మా జట్టు నూతన దళపతి ఇతడే : రాజస్థాన్ రాయల్స్

క్రైమ్ మిర్రర్, స్పోర్ట్స్ న్యూస్ :-
ఐపీఎల్ చరిత్రలో మొట్టమొదటి ట్రోఫీని అందుకున్నటువంటి రాజస్థాన్ రాయల్స్ జట్టు తాజాగా జరిగిన మినీ వేలంలో కీలక ప్లేయర్లను తీసుకుంది. మొన్నటి వరకు రాజస్థాన్ రాయల్స్ జట్టుకు కెప్టెన్ గా ఉన్నటువంటి సంజు సాంసన్ ట్రేడింగ్ ద్వారా చెన్నై జట్టుకు వెళ్లగా ఆ జుట్టునుంచి స్టార్ ఆల్ రౌండర్ రవీంద్ర జడేజాను రాజస్థాన్ తీసుకున్న విషయం తెలిసిందే. ఈ నేపథ్యంలోనే ఇక రాజస్థాన్ రాయల్స్ జట్టుకు నూతన కెప్టెన్ ఎవరు అనేది ప్రతి ఒక్కరు కూడా ఆసక్తిగా ఎదురుచూస్తుండగా తాజాగా ఈ జట్టు కెప్టెన్ గా జడేజా దాదాపు ఖరారు అయినట్లుగా తెలుస్తోంది. రవీంద్ర జడేజా ఫోటోను రాజస్థాన్ రాయల్స్ జట్టు సోషల్ మీడియా వేదికగా ఎడిట్ చేసి షేర్ చేస్తూ “దళపతి సూన్” అంటూ క్యాప్షన్ ఇచ్చారు.

కాబట్టి రాజస్థాన్ రాయల్స్ జట్టుకు దాదాపు రవీంద్ర జడేజానే కెప్టెన్గా వ్యవహరిస్తారు అని స్పష్టంగా అర్థమవుతుంది. నిన్న మొన్నటి వరకు ఈ జట్టు కెప్టెన్ గా యంగ్ ప్లేయర్స్ జైష్వాల్ అలాగే రియాన్ పరాగ్ పేర్లు వినిపించాయి. కానీ రవీంద్ర జడేజాకు ఉన్నంత అనుభవం ఆ జట్టులో ఇంకెవరికి లేకపోవడంతో ఫ్రాంచైజీ ఈ నిర్ణయం తీసుకున్నట్లుగా సమాచారం. దీంతో చెన్నై నుంచి రాజస్థాన్ జట్టుకు వచ్చినటువంటి రవీంద్ర జడేజా అభిమానులు నిరాశలో ఉన్నా కూడా కెప్టెన్ గా అయినా నిలబెడితే ఫ్యాన్స్ కు అంతకు మించిన సంతోషం ఉండదు. ఈ నేపథ్యంలోనే రవీంద్ర జడేజా అభిమానులు అందరూ కూడా రాజస్థాన్ జట్టుకు జడేజానే కెప్టెన్గా చేయాలి అని సోషల్ మీడియా వేదికగా పెద్ద ఎత్తున కామెంట్లు చేస్తున్నారు. మరి అధికారికంగా ప్రకటించే వరకు తప్పక వెయిట్ చేయాల్సిందే.