Banana - Crime Mirror

హైదరాబాద్, క్రైమ్ మిర్రర్: బరువు తగ్గడం, ఫిట్నెస్, డైట్ వంటి విషయాలు వస్తే చాలామంది ముందుగా ఖరీదైన ఆహారాల గురించే ఆలోచిస్తారు. కానీ ఇంట్లో సులభంగా దొరికే అరటిపండులోనూ ఎన్నో ఆరోగ్య ప్రయోజనాలు దాగి ఉన్నాయి. అయితే చాలామందిలో అరటిపండు తింటే బరువు పెరుగుతుందనే అపోహ ఇప్పటికీ ఉంది. మరి నిజంగా అరటిపండు వెయిట్ పెంచుతుందా.. లేక తగ్గించడంలో సహాయపడుతుందా అనేది తెలుసుకుందాం. అరటిపండు నిజంగా బరువు పెంచుతుందా...? పోషకాహార నిపుణుల ప్రకారం కేవలం అరటిపండు తినడం వల్ల మాత్రమే బరువు పెరగదు. రోజంతా తీసుకునే మొత్తం కేలరీలు, ఆహారపు అలవాట్లు, జీవనశైలి ఆధారంగా బరువు మారుతుంది. అయితే మోతాదుకు మించి తింటే అదనపు కేలరీలు చేరే అవకాశం ఉంటుంది. రోజుకు ఎన్ని తినాలి ...? నిపుణుల సూచనల ప్రకారం రోజుకు ఒకటి లేదా రెండు అరటిపండ్లు సరిపోతాయి. పరిమితంగా తీసుకుంటే శరీరానికి కావాల్సిన శక్తి, పోషకాలు అందుతాయి. ఏ టైంలో తింటే మంచిది...? వ్యాయామం చేసే వారు వర్కౌట్ ముందు లేదా తర్వాత అరటిపండు తింటే త్వరగా శక్తి అందుతుంది. ఉదయం బ్రేక్ఫాస్ట్లో భాగంగా తీసుకున్నా మంచిదే. దీంతో ఎక్కువసేపు కడుపు నిండిన భావన ఉంటుంది. పచ్చగా ఉన్న అరటిపండే బెస్ట్... పూర్తిగా పండిన వాటితో పోలిస్తే కొద్దిగా పచ్చగా ఉన్న అరటిపండ్లలో ఫైబర్, రెసిస్టెంట్ స్టార్చ్ ఎక్కువగా ఉంటాయి. ఇవి జీర్ణక్రియను మెరుగుపరచడమే కాకుండా ఆకలిని నియంత్రించడంలో సహాయపడతాయి. బరువు తగ్గాలనుకునేవారికి ఇవి మంచి ఎంపికగా భావిస్తున్నారు. ఇలా తింటే ఇంకా బెటర్... అరటిపండుతో పాటు పీనట్ బటర్, పెరుగు, డ్రైఫ్రూట్స్ లేదా విత్తనాలు తీసుకుంటే మరింత ప్రయోజనం ఉంటుంది. ప్రోటీన్, ఆరోగ్యకరమైన కొవ్వులు కలిసినప్పుడు ఎక్కువసేపు ఆకలి వేయకుండా ఉంటుంది. మధుమేహం ఉన్నవారు జాగ్రత్త... బాగా పండిపోయి నల్ల మచ్చలు వచ్చిన అరటిపండ్లలో చక్కెర శాతం ఎక్కువగా ఉంటుంది. అందుకే బ్లడ్ షుగర్ లేదా ఇన్సులిన్ రెసిస్టెన్స్ ఉన్నవారు పరిమితంగా తీసుకోవడం మంచిది. మొత్తానికి అరటిపండు బరువు పెంచే ఆహారం కాదు. సరైన మోతాదులో, సరైన సమయంలో తీసుకుంటే బరువు తగ్గించే డైట్లో కూడా ఇది మంచి భాగం అవుతుంది. గమనిక: ఈ సమాచారం సాధారణ అవగాహన కోసం మాత్రమే. ఆరోగ్య సమస్యలు ఉంటే వైద్యుల సలహా తీసుకోవడం మంచిది.

Tag: Banana

Most Read

ఆపరేషన్ కోసం ఆసుపత్రికి వెళ్తే ఇల్లు గుల్ల చేశారు.. ఖమ్మం జిల్లాలో దొంగల బీభత్సం!

అంగన్‌వాడీల నుంచి నెలమామూళ్లు.. ఏసీబీకి రెడ్‌హ్యాండెడ్‌గా దొరికిన సీడీపీవో!

చికెన్ వండే విషయంలో తీవ్ర గొడవ.. తల్లిదండ్రుల ఘర్షణ చూసి ఆరేళ్ల చిన్నారి షాక్‌తో మృతి!

రేణు దేశాయ్ క్లారిటీ.. ‘నేను వ్యతిరేకించింది దానినే… గణపతి బప్పాపై నాకు ఎంతో భక్తి’

EDITOR PICKS

Health Tips: అర‌టింపు వెయిట్ లాస్‌కు సూప‌ర్ గా ప‌ని చేస్తోంది…! ఏ టైంలో తినాలో తెలుసా…

అరటి తొక్కపై కాలేస్తే జారి పడిపోతామెందుకో తెలుసా?

అరటి రైతులకు ఆవేదన మిగిల్చిన యుద్ధం!

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags