తెలంగాణ నేత‌ల‌కు హైక‌మాండ్ గా రేవంత్‌...!

రాజశేఖర్ రెడ్డి తర్వాత రేవంతే రేవంత్ రెడ్డి శకం మొదలైనట్టే హైదరాబాద్, క్రైమ్ మిర్రర్: తెలంగాణ నేతలకు హైకమాండ్ గా సీఎం రేవంత్ రెడ్డి మారారు. వేం నరేందర్ రెడ్డిని రాజ్యసభకు పంపడం ద్వారా రేవంత్ రెడ్డి హైకమాండ్ వద్ద తన పట్టు నిరూపించుకున్నారు. తనపై అసంతృప్తి గళం వినిపిస్తున్న వారికి గట్టిసందేశం పంపారు. తెలంగాణ కాంగ్రెస్ కు సంబంధించినంత వరకూ అంతా తన కనుసన్నల్లోనే ఉంటుందని ఎవరైనా తోక జాడిస్తే రాజకీయ భవిష్యత్ ఉండదనే విధంగా హైకమాండ్ వద్ద పట్టు సాధించారు. ఇక కోమటిరెడ్డి రాజగోపాల్ రెడ్డి లాంటి వాళ్లు తెర వెనుక ఏమైనా చేయాలనుకున్నా సైలెంటుగా గా ఉండటం కుదిరితే రేవంత్ భజన ప్రారంభించడం మినహా మరో దారి లేదన్న అభిప్రాయం వినిపిస్తోంది. రేవంత్ చాలా స్వల్ప కాలంలోనే పార్టీని గుప్పిట్లోకి తెచ్చుకున్నారని అందరూ అంచనాకు వస్తున్నారు. తెలంగాణ కాంగ్రెస్లో ఒకప్పుడు గ్రూపు రాజకీయాలు, సీనియర్ల అసమ్మతి గళాలు సర్వసాధారణం. కానీ ముఖ్యమంత్రిగా బాధ్యతలు చేపట్టిన స్వల్ప కాలంలోనే రేవంత్ రెడ్డి పార్టీని తన గుప్పిట్లోకి తెచ్చుకోవడంలో సఫలమయ్యారు. కీలక పదవులన్నీ తన కనుసన్నల్లోనే భర్తీ అయ్యేలా చూసుకుంటున్నారు. ఢిల్లీలోని అధిష్టానం వద్ద తన మాటే శాసనమని ఆయన నిరూపించుకున్నారు. రేవంత్ రెడ్డి కేవలం పాలనకే పరిమితం కాకుండా, పార్టీ అంతర్గత వ్యవహారాలపై పూర్తి స్థాయి పట్టు సాధించారు. ఒకప్పుడు రేవంత్ నాయకత్వాన్ని వ్యతిరేకించిన సీనియర్లు సైతం ఇప్పుడు ఆయన కనుసన్నల్లో నడవాల్సిన పరిస్థితి ఏర్పడింది. ఎవరైనా వ్యతిరేక గళం వినిపిస్తే వారి రాజకీయ భవిష్యత్తు ప్రమాదంలో పడుతుందన్న హెచ్చరికను రేవంత్ తన వ్యూహాల ద్వారా స్పష్టం చేశారు. దీంతో తెలంగాణ పార్టీలో నేనే హైకమాండ్ అనే స్థాయికి ఆయన ఎదిగారు, ఇది గత దశాబ్ద కాలంలో ఏ కాంగ్రెస్ ముఖ్యమంత్రికీ సాధ్యపడలేదు.కోమటిరెడ్డి రాజగోపాల్ రెడ్డి వంటి ఫైర్ బ్రాండ్ నేతలు కూడా ప్రస్తుతం రేవంత్ రెడ్డి విషయంలో ఆచితూచి వ్యవహరిస్తున్నారు. గతంలో విభేదాలు ఉన్నప్పటికీ, రేవంత్ సాధించిన రాజకీయ విజయం చూశాక, ప్రస్తుతానికి ఆయనతో కలిసి వెళ్లడమే శ్రేయస్కరమని వారు భావిస్తున్నారు. రేవంత్ రెడ్డి బలం కేవలం రాష్ట్రానికే పరిమితం కాలేదు. ఏఐసీసీ అగ్రనేతలు రాహుల్ గాంధీ, మల్లికార్జున ఖర్గేల వద్ద ఆయన సంపాదించుకున్న నమ్మకం అసాధారణం. రాష్ట్రం నుండి ఏ నిర్ణయం వెళ్లినా దానికి ఢిల్లీ ఆమోదముద్ర వేస్తుండటంతో, స్థానిక సీనియర్లు హైకమాండ్ వద్దకు వెళ్లి ఫిర్యాదు చేసే అవకాశాలు మూసుకుపోయాయి. వేం నరేందర్ రెడ్డికి రాజ్యసభ సీటు దక్కడం అనేది రేవంత్ రెడ్డి ఢిల్లీ లాబీయింగ్లో సాధించిన అతిపెద్ద విజయంగా రాజకీయ విశ్లేషకులు అభివర్ణిస్తున్నారు. సాధారణ కార్యకర్తల్లో రేవంత్ రెడ్డి పట్ల ఉన్న ఆదరణే ఆయనకు కొండంత అండగా నిలుస్తోంది. దూకుడుగా నిర్ణయాలు తీసుకోవడం, ప్రత్యర్థులను రాజకీయంగా దెబ్బతీయడంలో ఆయన చూపిస్తున్న చొరవ పార్టీ శ్రేణుల్లో ఉత్సాహాన్ని నింపుతోంది. పార్టీని ఒక కార్పొరేట్ తరహాలో క్రమశిక్షణతో నడిపిస్తూనే, తనను వ్యతిరేకించే శక్తులను ఒక్కొక్కటిగా ప్రక్కకు తప్పుకోవాల్సిన పరిస్థితిని కల్పించారు. మొత్తానికి తెలంగాణ కాంగ్రెస్లో రేవంత్ శకం మొదలైందని చెప్పడంలో ఎటువంటి సందేహం లేదు.

Tag: తెలంగాణ నేత‌ల‌కు హైక‌మాండ్ గా రేవంత్‌...!

Most Read

దర్శకుడిగా రాహుల్ రామకృష్ణ.. వచ్చే ఏడాది కామెడీ ఎంటర్‌టైనర్‌తో ఎంట్రీ!

ChatGPT వైద్య సలహాతో తమ కుమార్తె మృతి చెందిందంటూ OpenAIపై తల్లిదండ్రుల సంచలన దావా!

పేద విద్యార్థుల కోసం ధనుష్ కీలక నిర్ణయం.. 234 నియోజకవర్గాల్లో ఉచిత ఏసీ ట్యూషన్ సెంటర్లు!

‘మూకుత్తి అమ్మన్ 2’లో రెజీనా విలనిజం.. నయనతారతో ఫైట్ సీన్స్‌పై ఆసక్తికర వ్యాఖ్యలు!

EDITOR PICKS

తెలంగాణ నేత‌ల‌కు హైక‌మాండ్ గా రేవంత్‌…!

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags