క్రైమ్ మిర్రర్, ఆన్ లైన్ డెస్క్ : బీఆర్ఎస్ వర్కింగ్ ప్రెసిడెంట్, మాజీ మంత్రి కేటీఆర్ న్యూ ఇయర్ లో జైలుకు వెళ్లడం ఖాయమా.. ఇదే ఇప్పుడు గులాబీ శ్రేణులను కలవరపెడుతోంది. ఫార్ములా ఈ రేస్ కేసుకు సంబంధించి ఏసీబీ నమేదు చేసిన కేసును క్వాష్‌ చేయాలంటూ కేటీఆర్ వేసిన పిటిషన్‌పై నేడు హైకోర్టులో విచారణ జరగనుంది. ఈ కేసులో కార్ రేస్ కేటీఆర్‌ను అరెస్ట్ చేయొద్దని గతంలో హైకోర్టు ఇచ్చిన ఆదేశాల గడువు నేటితో ముగియనుంది. ఈ క్రమంలో కోర్టు ఆదేశాలను పొడిగిస్తుందా లేదా అన్నది ఆసక్తికరంగా మారింది. కోర్టు ఇప్పటికే ఈ కేసుపై విచారణ చేపట్టినప్పటికీ, తుది తీర్పు కోసం నేడు కీలకంగా మారింది. ఈ తీర్పు కేటీఆర్ రాజకీయ జీవితాన్ని ప్రభావితం చేసే అవకాశాలున్నాయి.
Also Read : గ్రామస్థాయి రెవెన్యూ అధికారి (వీఎల్‌వో) పోస్టులకు దరఖాస్తుల వెల్లువ..
కేటీఆర్‌పై నమోదైన కేసు సరైన ఆధారాలు లేవని ఆయన తరఫు న్యాయవాదులు వాదిస్తున్నారని సమాచారం. మరోవైపు, ఈ కేసులో నిష్పక్షపాత విచారణ జరపాల్సిందిగా అధికార పార్టీ వర్గాలు డిమాండ్ చేస్తున్నాయి. కేసు కొట్టివేయడంపై కోర్టు ఏమి నిర్ణయిస్తుందన్నది రాజకీయ వర్గాల్లో చర్చనీయాంశంగా మారింది. ఈ పిటిషన్‌పై హైకోర్టు ఇచ్చే తీర్పు కేటీఆర్ అరెస్ట్‌పై ప్రభావం చూపవచ్చు. కేటీఆర్ కు వ్యతిరేకంగా హైకోర్టు తీర్పు వస్తే రేపు లేదా ఎల్లుండి కేటీఆర్ ను ఏసీబీ అరెస్ట్ చేసే అవకాశాలు కన్పిస్తున్నాయి. మరోవైపు ఫార్ములా ఈ రేస్ కేసులోనే విచారణకు రావాలని కేటీఆర్ కు ఈడీ నోటీసులు పంపించింది. ఏసీబీ ఇచ్చిన వివరాల ఆధారంగా కేసు నమోదు చేసిన ఈడీ.. జనవరి 6న విచారణకు రావాలని కేటీఆర్ కు నోటీసులు పంపించింది.
ఇవి కూడా చదవండి :
- కామారెడ్డి బీసీ డిక్లరేషన్‌లో ఇచ్చిన హామీలను అమలు చేయాలి.. ఎమ్మెల్సీ కవిత
- మద్యం ప్రియులకు పండగే.. పండగ… వైన్స్‌ షాపులు, బార్‌ల సమయ వేళలపై ప్రభుత్వం కీలక నిర్ణయం
- బెట్టింగ్ యాప్స్ ప్రమోట్ చేయకండి.. సోషల్ మీడియా ఇన్‌ఫ్లుయెన్సర్లకు సజ్జనార్ సూచన
- సంధ్య థియేటర్ తొక్కిసలాట ఘటన.. అల్లు అర్జున్ రెగ్యలర్ బెయిల్ పిటీషన్ పై తీర్పు వాయిదా
