా నిలిచాడు. అయితే, ఎస్ఐగా ఉద్యోగం వచ్చిన తర్వాత ఆమె ప్రవర్తన పూర్తిగా మారిపోయిందని భర్త వాపోతున్నాడు. తన సంప్రదాయ దుస్తులు అయిన దోతీ, కుర్తా, తలకు ఉండే పిలక తనకు నచ్చడం లేదని భార్య అభ్యంతరం తెలిపినట్లు పేర్కొన్నాడు. ఇవి తన పోలీస్ అధికార హోదాకు అవమానకరంగా ఉన్నాయని, భర్తతో కలిసి బయట తిరగాలంటే ఇబ్బందిగా ఉందని ఆమె వాదిస్తోంది. ఈ కారణాలతోనే ఆమె ఫ్యామిలీ కోర్టును ఆశ్రయించి భర్త నుంచి విడాకులు కోరింది. భర్త సంప్రదాయబద్ధమైన జీవనశైలే తమ మధ్య విభేదాలకు కారణమని ఆమె కోర్టులో పేర్కొంది. ఒకవైపు భార్యను చదివించి ఉన్నత స్థాయికి చేర్చిన భర్త, మరోవైపు అదే కారణంగా తనను విడిచిపెట్టాలని కోరుతున్న భార్య తీరు అందరినీ ఆశ్చర్యానికి గురి చేస్తోంది. కేసు విచారణలో భాగంగా న్యాయమూర్తులు, కౌన్సిలర్లు ఇద్దరికీ కౌన్సిలింగ్ నిర్వహించారు. ఇరువురి మధ్య రాజీ కుదిరేలా ప్రయత్నాలు చేసినప్పటికీ ఫలితం లేకుండా పోయింది. భర్త ఎన్నో విధాలుగా సర్దుకుపోవడానికి సిద్ధంగా ఉన్నప్పటికీ, భార్య మాత్రం తన నిర్ణయానికే కట్టుబడి ఉన్నట్లు తెలుస్తోంది. దీంతో కోర్టు అధికారులు సైతం ఈ వ్యవహారంపై ఆశ్చర్యం వ్యక్తం చేస్తున్నారు. ఈ ఘటన సోషల్ మీడియాలో వైరల్ కావడంతో తీవ్ర చర్చకు దారితీసింది. నెటిజన్లు సదరు మహిళపై తీవ్ర స్థాయిలో విమర్శలు చేస్తున్నారు. భర్త చేసిన త్యాగాలను విస్మరించి, ఉద్యోగం వచ్చిన తర్వాత అతడిని తక్కువగా చూడడం సరికాదని చాలా మంది అభిప్రాయపడుతున్నారు. సంప్రదాయం, వృత్తి, ఆత్మగౌరవం మధ్య ఈ వివాదం సమాజంలో విలువలపై కొత్త చర్చకు తెరతీసిందని విశ్లేషకులు అంటున్నారు. ALSO READ: పెళ్లి చేసుకుంటే రూ.2 లక్షలు.. సీఎం రేవంత్ రెడ్డి కీలక ప్రకటన

Tag: court counseling

Most Read

తుంగపాడు: అంబేద్కర్ విగ్రహం కోసం స్థలం కేటాయించాలి

మునుగోడు ఆశ..రాజన్న శ్వాస..

పెళ్లి పేరుతో భారీ మోసం…గ్రేడ్-3 ఆఫీస‌ర్‌నంటూ నిశ్చితార్థం…! ఫ్రీ వెడ్డింగ్ షూట్ పేరుతో గ‌దిలో…

మర్రిగూడలో ఘనంగా డాక్టర్ బిఆర్ అంబేద్కర్ జయంతి వేడుకలు.

EDITOR PICKS

భార్యను చదివించి ఎస్సైని చేసిన భర్త, తర్వాత ఊహించని షాక్

POPULAR POSTS

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

2029లో టీడీపీ అధికారంలో ఉండటం కష్టమేనా – చరిత్ర ఏం చెప్తోంది..?

POPULAR CATEGORY

ABOUT US

Trending