దళపతి విజయ్ అభిమానుల ఉత్సాహాన్ని రెట్టింపు చేస్తూ ఆయన చివరి సినిమాగా వస్తున్న జన నాయకుడు చిత్రం ప్రారంభం నుంచే ఇండస్ట్రీలో భారీ హైప్ క్రియేట్ చేస్తున్నది. తమిళ ప్రేక్షకులకు రజనీ, కమల్ తర్వాత అత్యంత అభిమానభారత నటుడిగా నిలిచిన విజయ్, ఓవర్సీస్‌లో కూడా అపారమైన ఫాలోయింగ్‌ను సొంతం చేసుకున్న హీరో. ప్రస్తుతం రాజకీయ రంగ ప్రవేశానికి సిద్ధమవుతున్న సమయంలో వస్తున్న ఈ సినిమా మీద చూపులన్నీ పడటం సహజమే. ఈ నేపథ్యంలో జన నాయకుడి ప్రీ రిలీజ్ బిజినెస్ కోలీవుడ్‌లోనే కాదు, మొత్తం దక్షిణాది పరిశ్రమలో హాట్ టాపిక్ అయింది.
భగవంత్ కేసరి సినిమా కథలోని ప్రధాన అంశాన్ని తీసుకుని, దానికి రాజకీయ మార్పులు జతచేసి దర్శకుడు హెచ్ వినోద్ ఈ సినిమాను ఎంతో పెద్ద కాన్వాస్‌పై తీర్చిదిద్దుతున్నాడు. కెవిఎన్ ప్రొడక్షన్స్ అత్యంత భారీ బడ్జెట్‌తో ఈ చిత్రాన్ని నిర్మిస్తోంది. మొత్తం పెట్టుబడి రూ.300 కోట్లకు పైగానే వెళ్లినట్లు సినీ సర్కిల్స్ సమాచారం ఇస్తున్నాయి. భారీ అంచనాల నడుమ జనవరి 9 విడుదల తేదీ ప్రకటించిన తర్వాత మార్కెట్లో ఈ సినిమా హక్కులకు డిమాండ్ మరింత పెరిగింది.
అత్యంత కీలకమైన డిజిటల్ హక్కులు రూ.110-120 కోట్ల మధ్య ప్రముఖ ఓటీటీ సంస్థ సొంతం చేసుకున్నట్లు టాక్. అలాగే తమిళనాడు మరియు కేరళ కలిపిన థియేట్రికల్ రైట్స్ సుమారు రూ.115 కోట్లకు అమ్ముడయ్యాయని తెలుస్తోంది. ఓవర్సీస్ రైట్స్ మరో భారీ మొత్తం అయిన రూ.78 కోట్లకు డీల్ క్లోజ్ అయ్యాయి. ఆడియో హక్కులే రూ.35 కోట్ల వరకు వెళ్లడం ప్రత్యేక ఆకర్షణగా మారింది. మొత్తానికి ఈ సినిమా ప్రీ రిలీజ్ బిజినెస్ ఇప్పటికే రూ.350 కోట్లకు చేరుకున్నట్లు లెక్కలు చెబుతున్నాయి. అంటే నిర్మాణ వ్యయం మొత్తం హక్కుల రూపంలోనే తిరిగి వచ్చే పరిస్థితి నెలకొంది. దళపతి విజయ్ చివరి సినిమాగా వస్తున్న జన నాయకుడు వాస్తవానికి థియేట్రికల్ మరియు నాన్ థియేట్రికల్ రైట్స్ వసూళ్లతోనే ఇండస్ట్రీ రికార్డులను తిరగరాసినట్టే అని అభిమానులు అంటున్నారు.
ALSO READ: ఓటీటీలో మూవీల వర్షం.. ఏకంగా 20 సినిమాలు
