Gurram Venkanna Municipal Election Campaign: నల్లగొండలో మున్సిపల్ కార్పొరేషన్ పరిధిలోని 41వ డివిజన్ ఫార్వర్డ్ బ్లాక్ పార్టీ అభ్యర్థిగా బరిలోకి దిగిన గుర్రం వెంకన్న ప్రచారం ముమ్మరం చేశారు. తన డివిజన్ పరిధిలోని అన్ని కాలనీలను తిరుగుతూ, ఓటర్లను కలిసి ఓట్లను అభ్యర్థిస్తున్నారు. గత 40 సంవత్సరాలుగా డివిజన్ తో ఉన్న అనుబంధం ఉందని, అందరి కుటుంబ సభ్యుడిగా మెలుగుతున్నట్లు చెప్పారు. కార్పొరేటర్ బరిలో నిలిచిన తనను గెలిపించాలని విజ్ఞప్తి చేశారు. సింహం గుర్తు మీద ఓటు వేసి భారీ మెజార్టీతో విజయాన్ని అందించాలన్నారు.
అభివృద్ధి ఎలా ఉంటుందో చూపిస్తా!
తాజాగా 41వ డివిజన్ పరిధిలోని శ్రీనివాసనగర్ కాలనీ, పద్మావతి కాలనీ, ఆండాలు వీధితో ఇంటింటి ప్రచారం నిర్వహించారు. ఈ ఎన్నికల్లో తనను గెలిపిస్తే, అభివృద్ధి అంటే ఎలా ఉంటుందో చూపిస్తానన్నారు. తన దగ్గర పంచేందుకు డబ్బులు లేవని, ఇతర పార్టీల అభ్యర్థుల మాదిరిగా డబ్బులు, మద్యం పంచలేనని చెప్పారు. తనను గెలిపిస్తే నిజాయితీగా ప్రజలకు పని చేస్తానని చెప్పారు. 41వ డివిజన్ ను అన్ని రకాలుగా అభివృద్ధి చేస్తానన్నారు గుర్రం వెంకన్న.
