AP Jobs - Crime Mirror

ఆంధ్రప్రదేశ్ రాష్ట్ర ప్రభుత్వం ఉగాది సందర్భంగా ఉద్యోగార్థులకు భారీ శుభవార్తను అందించింది. రాష్ట్రవ్యాప్తంగా ప్రభుత్వ విభాగాల్లో ఖాళీగా ఉన్న పోస్టులను భర్తీ చేయడానికి 2026 సంవత్సరానికి సంబంధించిన జాబ్ క్యాలెండర్ను విడుదల చేసింది. మొత్తం 10,060 పోస్టులను భర్తీ చేయనున్నట్లు ప్రకటించడంతో నిరుద్యోగుల్లో ఆశలు మళ్లీ చిగురించాయి. ఈ కీలక ప్రకటనను మంత్రి నారా లోకేశ్ సోషల్ మీడియా ‘ఎక్స్’ వేదికగా వెల్లడిస్తూ, ఉగాది కానుకగా ఉద్యోగాల పండుగను ప్రారంభిస్తున్నామని పేర్కొన్నారు. ఈ జాబ్ క్యాలెండర్లో వివిధ శాఖలకు సంబంధించిన నోటిఫికేషన్ తేదీలు, పోస్టుల సంఖ్యలు స్పష్టంగా వెల్లడించారు. ఇకపై ప్రతి సంవత్సరం ఉగాది సందర్భంగా జాబ్ క్యాలెండర్ విడుదల చేస్తామని ప్రభుత్వం స్పష్టం చేసింది. నిర్దేశిత షెడ్యూల్ ప్రకారం పరీక్షలు నిర్వహించి, ప్రకటించిన పోస్టులన్నింటినీ సమయానికి భర్తీ చేస్తామని మంత్రి తెలిపారు. మే 15 నుంచి అక్టోబర్ 15 వరకు వివిధ దశల్లో ఉద్యోగ నోటిఫికేషన్లు విడుదల చేసి భర్తీ ప్రక్రియను పూర్తి చేస్తామని వెల్లడించారు. మొత్తం 20 లక్షల ఉద్యోగాల కల్పన హామీని నెరవేర్చే దిశగా ఈ చర్యలు చేపట్టినట్లు తెలిపారు. ఉద్యోగార్థులు ముందుగానే సిద్ధం కావడానికి సిలబస్ను కూడా సమయానికి విడుదల చేస్తామని పేర్కొన్నారు. అలాగే అందరూ నైపుణ్యం పోర్టల్లో ఒకసారి నమోదు చేసుకుని, తదుపరి నోటిఫికేషన్లపై అప్రమత్తంగా ఉండాలని సూచించారు. ఈ చర్యలతో ప్రభుత్వ నియామక ప్రక్రియ మరింత పారదర్శకంగా, వేగవంతంగా మారుతుందని ప్రభుత్వం ఆశాభావం వ్యక్తం చేసింది. జాబ్ క్యాలెండర్ ప్రకారం మే 15, 2026న ఉన్నత విద్య విభాగంలో 1,500 పోస్టులకు నోటిఫికేషన్ విడుదల కానుంది. అదే తేదీన ఏపీపీఎస్సీ గ్రూప్ 1లో 91 పోస్టులు, హోంశాఖలో 2,778 పోస్టులు, ఇతర శాఖల్లో 928 పోస్టులకు నోటిఫికేషన్లు జారీ చేయనున్నారు. తదుపరి సెప్టెంబర్ 15, 2026న ఏపీపీఎస్సీ గ్రూప్ 2లో 250 పోస్టులు, ఇంజనీరింగ్ విభాగంలో 503 పోస్టులు, ఇతర శాఖల్లో 506 పోస్టులకు నోటిఫికేషన్ ఇవ్వనున్నారు. చివరిగా అక్టోబర్ 15, 2026న పాఠశాల మరియు ఇంటర్ విద్య విభాగాల్లో 3,004 పోస్టులకు నోటిఫికేషన్ విడుదల చేయనున్నారు. ఈ జాబ్ క్యాలెండర్ విడుదలతో రాష్ట్రంలోని నిరుద్యోగ యువతకు స్పష్టమైన దిశ కనిపించడంతో పాటు, ప్రభుత్వ నియామకాలపై విశ్వాసం పెరిగే అవకాశం ఉంది. సమయపాలనతో నోటిఫికేషన్లు విడుదల చేసి, నియామకాలు పూర్తిచేస్తే ఇది రాష్ట్ర యువతకు నిజమైన ఉగాది కానుకగా నిలుస్తుంది. ALSO READ: మటన్ కర్రీలో ఈ ఒక్కటీ వేసి వండితే వీధి మొత్తం ఘుమఘుమలే..

Tag: AP Jobs

Most Read

గడ్చిరోలిలో విషాదం.. పాము కాటుకు ముగ్గురు బాలికలు మృతి, మరొకరి పరిస్థితి విషమం

యువ నటిపై దాడి ఆరోపణలు.. నిర్మాత అరెస్ట్

వ్యక్తిపై కత్తితో దాడి – సీసీటీవీలో రికార్డ్, నిందితుడి కోసం గాలింపు

విశాఖలో AAA సినిమాస్.. కొత్త ఎయిర్‌పోర్ట్‌పై బన్నీ ఆసక్తికర వ్యాఖ్యలు!

EDITOR PICKS

10,060 ప్రభుత్వ ఉద్యోగాలకు వరుస నోటిఫికేషన్లు

POPULAR POSTS

మునుగోడు ఆశ..రాజన్న శ్వాస..

జగన్ పాదయాత్రపై ఏపీలో జోరుగా చ‌ర్చా….!

Folk Star Nagadurga: జానపద గాయని నుంచి హీరోయిన్‌గా.. నాగదుర్గ కొత్త ప్రయాణం!

POPULAR CATEGORY

ABOUT US

Trending Tags