క్రైమ్ మిర్రర్, తెలంగాణ స్టేట్ బ్యూరో: తెలంగాణ పోలీస్ శాఖలో సబ్-ఇన్స్పెక్టర్ (SI) పోస్టుల నియామక ప్రక్రియను “జోనల్ స్థాయి నుండి రాష్ట్ర స్థాయికి” (State Level) మారుస్తూ ప్రభుత్వం కీలక నిర్ణయం తీసుకుంది. దీనివల్ల భవిష్యత్తులో జరిగే నియామకాలు, పదోన్నతుల్లో రాష్ట్రవ్యాప్తంగా ఒకే విధమైన విధానం అమలులోకి రానుంది తెలుస్తుంది.
ప్రస్తుతం జోనల్ విధానం వల్ల ఒకే బ్యాచ్కు చెందిన అధికారులకు వేర్వేరు జోన్లలో ఖాళీలను బట్టి వేర్వేరు సమయాల్లో ప్రమోషన్లు వస్తున్నాయి. రాష్ట్ర స్థాయి పోస్టుగా మారితే, అందరికీ సీనియారిటీ ఆధారంగా ఒకేసారి పదోన్నతులు లభించే అవకాశం ఉంటుంది.
రిక్రూట్మెంట్ ప్రక్రియలో పారదర్శకతను పెంచడానికి మరియు రాష్ట్రవ్యాప్త అవసరాలకు అనుగుణంగా నియామకాలు చేపట్టడానికి ఈ నిర్ణయం తోడ్పడుతుంది. ఈ మార్పుకు సంబంధించి పోలీస్ సర్వీస్ రూల్స్లో అవసరమైన సవరణలను అధికారులు ప్రతిపాదించారు అని సమాచారం.