వేసవిలో జుట్టు రాలిపోతుందా.. ఈ సింపుల్ టిప్స్ తప్పక ఫాలో అవ్వండి...!

హైదరాబాద్, క్రైమ్ మిర్రర్: వేసవి కాలం వచ్చిందంటే చాలు.. చర్మంతో పాటు జుట్టు సమస్యలు కూడా ఎక్కువవుతాయి. ఎండ తీవ్రత, చెమట, ధూళి, కాలుష్యం కారణంగా జుట్టు పొడిబారడం, రాలిపోవడం, చుండ్రు, తల దురద వంటి సమస్యలు చాలామందిని వేధిస్తుంటాయి. ముఖ్యంగా బయట ఎక్కువసేపు తిరిగేవారికి ఈ సమస్యలు మరింత ఎక్కువగా కనిపిస్తాయి. అయితే కొన్ని సింపుల్ జాగ్రత్తలు పాటిస్తే జుట్టును ఆరోగ్యంగా, బలంగా ఉంచుకోవచ్చని నిపుణులు చెబుతున్నారు. వేసవిలో తల చర్మం ఎక్కువగా చెమటపడుతుంది. దీనివల్ల దుమ్ము, మురికి త్వరగా పేరుకుపోతాయి. కాబట్టి వారానికి కనీసం రెండు నుంచి మూడు సార్లు తేలికపాటి షాంపూతో తలస్నానం చేయడం మంచిది. చాలా వేడి నీటితో తలస్నానం చేయకూడదు. గోరువెచ్చని లేదా చల్లటి నీటితో స్నానం చేస్తే జుట్టు పొడిబారకుండా ఉంటుంది. ఇలా చేయటం తప్పనిసరి...! చాలామంది వేసవిలో నూనె రాయడం మానేస్తారు. కానీ జుట్టుకు తేమ అవసరం కాబట్టి కొబ్బరి నూనె లేదా బాదం నూనె వంటి తేలికపాటి ఆయిల్స్ను వారానికి ఒకసారి అయినా రాయాలి. మృదువుగా మసాజ్ చేయడం వల్ల రక్త ప్రసరణ మెరుగై జుట్టు కుదుళ్లు బలపడతాయి. ప్రతిసారీ తలస్నానం తర్వాత కండిషనర్ వాడటం కూడా చాలా అవసరం. ఇది జుట్టును మెత్తగా ఉంచడమే కాకుండా చిక్కులు పడకుండా చేస్తుంది. అలాగే వారానికి ఒకసారి పెరుగు, కలబంద, తేనె వంటి సహజ పదార్థాలతో హెయిర్ మాస్క్ వేసుకుంటే మంచి ఫలితం ఉంటుంది. ఎండలో బయటకు వెళ్లేటప్పుడు స్కార్ఫ్, టోపీ లేదా దుపట్టాతో జుట్టును కవర్ చేయాలి. సూర్యరశ్మిలోని UV కిరణాలు జుట్టును బలహీనపరుస్తాయి. ఈత కొట్టే వారు స్విమ్మింగ్ పూల్లోని క్లోరిన్ నీటి ప్రభావం నుంచి జుట్టును కాపాడుకునేందుకు ముందుగా నీటితో తడపడం మంచిది. వేసవిలో స్ట్రెయిట్నర్లు, కర్లర్లు వంటి హీట్ స్టైలింగ్ పరికరాలు వాడకపోవడమే మంచిది. ఇవి జుట్టును మరింత డ్రైగా మారుస్తాయి. సహజమైన హెయిర్ స్టైల్స్కి ప్రాధాన్యం ఇవ్వాలి. అలాగే రోజూ తగినంత నీరు తాగడం చాలా ముఖ్యం. పండ్లు, ఆకుకూరలు, నట్స్, ప్రోటీన్ ఉన్న ఆహారం తీసుకుంటే జుట్టు లోపలి నుంచి బలంగా మారుతుంది. సరైన ఆహారం, సరైన సంరక్షణ ఉంటే వేసవిలో కూడా జుట్టు ఆరోగ్యంగా, మెరిసేలా ఉంటుంది.

Tag: వేసవిలో జుట్టు రాలిపోతుందా.. ఈ సింపుల్ టిప్స్ తప్పక ఫాలో అవ్వండి...!

Most Read

Vastu Tips: ఇలా చేస్తే మీ ఇంట్లో ఆనందం.. ఐశ్వర్యం..!

Wonderful: కదిలే రాక్షస రైలు.. 7 కిలో మీటర్ల పొడవు.. 8 ఇంజిన్లు కూడా..

నేను జగన్ కు పని చేయను…తేల్చి చెప్పేశాడు…!

మళ్లీ ముంబై కెప్టెన్ గా రోహిత్ శర్మ అయ్యే ఛాన్స్!

EDITOR PICKS

Summer Hair Fall Tips: వేసవిలో జుట్టు రాలిపోతుందా.. ఈ సింపుల్ టిప్స్ తప్పక ఫాలో అవ్వండి…!

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags

WhatsApp Channel