జమ్మూకశ్మీర్‌లోని కుప్వారా జిల్లాలో సరిహద్దు వద్ద చొరబాటుకు ప్రయత్నించిన ఇద్దరు ఉగ్రవాదులను భారత భద్రతా బలగాలు మట్టుబెట్టాయి. కెరాన్ సెక్టార్‌లో శనివారం తెల్లవారుజామున ఈ ఘటన చోటుచేసుకుంది. ఎల్‌వోసీ వద్ద అనుమానాస్పద కదలికలను గుర్తించిన సైన్యం అప్రమత్తమై చర్యలు చేపట్టింది.
సరిహద్దు వద్ద ఏం జరిగింది?
జమ్మూకశ్మీర్‌లోని కుప్వారా జిల్లా కెరాన్ సెక్టార్‌లో నియంత్రణ రేఖ (ఎల్‌వోసీ) వెంబడి శనివారం తెల్లవారుజామున అనుమానాస్పద వ్యక్తుల కదలికలను భద్రతా దళాలు గుర్తించాయి. వారు భారత భూభాగంలోకి చొరబడేందుకు ప్రయత్నిస్తున్నట్లు అనుమానించిన సైన్యం.. వారిని అడ్డుకునేందుకు రంగంలోకి దిగింది.
ఈ క్రమంలో ఉగ్రవాదులకు, భద్రతా బలగాలకు మధ్య ఎదురుకాల్పులు జరిగాయి. ఈ ఘటనలో ఇద్దరు ఉగ్రవాదులు హతమైనట్లు సమాచారం. సరిహద్దు వెంబడి చొరబాటు ప్రయత్నాలను అడ్డుకునేందుకు సైన్యం అప్రమత్తంగా వ్యవహరిస్తోంది.
కొనసాగుతున్న గాలింపు చర్యలు
కాల్పుల ఘటన అనంతరం సరిహద్దు ప్రాంతంలో భద్రతా బలగాలు గాలింపు చర్యలను ముమ్మరం చేశాయి. ఈ ఘటనతో సంబంధం ఉన్న ఇతర వ్యక్తులు ఎవరైనా సమీప ప్రాంతాల్లో ఉన్నారా? అనే కోణంలో తనిఖీలు కొనసాగుతున్నాయి. సరిహద్దు భద్రతను మరింత కట్టుదిట్టం చేస్తూ బలగాలు అప్రమత్తంగా వ్యవహరిస్తున్నాయి.
also read: అనిరుధ్ – కావ్య మారన్ పెళ్లి.. రిసెప్షన్‌కు సీఎం రేవంత్ రెడ్డికి ఆహ్వానం!