#AlcoholTest - Crime Mirror

క్రైమ్ మిర్రర్ : జ్యూరిచ్ నుంచి ఢిల్లీకి బయల్దేరాల్సిన ఎయిర్ ఇండియా విమానం టేకాఫ్కు కొద్దిసేపటి ముందు నిలిచిపోయింది. విమానం నడపాల్సిన పైలట్కు నిర్వహించిన ఆల్కహాల్ పరీక్షలో పాజిటివ్ ఫలితం రావడంతో అతడిని వెంటనే విధుల నుంచి తప్పించారు. అనంతరం సాధారణ ప్రయాణికుడిగా భారత్కు పంపించారు. ఈ నెల 6న స్విట్జర్లాండ్లోని జ్యూరిచ్లో ఈ ఘటన చోటుచేసుకున్నట్లు సమాచారం. విమానం బయల్దేరే ముందు విమాన సిబ్బందికి నిర్వహించే తప్పనిసరి పరీక్షల్లో భాగంగా పైలట్కు ఆల్కహాల్ టెస్ట్ చేశారు. పరీక్షలో నిబంధనలకు విరుద్ధంగా ఫలితం రావడంతో అతడిని విమానం నడిపేందుకు అనుమతించలేదు. భారత్కు తిరిగి వచ్చిన తర్వాత ఎయిర్ ఇండియా యాజమాన్యం సదరు పైలట్పై సస్పెన్షన్ విధించింది. తుది వైద్య నివేదిక అందడంతో పాటు పూర్తి స్థాయి విచారణ పూర్తయ్యే వరకు సస్పెన్షన్ కొనసాగుతుందని సంస్థ తెలిపింది. దర్యాప్తులో వెలుగులోకి వచ్చే అంశాలను బట్టి తదుపరి చర్యలు తీసుకునే అవకాశం ఉంది. విమాన భద్రత విషయంలో ఎలాంటి రాజీ ఉండదని ఎయిర్ ఇండియా స్పష్టం చేసింది. భద్రతా నిబంధనలు, నియంత్రణ సంస్థలు నిర్దేశించిన మార్గదర్శకాలు లేదా సంస్థ విధానాలను ఎవరైనా ఉల్లంఘించినట్లు నిర్ధారణ అయితే కఠిన చర్యలు తీసుకుంటామని పేర్కొంది. విమాన సిబ్బంది అత్యున్నత భద్రతా ప్రమాణాలు, వృత్తిపరమైన బాధ్యత, క్రమశిక్షణను పాటించాల్సిన అవసరాన్ని ఈ ఘటన మరోసారి గుర్తుచేస్తోందని సంస్థ తెలిపింది. ఇదిలా ఉండగా, ఇటీవల మరో పైలట్ డ్రగ్స్ పరీక్షలో పాజిటివ్గా తేలిన ఘటన కూడా వెలుగులోకి వచ్చింది. ఫుకెట్ నుంచి ఢిల్లీకి విమానం నడిపిన అనంతరం నిర్వహించిన పరీక్షలో అతడు గంజాయి వినియోగించినట్లు గుర్తించినట్లు సమాచారం. వరుస ఘటనల నేపథ్యంలో విమాన సిబ్బందికి నిర్వహించే ఆల్కహాల్, డ్రగ్ పరీక్షలు, భద్రతా నిబంధనల అమలుపై మరోసారి చర్చ మొదలైంది. also read : ఖమ్మంలో విషాదం.. గణేశ్ నిమజ్జన వేళ ట్రాఫిక్లో చిక్కుకున్న అంబులెన్స్, రెండేళ్ల బాలుడు మృతి

Tag: #AlcoholTest

Most Read

ఇండియా కూటమిలోకి జగన్…!

జార్ఖండ్‌ లో భారీ బ్యాంకు దోపిడీ.. రూ.36 కోట్ల బంగారం, రూ.43 లక్షల నగదు అపహరణ

మేయర్ గా వంగవీటి…! టీడీపీ అధిష్టానం గ్రీన్ సిగ్నల్…

ముగ్గురు మైనర్ కుమార్తెలపై తండ్రి లైంగిక వేధింపులు.. పోలీసుల అదుపులో నిందితుడు

EDITOR PICKS

టేకాఫ్‌కు ముందే పైలట్‌కు షాక్.. ఆల్కహాల్ టెస్ట్‌లో పాజిటివ్

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags