#Agiripalli - Crime Mirror

క్రైమ్ మిర్రర్ : ఏటూరు జిల్లాలో చోటుచేసుకున్న ఓ ఘటన పోలీసుల పనితీరుపై చర్చకు దారితీసింది. రెండు రోజులుగా రోడ్డు పక్కనే ఓ వ్యక్తి మృతదేహం పడి ఉన్నప్పటికీ గుర్తించకపోవడంపై స్థానికులు తీవ్ర అసంతృప్తి వ్యక్తం చేస్తున్నారు. మరో ప్రమాదం జరిగిన తర్వాతే మృతదేహం విషయం వెలుగులోకి రావడం పలు అనుమానాలకు తావిస్తోంది. వివరాల్లోకి వెళ్తే.. ఈ నెల 29వ తేదీన ఏలూరు జిల్లా ఆగిరిపల్లి మండలం ఎస్ఏ పేట సమీపంలో అర్ధరాత్రి ఓ బీర్ లోడ్ లారీ అదుపుతప్పి బోల్తా పడింది. ఈ ప్రమాదంపై సమాచారం అందుకున్న పోలీసులు వెంటనే ఘటనా స్థలానికి చేరుకున్నారు. రోడ్డుపై అడ్డంగా పడిపోయిన లారీని తొలగించే పనుల్లో నిమగ్నమయ్యారు. ఈ క్రమంలో లారీ క్యాబిన్లో ఓ వ్యక్తి మృతదేహం ఇరుక్కుని ఉండటాన్ని గుర్తించారు. అదే ప్రాంతంలో ఓ ద్విచక్రవాహనం కూడా కనిపించడంతో పోలీసులు అప్రమత్తమయ్యారు. వెంటనే మృతదేహాన్ని బయటకు తీసి స్థానిక ఆసుపత్రికి తరలించారు. అయితే మృతదేహాన్ని పరిశీలించిన వైద్యులు కీలక విషయాన్ని వెల్లడించినట్లు సమాచారం. లారీ బోల్తా పడిన ప్రమాదంలో ఆ వ్యక్తి మరణించలేదని, అంతకంటే ముందే సుమారు రెండు రోజుల క్రితం మృతి చెంది ఉండవచ్చని వైద్యులు నిర్ధారించినట్లు తెలిసింది. ఈ విషయం తెలుసుకున్న పోలీసులు ఆశ్చర్యానికి గురయ్యారు. వెంటనే ఘటనపై మరింత లోతుగా విచారణ చేపట్టారు. మృతుడి వివరాలను సేకరించగా, అతడు శోభనాపురం గ్రామానికి చెందిన వ్యక్తిగా గుర్తించినట్లు సమాచారం. రెండు రోజుల క్రితం జరిగిన మరో రోడ్డు ప్రమాదంలోనే అతడు ప్రాణాలు కోల్పోయినట్లు ప్రాథమికంగా గుర్తించారు. అయితే రెండు రోజులుగా మృతదేహం రోడ్డు పక్కనే పడి ఉన్నప్పటికీ సంబంధిత అధికారులు గుర్తించకపోవడం ఇప్పుడు చర్చనీయాంశంగా మారింది. రహదారిపై ప్రమాదాలు జరిగినప్పుడు పోలీసుల పర్యవేక్షణ ఎంతవరకు ఉంటోంది? మృతదేహం కనిపించకుండా ఉండటానికి కారణాలేమిటి? అనే ప్రశ్నలు స్థానికుల నుంచి వ్యక్తమవుతున్నాయి. మరోవైపు ఈ ఘటన పోలీసుల విధుల నిర్వహణపై విమర్శలకు దారితీసింది. మృతుడి మరణానికి సంబంధించిన పూర్తి వివరాలు, ప్రమాదం జరిగిన పరిస్థితులపై పోలీసులు దర్యాప్తు కొనసాగిస్తున్నారు. also read : స్విమ్మింగ్ పూల్లో విద్యుత్ షాక్.. ఇద్దరు విదేశీయులు మృతి

Tag: #Agiripalli

Most Read

గాయ‌ప‌డిన విద్యార్థిని త‌ల్లికి సీఎం చంద్ర‌బాబు ఫోన్‌…! అన్ని విధాలుగా అండ‌గా ఉంటామ‌ని భ‌రోసా…

రెండు రోజులుగా రోడ్డు పక్కనే మృతదేహం.. ఆలస్యంగా గుర్తించిన పోలీసులు

స్విమ్మింగ్ పూల్‌లో విద్యుత్ షాక్.. ఇద్దరు విదేశీయులు మృతి

అమ్మో డిజిటల్ అరెస్ట్…!

EDITOR PICKS

రెండు రోజులుగా రోడ్డు పక్కనే మృతదేహం.. ఆలస్యంగా గుర్తించిన పోలీసులు

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags