దర్శకధీరుడు ఎస్‌ఎస్‌ రాజమౌళి తన భవిష్యత్‌ సినీ ప్రణాళికలపై ఆసక్తికరమైన విషయాలను వెల్లడించారు. అంతర్జాతీయ స్థాయిలో గుర్తింపు తెచ్చుకున్న ఆయన.. హాలీవుడ్‌లో కనీసం ఒక్క సినిమాకైనా దర్శకత్వం వహించాలనే తన మనసులోని కోరికను బయటపెట్టారు. అయితే, ప్రస్తుతం తన దృష్టి మొత్తం ‘వారణాసి’ సినిమా మీదే ఉందని స్పష్టం చేశారు.
‘ఆర్ఆర్ఆర్‌’తో హాలీవుడ్‌ నుంచి ఆఫర్లు!
రామ్‌చరణ్‌, జూనియర్‌ ఎన్టీఆర్‌ ప్రధాన పాత్రల్లో రాజమౌళి తెరకెక్కించిన ‘ఆర్ఆర్ఆర్‌’ ప్రపంచవ్యాప్తంగా విశేష ఆదరణ పొందిన సంగతి తెలిసిందే. ఈ సినిమా విజయంతో భారతీయ చిత్ర పరిశ్రమకు అంతర్జాతీయ స్థాయిలో మరింత గుర్తింపు లభించింది. ముఖ్యంగా విదేశీ ప్రేక్షకులను సైతం ఆకట్టుకున్న ఈ చిత్రం తర్వాత రాజమౌళికి హాలీవుడ్‌ నుంచి పలు అవకాశాలు వచ్చినట్లు ఆయన వెల్లడించారు. దీంతో ఆయన తదుపరి అంతర్జాతీయ ప్రాజెక్టుపై సినీ వర్గాల్లో ఆసక్తి నెలకొంది.
‘వారణాసి’ తర్వాతే హాలీవుడ్‌ ప్రాజెక్ట్‌!
ప్రస్తుతం రాజమౌళి తన తదుపరి భారీ చిత్రం ‘వారణాసి’ రూపకల్పనలో నిమగ్నమయ్యారు. ఈ సినిమా కోసం పూర్తి సమయాన్ని కేటాయిస్తున్న ఆయన.. ప్రస్తుతానికి మరో ప్రాజెక్టు గురించి ఆలోచించడం లేదని తెలిపారు. ‘వారణాసి’ చిత్రాన్ని పూర్తి చేసిన తర్వాతే హాలీవుడ్‌లో సినిమా చేసే అవకాశాలపై నిర్ణయం తీసుకుంటానని పేర్కొన్నారు.
హాలీవుడ్‌లో కనీసం ఒక్క సినిమాకైనా దర్శకత్వం వహించాలన్నది తన కోరిక అని రాజమౌళి చెప్పడంతో అభిమానుల్లో ఆసక్తి పెరిగింది. ‘వారణాసి’తో మరోసారి అంతర్జాతీయ ప్రేక్షకులను ఆకట్టుకోవాలని చూస్తున్న ఈ దర్శకుడు.. భవిష్యత్తులో హాలీవుడ్‌ ప్రాజెక్టుతో ప్రపంచ సినీ రంగంలో ఎలాంటి ముద్ర వేస్తారో చూడాలి.
also read: కోలీవుడ్‌లో మరో విషాదం… ప్రముఖ గాయకుడు కృష్ణరాజ్ కన్నుమూత..