తెలంగాణలో మరో దారుణం.. మహిళపై ఆటో డ్రైవర్ల గ్యాంగ్‌ రేప్‌!

తెలంగాణలో దారుణాలు రోజురోజుకు పెరిగిపోతున్నాయి. హత్యలు, అత్యాచార ఘటనలు జరుగుతున్నాయి. ఇటీవల కాలంలో గ్యాంగ్ రేప్ ఘటనలు ఎక్కువగా వెలుగులోనికి వస్తున్నాయి. తాజాగా నిజామాబాద్ లో కిరాతకం జరిగింది. అర్ధరాత్రి వేళ ఓ మహిళపై గ్యాంగ్ రేప్ జరిగింది.

బోధన్‌కు చెందిన 36 ఏళ్ల ఓ మహిళ శుక్రవారం షాపింగ్‌ కోసమని నిజామాబాద్‌కు వచ్చింది. షాపింగ్ ముగిసేవరికి రాత్రి అయింది. బోధన్‌కు వెళ్లేందుకు నిజామాబద్ బస్టాండ్‌ వద్ద నిలబడింది. డిచ్‌పల్లికి చెందిన ఆటో డ్రైవర్లు బోధన్‌లో దింపుతామని చెప్పి ఆమెను ఎక్కించుకున్నారు. బోధన్‌ వైపునకు కాకుండా డిచ్‌పల్లి వైపు తీసుకెళ్లారు. ఓ నిర్మానుష్య ప్రాంతంలో ఆ మహిళపై నలుగురు అత్యాచారానికి పాల్పడి అక్కడ నుండి పరారయ్యారు.
బాధితురాలి ఫిర్యాదుతో దర్యాప్తు ప్రారంభించిన పోలీసులు.. ఆటో డ్రైవర్లు జైనోద్దీన్‌, మోసీన్‌, సుల్తాన్‌, నగేశ్‌గా గుర్తించి గాలిస్తున్నారు.