#Corrider dpr - Crime Mirror

క్రైమ్ మిర్రర్, ఆన్ లైన్ డెస్క్ : దేశంలో బుల్లెట్ రైళ్లను వీలైనంత త్వరగా ప్రారంభించేందుకు కేంద్ర ప్రభుత్వం శరవేగంగా పనులు చేపడుతోంది. ఇప్పటికే ఏడు కారిడార్లను ప్రకటించగా.. వీటి పనులను త్వరలో ప్రారంభించేందుకు సిద్దమవుతోంది. ఈ క్రమంలో హైదరాబాద్-ముంబై బుల్లెట్ రైలు కారిడార్పై కీలక అప్డేట్ వచ్చింది. దీనికి సంబంధించిన డీపీఆర్ రిపోర్ట్ పూర్తయింది. దీంతో త్వరలోనే ప్రాజెక్టును పట్టాలెక్కించేందుకు ప్రభుత్వం సిద్దమవుతోంది. ప్రస్తుతం ముంబై-హైదరాబాద్ మధ్య రైలు ప్రయాణానికి 15 గంటల సమయం పడుతుంది. అదే బుల్లెట్ రైలు కారిడార్ పూర్తయితే మూడు గంటల్లోనే చేరుకోవచ్చని రైల్వే వర్గాలు చెబుతున్నాయి. దాదాపు ఈ కారిడార్లో గంటకు 300 కిలోమీటర్ల వేగంతో హైస్పీడ్ బుల్లెట్ రైళ్లు నడుస్తాయి. 2 గంటల 55 నిమిషాల్లోనే ముంబై-హైదరాబాద్ మధ్య ప్రయాణం చేయవచ్చు. అలాగే 3 గంటల 13 నిమిషాల సమయం పటటే మల్టీ స్టాప్ ఆప్షన్ కూడా ఏర్పాటు చేయనున్నారు. ఈ కారిడార్కు సంబంధించి స్టేషన్లు, గరిష్ట వేగం, మార్గం వివరాల విషయానికొస్తే.. మూడు రాష్ట్రాల గుండా ఈ కారిడార్ వెళుతుంది. మహారాష్ట్రలో 457 కిలోమీటర్లు, కర్ణాటకలో 121 కిలోమీటర్లు, తెలంగాణలో 93 కిలోమీటర్ల మేర కారిడార్ విస్తరించి ఉంటుంది. మొత్తం 14 స్టేషన్లను నిర్మించనున్నారు. విక్రోలి, థానే, నవీ ముంబై, లోనావాలా, పింప్రి-చించ్వాడ్, బారామతి, పంధర్ పూర్, షోలాపూర్, కలబురగి, కోకాపేట, శంషాబాద్ స్టేషన్లు ఉంటాయి. మహారాష్ట్రలో అత్యధిక స్టేషన్లు ఉండనున్నాయి. ఇక శంషాబాద్ ఎయిర్పోర్ట్ సమీపంలో ఈ కారిడార్ నిర్వహణ కోసం పెద్ద డిపో నెలకొల్పనున్నారు.దేశంలోనే మొట్టమొదటి హైస్పీడ్ బుల్లెట్ రైలు కారిడార్ ప్రాజెక్ట్ అయితే ముంబై-అహ్మదాబాద్ పనుల్లో పురోగతి లభించింది. మహారాష్ట్రలో మూడో పర్వత సొరంగం తవ్వకం ఇటీవల పూర్తఅయింది. పాల్ఘర్ జిల్లాలోని దహను తాలూకాలోని అంబేసరి గ్రామంలో భారీ సొరంగం తవ్వకం పనులు పూర్తయ్యాయి. ఈ విషయాన్ని మంగళవారం నేషనల్ హైస్పీడ్ రైల్ కార్పొరేషన్ లిమిటెడ్ ప్రకటించింది. ఈ సొరంగం 417 మీటర్ల పొడవు, 14.4 మీటర్ల వెడల్పుతో ఉంటుంది. ఇక ఈ ప్రాజెక్టులో భాగంగా గుజరాత్లో 130 మీటర్ల ఉక్కు వంతెన నిర్మాణం కూడా పూర్తయింది. ఈ కారిడార్ 508 కిలోమీటర్ల మేర ఉంటుంది. 12 స్టేషన్లు ఏర్పాటు చేయనున్నారు. మహారాష్ట్ర, గుజరాత్ మీదుగా ముంబై-అహ్మదాబాద్ను కలుపుతుంది. వచ్చే ఏడాదిలో ఈ కారిడార్లో బుల్లెట్ రైలును ప్రారంభించాలని కేంద్రం సన్నాహాలు చేస్తోంది. వచ్చే ఏడాది ఆగస్ట్ 15న తొలి రైలును పట్టాలెక్కించాలని చూస్తోంది. దీంతో ఈ ప్రాజెక్ట్ పనులు శరవేగంగా చేపడుతున్నారు. సొరంగం పనులన్నీ పూర్తవ్వడంతో ఈ కారిడార్ పనులు మరింత పుంజుకోనున్నాయి.

Tag: #Corrider dpr

Most Read

రాజకీయ కక్షతోనే మీనాక్షి నటరాజన్‌ నామినేషన్ తిరస్కరణ.. మహేశ్ కుమార్ గౌడ్

నల్గొండ రౌండ్ టేబుల్ సమావేశంలో కల్వకుంట్ల కవిత…!

మెగా మేనియా మామూలుగా లేదు.. 300 కోట్ల క్లబ్‌లో ముగ్గురు మెగా హీరోలు!

ప్రభాస్‌పై ధురంధర్ డైరెక్టర్ ఫోకస్…!

EDITOR PICKS

డీపీఆర్ రిపోర్ట్ పూర్తి.. త్వరలోనే పట్టాలెక్కనున్న హైదరాబాద్-ముంబై బుల్లెట్ రైలు కారిడార్‌ పనులు

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags

WhatsApp Channel