Gas problem: గ్యాస్ సమస్యను నియంత్రించడానికి రోజువారీ అలవాట్లు చాలా ప్రభావం చూపుతాయి. చిన్న మార్పులు చేసినా కడుపు ఆరోగ్యంలో పెద్ద మార్పు కనిపిస్తుంది.
ఉదయం రూటీన్ ముఖ్యమే..
ఉదయం లేవగానే ఖాళీ కడుపుతో గోరువెచ్చని నీళ్లు తాగడం జీర్ణవ్యవస్థను మెల్లగా యాక్టివ్ చేస్తుంది. రాత్రంతా విశ్రాంతిలో ఉన్న కడుపు కదలికలు మళ్లీ ప్రారంభమవుతాయి. తర్వాత 10-15 నిమిషాలు నడిస్తే గ్యాస్ కదలిక సులభమవుతుంది. ఇలా ప్రతిరోజూ చేస్తే పొట్ట ఉబ్బరం తగ్గి రోజంతా తేలికగా అనిపిస్తుంది.
ఇంటి చిట్కాలు..
జీలకర్ర నీరు: ఒక గ్లాస్ నీటిలో జీలకర్ర మరిగించి గోరువెచ్చగా తాగితే కడుపులో గాలి ఒత్తిడి తగ్గుతుంది.
వాము: అర చెంచా వాము నమిలి నీరు తాగితే డొక్కులు, ఉబ్బరం తగ్గుతాయి.
అల్లం: చిన్న ముక్క అల్లం నమలడం లేదా అల్లం రసం తేనెతో తీసుకోవడం గ్యాస్ మంటను తగ్గిస్తుంది.
ఇవి సహజ పద్ధతులు. అయితే తరచుగా తీవ్రమైన నొప్పి ఉంటే వైద్యుడిని సంప్రదించడం మంచిది.
ఆహార నియమాలు..
చాలా వేగంగా తినకూడదు, ఆహారాన్ని బాగా నమలాలి.
ఒకేసారి ఎక్కువగా తినకుండా, చిన్న మోతాదుల్లో తరచుగా తినాలి.
రాత్రి భోజనం తర్వాత వెంటనే పడుకోకూడదు, కొద్దిసేపు నడవాలి.
టీ, కాఫీ పరిమితిలో తీసుకోవాలి.
బంగాళాదుంప, క్యాబేజీ, బీన్స్ లాంటి గ్యాస్ పెంచే పదార్థాలు పరిమితంగా తీసుకోవాలి.
జీవనశైలి మార్పులు..
స్ట్రెస్ జీర్ణక్రియపై ప్రభావం చూపుతుంది. రోజూ 5-10 నిమిషాలు లోతుగా శ్వాస తీసుకునే అలవాటు చేసుకుంటే గ్యాస్ సమస్య తగ్గుతుంది. తేలికపాటి యోగా లేదా ప్రాణాయామం కూడా ఉపయోగపడుతుంది. వారానికి ఒకసారి తేలికైన ఆహారం తీసుకోవడం కడుపుకు విశ్రాంతి ఇస్తుంది.
ఎప్పుడు జాగ్రత్త?
గ్యాస్తో పాటు తీవ్రమైన కడుపునొప్పి, వాంతులు, బరువు తగ్గడం, రక్తం కలిసిన మలం వంటి లక్షణాలు ఉంటే వెంటనే డాక్టర్ను సంప్రదించాలి.
చిన్న చిన్న అలవాట్లు క్రమంగా పాటిస్తే గ్యాస్ సమస్య గణనీయంగా తగ్గుతుంది. కడుపు ఆరోగ్యం బాగుంటే రోజంతా ఉత్సాహంగా ఉండగలుగుతాం.
ALSO READ: Women Cricket: ఆసియా కప్ రైజింగ్ స్టార్స్లో భారత్ విజయం