Chennai Airport - Crime Mirror

తమిళనాడు అసెంబ్లీలో ముఖ్యమంత్రి జోసెఫ్ విజయ్ సోమవారం పలు కీలక సంక్షేమ కార్యక్రమాలను ప్రకటించారు. సామాన్య కుటుంబాలపై పెరుగుతున్న ఖర్చుల భారాన్ని తగ్గించేలా ఏడాదికి మూడు ఉచిత ఎల్పీజీ సిలిండర్లు అందించే పథకాన్ని ప్రకటించడంతో పాటు.. మహిళలు, ట్రాన్స్జెండర్లకు ఉచిత బస్సు ప్రయాణ సదుపాయాలను మరింత విస్తరించనున్నట్లు తెలిపారు. ఏడాదికి మూడు ఉచిత గ్యాస్ సిలిండర్లు ‘అన్నపూర్ణి సూపర్ సిక్స్’ పేరుతో ఎల్పీజీ సిలిండర్ల పథకాన్ని ప్రభుత్వం అమలు చేయనుంది. 2027 సంక్రాంతి నుంచి ఈ పథకం ప్రారంభం కానుంది. ఏడాదికి రూ.2.5 లక్షలలోపు ఆదాయం ఉన్న కుటుంబాలు ఈ పథకానికి అర్హులుగా ప్రభుత్వం నిర్ణయించింది. ఈ పథకం ద్వారా దాదాపు 1.30 కోట్ల కుటుంబాలకు ప్రయోజనం కలగనుంది. అర్హత ఉన్న కుటుంబాలు కొనుగోలు చేసే మూడు ఎల్పీజీ సిలిండర్లకు సంబంధించిన మొత్తాన్ని నేరుగా వారి బ్యాంకు ఖాతాల్లో జమ చేయనున్నారు. ఈ పథకానికి ప్రభుత్వం ఏటా సుమారు రూ.4 వేల కోట్ల వరకు ఖర్చు చేయనున్నట్లు అంచనా వేసింది. గల్ఫ్ ప్రాంతంలో నెలకొన్న యుద్ధ పరిస్థితుల కారణంగా గ్యాస్ సరఫరాపై ప్రభావం, ధరల పెరుగుదలతో కుటుంబాలపై అదనపు ఆర్థిక భారం పడుతోందని విజయ్ పేర్కొన్నారు. మహిళలకు మరిన్ని బస్సుల్లో ఉచిత ప్రయాణం మహిళలకు అమలు చేస్తున్న ఉచిత బస్సు ప్రయాణ పథకాన్ని ప్రభుత్వం మరింత విస్తరించింది. ఇప్పటివరకు సాధారణ బస్సులకు పరిమితమైన ఈ సదుపాయాన్ని ఇకపై ఎక్స్ప్రెస్, ఎల్ఎస్ఎస్, డీలక్స్ బస్సులకూ వర్తింపజేయనున్నారు. జిల్లాల మధ్య నడిచే బస్సుల్లోనూ మహిళలు ఉచితంగా ప్రయాణించే అవకాశం కల్పించనున్నారు. ‘వెట్రి పయనం’ పేరుతో ఈ విస్తరణను అక్టోబర్ 2 నుంచి అమల్లోకి తీసుకురానున్నట్లు ముఖ్యమంత్రి తెలిపారు. అదే సమయంలో ట్రాన్స్జెండర్లకు కూడా ఉచిత బస్సు ప్రయాణ సదుపాయం కల్పించనున్నట్లు ప్రకటించారు. పరందూర్ విమానాశ్రయంపై కీలక వ్యాఖ్యలు చెన్నై సమీపంలోని పరందూర్ విమానాశ్రయ ప్రాజెక్టుపై ముఖ్యమంత్రి జోసెఫ్ విజయ్ మరోసారి తన వ్యతిరేకతను వ్యక్తం చేశారు. ఈ ప్రాజెక్టు వల్ల ప్రభావితమయ్యే కుటుంబాల పక్షాన తమ ప్రభుత్వం నిలుస్తుందని స్పష్టం చేశారు. ప్రత్యామ్నాయ ప్రాంతాలపై పరిశీలన కొనసాగుతోందని, ఇప్పటికే కొన్ని ప్రాంతాలను గుర్తించినట్లు తెలిపారు. ఇదిలా ఉండగా ప్రస్తుత మీనంబాక్కం విమానాశ్రయాన్ని మరింత అభివృద్ధి చేసే దిశగా కొత్త టెర్మినల్-5 నిర్మాణానికి సంబంధించిన ప్రతిపాదనను కూడా అసెంబ్లీలో ప్రస్తావించారు. మొత్తంగా చూస్తే.. గ్యాస్ ధరల భారం తగ్గించడం, ప్రజా రవాణాలో మహిళలు, ట్రాన్స్జెండర్లకు మరింత సౌకర్యం కల్పించడం, విమానాశ్రయ అభివృద్ధిపై ప్రత్యామ్నాయ మార్గాలను అన్వేషించడం వంటి అంశాలపై ప్రభుత్వం దృష్టి సారించినట్లు తాజా ప్రకటనలు స్పష్టం చేస్తున్నాయి. also read: అర్జున్ దాస్ కోసం దర్శకుడి పట్టుదల.. ‘ఒన్స్ మోర్’ సినిమా వెనుక ఆసక్తికర కథ!

Tag: Chennai Airport

Most Read

ఆపరేషన్ కోసం ఆసుపత్రికి వెళ్తే ఇల్లు గుల్ల చేశారు.. ఖమ్మం జిల్లాలో దొంగల బీభత్సం!

అంగన్‌వాడీల నుంచి నెలమామూళ్లు.. ఏసీబీకి రెడ్‌హ్యాండెడ్‌గా దొరికిన సీడీపీవో!

చికెన్ వండే విషయంలో తీవ్ర గొడవ.. తల్లిదండ్రుల ఘర్షణ చూసి ఆరేళ్ల చిన్నారి షాక్‌తో మృతి!

రేణు దేశాయ్ క్లారిటీ.. ‘నేను వ్యతిరేకించింది దానినే… గణపతి బప్పాపై నాకు ఎంతో భక్తి’

EDITOR PICKS

తమిళనాడులో కీలక సంక్షేమ పథకాలు.. మహిళలు, ట్రాన్స్‌జెండర్లకు గుడ్‌న్యూస్

ఇండిగో ఫ్లైట్ లో సాంకేతిక సమస్య, చెన్నైలో ఎమర్జెన్సీ ల్యాండింగ్!

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags