క్రైమ్ మిర్రర్,తెలంగాణ ఇన్వెస్టిగేషన్ బ్యూరో: తెలంగాణలో మున్సిపల్ ఎన్నికల షెడ్యూల్ విడుదలైన నేపథ్యంలో తెలంగాణలో మున్సిపల్ ఎన్నికల నగారా మోగడంతో రాజకీయ వాతావరణం ఒక్కసారిగా వేడెక్కింది. రాష్ట్రంలోని 116 మున్సిపాలిటీలు, 7 మున్సిపల్ కార్పొరేషన్లకు సంబంధించి ఫిబ్రవరి 11న పోలింగ్ జరగనున్న విషయం అందరికీ తెలిసిందే.
ఓట్ల లెక్కింపు & ఫలితాలు ఫిబ్రవరి 13, 2026 (శుక్రవారం). మేయర్లు/చైర్మన్ల ఎన్నిక ఫిబ్రవరి 16, 2026. ఎన్నికల నేపథ్యంలో ఓటర్లు తమ ఓటు హక్కును వినియోగించుకోవడానికి ప్రభుత్వం ప్రత్యేక సెలవులను ప్రకటించే అవకాశం ఉంది అని తెలుస్తుంది. పోలింగ్ రోజు (ఫిబ్రవరి 11) ఓటింగ్ జరిగే ప్రాంతాల్లోని ప్రభుత్వ కార్యాలయాలు, విద్యాసంస్థలకు సాధారణ సెలవు ప్రకటించే అవకాశం ఉంది.
పోలింగ్ కేంద్రాలుగా ఉన్న పాఠశాలలకు ఫిబ్రవరి 11తో పాటు, ఎన్నికల ఏర్పాట్ల కోసం ముందు రోజు లేదా కౌంటింగ్ రోజు (ఫిబ్రవరి 13) కూడా సెలవు ఇచ్చే యోచనలో ప్రభుత్వం ఉంది అని తెలుస్తుంది. హైదరాబాద్ (GHMC), వరంగల్, ఖమ్మం వంటి ప్రధాన కార్పొరేషన్లకు ప్రస్తుతం ఎన్నికలు లేవు, కాబట్టి ఆ ప్రాంతాల్లో ఈ సెలవులు వర్తించకపోవచ్చు.